India Test Schedule WTC 2025-27 Cycle: எதிர்வரும் 2025-27ஆம் ஆண்டு சுழற்சிக்கான ஐசிசி உலக டெஸ்ட் சாம்பியன்ஷிப் தொடரில் இந்திய அணி, இங்கிலாந்து, வெஸ்ட் இண்டீஸ், தென் ஆப்பிரிக்கா, இலங்கை, நியூசிலாந்து மற்றும் ஆஸ்திரேலிய அணிகளுடன் பலப்பரீட்சை நடத்தவுள்ளது.
நடந்து முடிந்த ஐசிசி உலக டெஸ்ட் சாம்பியன்ஷிப் தொடரின் இறுதிப்போட்டியில் டெம்பா பவுமா தலைமையிலான தென் ஆப்பிரிக்க அணியானது 5 விக்கெட் வித்தியாசத்தில் ஆஸ்திரேலிய அணியை வீழ்த்தி சாம்பியன் பட்டத்தை வென்று அசத்தியுள்ளது. அதேசமயம் இந்த முறை இந்திய அணி இறுதிப்போட்டிக்கு முன்னேற அதிக வாய்ப்புகள் இருந்த நிலையிலும் நியூசிலாந்து, ஆஸ்திரேலிய அணிகளுக்கு எதிரான தோல்வியின் காரணமாக அந்த வாய்ப்பை தவறவிட்டது.
இதனால் அடுத்த உலக டெஸ்ட் சாம்பியன் பட்டத்தை வெல்லும் முனைப்பில் இந்திய அணியானது விளையாடவுள்ளது. அதிலும் குறிப்பாக ரோஹித் சர்மா, விராட் கோலி மற்றும் ரவிச்சந்திரன் அஸ்வின் உள்ளிட்டோர் சர்வதேச கிரிக்கெட்டில் இருந்து ஓய்வை அறிவித்துள்ள நிலையில், ஷுப்மன் கில் தலைமையிலான இளம் இந்திய அணி எதிர்வரும் சவல்களை எவ்வாறு சமாளிக்கும் என்ற எதிர்பார்ப்புகளும், சந்தேகங்களும் அதிகரித்து வ்ருகின்றனர்.
அந்தவகையில் 2025-27 ஐசிசி உலக டெஸ்ட் சாம்பியன்ஷிப் சழற்ச்சியில் இந்திய அணி மொத்தமாக 6 தொடர்களில் 18 டெஸ்ட் போட்டிகளில் விளையாடவுள்ளது. இதில் மூன்று தொடர்கள் சொந்த மண்ணிலும், மூன்று தொடர்கள் வெளிநாட்டு சுற்றுப்பயணங்களகவும் அமைந்துள்ளது. இந்நிலையில் இந்திய அணி விளையாடும் தொடர் மற்றும் போட்டிகள் குறித்த முழு விவரங்களையும் இந்த பதிவில் பார்ப்போம்.
இந்தியா vs இங்கிலாந்து டெஸ்ட் தொடர் 2025
வரவிருக்கும் இங்கிலாந்துக்கு எதிரான ஐந்து டெஸ்ட் போட்டிகள் கொண்ட தொடர் முதல் ஐசிசி உலக டெஸ்ட் சாம்பியன்ஷிப் தொடரில் இந்திய அணியின் பயணமானது தொடங்கவுள்ளது. அந்தவகையில் இவ்விரு அணிகளுக்கும் இடையேயான இந்த டெஸ்ட் தொடரின் போட்டிகள் ஹெடிங்லி, எட்ஜ்பாஸ்டன், லார்ட்ஸ், ஓல்ட் டிராஃபோர்டு மற்றும் தி ஓவல் ஆகிய இடங்களில் நடைபெறவுள்ளது. அதேசமயம் இந்திய அணியின் கேப்டனாக ஷுப்மன் கில்லின் முதல் டெஸ்ட் தொடரும் இதுவாகும்.
இந்தியா vs வெஸ்ட் இண்டீஸ் (அக்டோபர் 2025)
எதிர்வரும் அக்டோபர் மாதம் இந்திய அணியானது வெஸ்ட் இண்டீஸ் அணியுடன் சொந்த மண்ணில் இரண்டு டெஸ்ட் போட்டிகள் கொண்ட தொடரில் விளையாடவுள்ளது. இதில் இரு அணிகளுக்கும் இடையேயான முதல் போட்டி அக்டோபர் 2 ஆம் தேதி அகமதாபாத்தில் உள்ள நரேந்திர மோடி மைதானத்திலும், இரண்டாவது போட்டி அக்டோபர் 10 ஆம் தேதி டெல்லியில் உள்ள அருண் ஜெட்லி மைதானத்திலும் நடைபெறும். இந்த தொடரில் இந்தியா முக்கியமான புள்ளிகளைப் பெற வாய்ப்பு உள்ளது.
இந்தியா vs தென் ஆப்பிரிக்கா (நவம்பர்-டிசம்பர் 2025)
வெஸ்ட் இண்டீஸூக்குப் பிறகு, தென் ஆப்பிரிக்க அணி இரண்டு டெஸ்ட் போட்டிகள் கொண்ட தொடரில் விளையாடுவதற்காக இந்தியாவில் சுற்றுப்பயணம் மேற்கொள்ளவுளது. இதில் இரு அணிகளுக்கும் இடையேயான முதல் போட்டி நவம்பர் 14 ஆம் தேதி கொல்கத்தாவில் உள்ள ஈடன் கார்டன்ஸிலும், இரண்டாவது டெஸ்ட் போட்டி நவம்பர் 22 ஆம் தேதி கௌகாத்தில் உள்ள பர்சபரா கிரிக்கெட் மைதானத்திலும் நடைபெறவுள்ளது.
இலங்கை vs இந்தியா (ஆகஸ்ட் 2026)
அதன்பின் அடுத்த ஆண்டு ஆகஸ்ட் மாதம் இந்திய அணி இரண்டு டெஸ்ட் போட்டிகள் கொண்ட தொடரில் விளையாடுவதற்காக இலங்கையில் சுற்றுப்பயணம் மேற்கொள்ளவுள்ளது. இது இந்தியா அணியின் இரண்டாவது வெளிநாட்டு சுற்றுப்பயணமாகும். மேற்கொண்டு இலங்கை மண்ணில் இந்திய அணிக்கு பழக்கமான சூழ்நிலைகள் உள்ள நிலையிலும், அவர்களின் பந்துவீச்சு தாக்குதலை இந்திய அணி எவ்வாறு சமாளிக்கும் என்ற கேள்விகளும் உள்ளன.
நியூசிலாந்து - இந்தியா (அக்டோபர்-நவம்பர் 2026)
அடுத்த ஆண்டு அக்டோபர்-நவம்பர் மாதங்களில், இந்திய அணி இரண்டு டெஸ்ட் போட்டிகள் கொண்ட டெஸ்ட் தொடரில் விளையாடுவதற்காக நியூசிலாந்திற்கு சுற்றுப்பயணம் மேற்கொள்ளும். இந்த சுற்றுப்பயணத்தில், வேகப்பந்து வீச்சாளர்களுக்கு உதவும் ஆடுகளங்கள் இந்திய பேட்ஸ்மேன்களை சோதிக்கும். இந்த இரண்டு டெஸ்ட் போட்டிகள் கொண்ட தொடர் இந்தியாவின் வெளிநாட்டு செயல்திறனுக்கு முக்கியமானது.
இந்தியா vs ஆஸ்திரேலியா டெஸ்ட் தொடர் 2027
Also Read: LIVE Cricket Score
ஜனவரி-பிப்ரவரி 2027 இல், ஆஸ்திரேலிய அணி ஐந்து டெஸ்ட் போட்டிகள் கொண்ட தொடரில் விளையாடுவதற்காக இந்தியாவில் சுற்றுப்பயணம் செய்யும். இந்த ஐந்து டெஸ்ட் போட்டிகள் கொண்ட தொடர், முந்தைய பார்டர்-கவாஸ்கர் டிராபி தோல்விக்குப் பழிவாங்குவதற்கு மட்டுமல்லாமல், உலக டெஸ்ட் சாம்பியன்ஷிப் இறுதிப் போட்டிக்குத் தகுதி பெறுவதற்கும் இந்திய அணிக்கு மிக முக்கிமானதாக இருக்கலாம்.