உள்ளூர் போட்டியின் போது மீண்டும் காயமடைந்த மேக்ஸ்வெல் - வைரல் காணொளி!

இந்தியாவில் 4 டெஸ்டுகளில் விளையாடும் ஆஸ்திரேலிய அணி, அடுத்ததாக 3 ஆட்டங்கள் கொண்ட ஒருநாள் தொடரிலும் பங்கேற்கிறது. டெஸ்ட் தொடரில் முதல் இரு டெஸ்டுகளிலும் வெற்றி பெற்ற இந்திய அணி 2-0 என முன்னிலை வகிக்கிறது. 3-வது டெஸ்ட், இந்தூரில் மார்ச் 1 அன்று தொடங்குகிறது.

முதல் இரு டெஸ்டுகளிலும் ஆஸ்திரேலிய பேட்டர்கள் மோசமாக விளையாடியுள்ளார்கள். மேலும் 3 வருடங்கள் கழித்து முதல் தர கிரிக்கெட்டில் விளையாடி வருகிறார் ஆஸ்திரேலிய ஆல்ரவுண்டர் மேக்ஸ்வெல். 

ஆஸ்திரேலியாவின் ஷெஃப்ஃபீல்ட் ஷீல்ட் போட்டிக்கான விக்டோரியா அணியில் இடம்பெற்ற மேக்ஸ்வெல், மெல்போர்னில் நடைபெற்று வரும் தெற்கு ஆஸ்திரேலியாவுக்கு எதிரான ஆட்டத்தில் முதல் இன்னிங்ஸில் 5 ரன்கள் எடுத்தார். நண்பருடைய பிறந்த நாள் விழாவில் காலில் காயம் ஏற்பட்டதால் கடந்த நவம்பர் முதல் எந்தவொரு ஆட்டத்திலும் விளையாடாமல் இருந்தார். தற்போது முதல்தர கிரிக்கெட்டில் விளையாடுவதால் அவர் மீதான எதிர்பார்ப்பும் அதிகரித்திருந்தது.

இந்நிலையில் இப்போட்டியின் போது பீல்டிங் செய்துகொண்டிருந்த மேக்ஸ்வெல், கேட்ச் பிடிக்க முயற்சித்த போது தனது மணிக்கட்டு பகுதியில் மீண்டும் காயமடைந்து, களத்திலிருந்து வெளியேறினார். இதையடுத்து அவர் உடனடியாக மருத்துவ பரிசோதனைக்கு உட்படுத்தப்பட்டு, ஸ்கோன் பரிசோதனை மேற்கொண்டார். 

ஆனால் ஸ்கேன் பரிசோதனை முடிவில் அவருக்கு எழும்பு முறிவு ஏற்படவில்லை என்பது உறுதிசெய்யப்பட்டுள்ளது. இதனால் அவர் கூடிய விரையில் மீண்டும் களத்தில் பார்க்கலாம் என்பது உறுதியாகியுள்ளது.