IND vs AUS, 1st Test: சர்வதேச கிரிக்கெட்டில் சாதனை நிகழ்த்திய அஸ்வின்!

இந்தியா வந்துள்ள ஆஸ்திரேலிய அணி நான்கு போட்டிகள் கொண்ட டெஸ்ட் தொடரில் பங்கேற்று விளையாடி வருகிறது.இதில் முதல் போட்டியில் டாஸ் வென்ற ஆஸ்திரேலிய அணி முதலில் பேட்டிங்கை தேர்வு செய்தது. பிட்ச் துவக்கத்தில் சுழலுக்கு சாதகமாக இருக்கும் எனக் கணிக்கப்பட்டிருந்ததால், ஸ்பின்னர்கள்தான் இப்போட்டியில் பெரிய தாக்கத்தை ஏற்படுத்துவார்கள் எனக் கணிக்கப்பட்டது. ஆனால், இந்திய வேகப்பந்து வீச்சாளர்களே துவக்கத்தில் பட்டையக் கிளப்பி அசத்தினார்கள்.

முதல் இன்னிங்ஸ் களமிறங்கிய ஆஸ்திரேலிய அணிக்கு எதிராக, முகமது சிராஜ் மற்றும் முகமது ஷமி ஆகியோர் பந்துவீசினார்கள். பிட்சில் பவுன்ஸ் இல்லாமல் இருந்தது. இதனால், பந்துகளை மேலே ஏத்திப்போட வேண்டிய கட்டாயம் இருந்தது. இந்நிலையில், அதற்கேற்றாற்போல், சிராஜ் பந்தை துவக்கத்திலேயே மேலே ஏத்திப்போட்டு, கவாஜாவுக்கு இன் ஸ்விங் வீசினார்.

இதனைக் கணிக்க தவறிய கவாஜா 1 சிராஜின் முதல் பந்திலேயே ஆட்டமிழந்தார். இதனைத் தொடர்ந்து டேவிட் வார்னரும் 1 ஷமி பந்தை தவறாக கணித்து போல்ட் ஆனார். இதனால், ஆட்டத்தில் பெரும் பரபரப்பு ஏற்பட்டது. ஆஸி அணி 2 ரன்களுக்கு 2 முக்கிய விக்கெட்களை இழந்து தடுமாறியது.

இதனைத் தொடர்ந்து லபுஷேன் 49, ஸ்டீவ் ஸ்மித் 37, ஹேன்ட்ஸ்ஹோம் 31, அலேக்ஸ் ஹேரி 36 ஆகியோர் ஓரளவுக்கு சிறப்பாக விளையாடினார்கள். இருப்பினும், இந்திய ஸ்பின்னர்கள் அபாரமாக பந்துவீச ஆரம்பித்ததால், இவர்களால் பெரிய ஸ்கோர் அடிக்க முடியவில்லை. அடுத்து, கேப்டன் கம்மின்ஸ் 6, ரென்சோ 0 போன்றவர்கள் ஒற்றை இலக்க ரன்களை மட்டும் சேர்த்து, ஆட்டமிழந்தனர். இதனால், ஆஸ்திரேலிய அணி முதல் இன்னிங்ஸில் 177 ரன்களுக்கு சுருண்டது.

இப்போட்டியில் ரவீந்திர ஜடேஜா 5 விக்கெட்களை கைப்பற்றி அசத்தினார். அதேபோல், ரவிச்சந்திரன் அஸ்வினும் 4 விக்கெட்களை எடுத்தார். இந்நிலையில் இப்போட்டியில் 3 விக்கெட்டுகளைக் கைப்பற்றியதன் மூலம் ரவிச்சந்திரன் அஸ்வின் டெஸ்டில் 450 விக்கெட்களை வீழ்த்திய இரண்டாவது இந்திய வீரர் என்ற சாதனையை படைத்தார்.

இதற்கு முன்னதாக அனில் கும்ளேவுக்கு 619 ரன்களை எடுத்து முதலிடத்தில் உள்ளார். அதேபோல் முரளிதரனுக்கு (80 இன்னிங்ஸ்) அடித்து குறைந்த இன்னிங்ஸில் இந்த சாதனையை படைத்தவராக அஸ்வின் இருக்கிறார். அஸ்வின் 450 விக்கெட்களுக்கு 89 இன்னிங்ஸ்களை எடுத்துக் கொண்டுள்ளார். மெக்ராவுக்கு (23474) அடுத்து, குறைந்த பந்துகளில் 450 விக்கெட்களை (23635) எடுத்தவராகவும் அஸ்வின் சாதனைப்படைத்துள்ளார்..