இந்தியா மற்றும் ஆஸ்திரேலியா அணிகளுக்கு இடையே பாரம்பரியமாக நடைபெற்று வரும் பார்டர் - கவாஸ்கர் கோப்பை டெஸ்ட் தொடர், இந்த ஆண்டு ஆஸ்திரேலியாவில் நடைபெற இருக்கிறது. அதன்படி மொத்தம் 5 போட்டிகள் கொண்ட தொடராக நடைபெறும் இத்தொடரானது நவம்பர் மாத இறுதியில் தொடங்குகிறது. மேலும் இத்தொடருக்கான போட்டி ஆட்டவணையும் சமீபத்தில் அறிவிக்கப்பட்டிருந்தது.
அதன்படி மொத்தம் 5 போட்டிகள் கொண்ட டெஸ்ட் தொடராக இது நடைபெறவுள்ளது. இதன்மூலம் பார்டர் கவாஸ்கர் கோப்பை தொடரில் இந்தியா - ஆஸ்திரேலியா அணிகள் முதல்முறையாக 5 போட்டிகள் கொண்ட டெஸ்ட் தொடரில் நேருக்கு நேர் மோதவுள்ளனர். அதிலும் குறிப்பாக இத்தொடரின் இரண்டாவது டெஸ்ட் போட்டி பகலிரவு ஆட்டமாக நடைபெறும் என்று ஆஸ்திரேலியா கிரிக்கெட் வாரியம் அறிவித்துள்ளதும் குறிப்பிடத்தக்கது.
இந்நிலையில் இத்தொடருக்கு முன்னதாக இந்திய ஏ அணி ஆஸ்திரேலிய ஏ அணிக்கு எதிராக பயிற்சி ஆட்டங்களில் விளையாடவுள்ளது. அதன்படி இந்திய ஏ அணியானது இரண்டு போட்டிகள் கொண்ட பயிற்சி போட்டியில் விளையாடவுள்ளது. அதன்படி அக்டோபர் 31ஆம் முதல் பயிற்சி போட்டியும், நவம்பர் 07ஆம் தேதி இரண்டாவது பயிற்சி போட்டியும் நடைபெறவுள்ளது.
இந்தியா ஏ vs ஆஸ்திரேலியா ஏ அட்டவணை
- அக்டோபர் 31 - நவம்பர் 03 :கிரேட் பேரியர் ரீஃப் அரங்கம், மேக்கே
- நவம்பர் 07 - 10: மெல்போர்ன் கிரிக்கெட் மைதானம், மெல்போர்ன்
பார்டர் கவாஸ்கர் டெஸ்ட் தொடர் போட்டி அட்டவணை
- முதல் டெஸ்ட் - பெர்த் - நவம்பர் 22 - 26
- இரண்டாவது டெஸ்ட் (பகலிரவு) - அடிலெய்ட் ஓவல் - டிசம்பர் 06-10
- மூன்றாவது டெஸ்ட் - பிரிஸ்பேன் - டிசம்பர் 14-18
- நான்காவது டெஸ்ட் (பாக்ஸிங் டே) - மெல்போர்ன் - டிசம்பர் 26-30
- ஐந்தாவது டெஸ்ட் (புத்தாண்டு டெஸ்ட்) - சிட்னி - ஜனவரி 03-07(2025)