ஐபிஎல் தொடரின் 18ஆவது சீசன் விறுவிறுப்பாக நடைபெற்று வரும் நிலையில், நாளை நடைபெறும் 36ஆவது லீக் போட்டியில் சஞ்சு சாம்சன் தலைமையிலான ராஜஸ்தான் ராயல்ஸ் மற்றும் ரிஷப் பந்த் தலைமையிலான லக்னோ சூப்பர் ஜெயண்ட்ஸ் அணிகள் பலப்பரீட்சை நடத்தவுள்ளன.
இவ்விரு அணிகளுக்கும் இடையேயான இப்போட்டியானது ஜெய்ப்பூரில் உள்ள சவாய் மான்சிங் மைதானத்தில் நடைபெறவுள்ளது. இதில் இரு அணிகளும் தோல்வியைத் தழுவிய கையோடு இப்போட்டியை எதிர்கொள்ளவுள்ளது. இதன் காரணமாக இப்போட்டியில் எந்த அணி வெற்றிபெறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன. இந்நிலையில் இப்போட்டிக்கு முன்னதாக ராஜஸ்தான் ராயல்ஸ் அணியின் கேப்டன் சஞ்சு சாம்சன் விளையாடுவாரா என்ற கேள்வி எழுந்துள்ளது.
அதன்படி டெல்லி கேப்பிட்டல்ஸுக்கு எதிரான போட்டியின் போது அதிரடியாக விளையாடி வந்த சஞ்சு சாம்சன் காயம் காரணமாக ரிட்டையர்ட் ஹர்ட் முறையில் பெவிலியனுக்கு திரும்பினார். அதன்பின் அவரது வலி தீவிரமடைந்தததை தொடர்ந்து மேற்கொண்டு அவரால் பேட்டிங் செய்ய முடியவில்லை. இதன் காரணமாக அந்த போட்டியில் ராஜச்தான் ராய்ஸ்ல் அணியானது சூப்பர் ஓவர் வரை சென்ற நிலையிலும் தோல்வியைச் சந்தித்தது.
இதனையடுத்து சஞ்சு சாம்சனுக்கு மருத்துவ பரிசோதனைகள் மேற்கொள்ளப்பட்டுள்ளன. இந்நிலையில் தான் ஸ்கேன் பரிசோதனையின் முடிவில் தான் சஞ்சு சாம்சன் விளையாடுவாரா இல்லையா என்பது குறித்து முடிவு தெரியவரும் என தகவல்கள் வெளியாகியுள்ளன. ஒருவேளை ஸ்கேன் முடிவில் சாம்சனில் காயம் தீவிரமடைவது கண்டறியப்பட்டால், நடப்பு ஐபிஎல் தொடரில் இருந்தும் கூட விலக வாய்ப்புள்ளதாக கூறப்பகிறது.
அப்படி அவர் தொடரில் இருந்து விலகும் பட்சத்தில் அது ராஜஸ்தான் ராயல்ஸ் அணிக்கு பெரும் பின்னடைவை ஏற்படுத்தும். ஏனெனில் தொடரின் ஆரம்பத்திலேயே அந்த அணி சஞ்சு சாம்சனின் கேப்டன்ஷி இல்லாமல் அடுத்தடுத்து தோல்விகளைச் சந்தித்துள்ளது. மேற்கொண்டு அணியின் பேட்டிங்கும் அவரைச் சுற்றியே உள்ள காரணத்தால், இது பெரும் பின்னடைவை ஏற்படுத்தும். இதனால் அவர் அடுத்த போட்டியில் விளையாடுவாரா இல்லையா என்பது பெரும் சந்தேகமாக இருந்து வருகிறது.
Also Read: Funding To Save Test Cricket
ராஜஸ்தான் ராயல்ஸ்: சஞ்சு சாம்சன் (கேப்டன்), யஷஸ்வி ஜெய்ஸ்வால், ரியான் பராக், துருவ் ஜூரல், ஷிம்ரான் ஹெட்மையர், சந்தீப் சர்மா, ஜோஃப்ரா ஆர்ச்சர், வநிந்து ஹசரங்கா, மகேஷ் தீக்ஷனா, ஆகாஷ் மத்வால், குமார் கார்த்திகேய சிங், நிதிஷ் ராணா, துஷார் தேஷ்பாண்டே, சுபம் துபே, யுத்வீர் சரக், ஃபசல்ஹக் ஃபரூக்கி, வைபவ் சூர்யவன்ஷி, குவேனா மபாகா, குணால் ரத்தோர், அசோக் சர்மா.