இங்கிலாந்தின் உள்ளூர் டி20 தொடர்களில் ஒன்றான டி20 பிளாஸ்ட் தொடரின் நடப்பாண்டு இறுதிக்கட்டத்தை எட்டியுள்ளது. இதில் நேற்று நடைபெற்ற சௌத் குரூப் அணிகளுக்கு இடையேயான லீக் போட்டியில் எசெக்ஸ் மற்றும் ஹாம்ஷயர் அணிகள் பலப்பரீட்சை நடத்தின.
இப்போட்டியில் டாஸை இழந்து முதலில் பேட்டிங் செய்த ஹாம்ஷயர் அணியில் டோபி ஆல்பர்ட் மற்றும் லுக் கார்ட்ரைட் ஆகியோரது அரைசதங்கள் காரணமாக நிர்ணயிக்கப்பட்ட 20 ஓவர்கள் முடிவில் 6 விக்கெட்டுகளை இழந்து 220 ரன்களைச் சேர்த்தது. இதில் அதிகபட்சமாக டோபி ஆல்பர்ட் 12 பவுண்டரி, ஒரு சிக்ஸர் என 84 ரன்களையும், கார்ட்ரைட் 3 பவுண்டரி, 5 சிக்ஸர்கள் என 56 ரன்களைச் சேர்த்தனர். ஹாம்ஷயர் தரப்பில் மெக்கன்ஸி ஜோன்ஸ், சிமோன் ஹார்மர் தலா 2 விக்கெட்டுகளைக் கைப்பற்றினர்.
அதன்பின் இலக்கை நோக்கி விளையாடிய எசெக்ஸ் அணியில் டாப் ஆர்டர் வீரர்கள் சோபிக்க தவறினர். ஒருபக்கம் விக்கெட்டுகள் சரிந்தாலும் மறுமுனையில் தொடர்ந்து அபார ஆட்டத்தை வெளிப்படுத்திய ஜோர்டன் காக்ஸ் சதமடித்து அசத்தியதுடன் இறுதிவரை ஆட்டமிழக்காமல் 11 பவுண்டரி, 11 சிக்ஸர்கள் என 139 ரன்களைச் சேர்த்து அணிக்கு வெற்றியைத் தேடிக்கொடுத்தனர். இதன்மூலம் எசெக்ஸ் அணி 4 விக்கெட் வித்தியாசத்தில் ஹாம்ஷயர் அணியை வீழ்த்தி வெற்றிபெற்றது.
இந்நிலையில் இப்போட்டியில் சதமடித்து அசத்திய ஜோர்டன் காக்ஸ் டி20 கிரிக்கெட்டில் தனித்துவ சாதனை பட்டியலிலும் இணைந்துள்ளார். அதன்படி இப்போட்டியில் அவர் 11 பவுண்டரிகள் மற்றும் 11 சிக்ஸர்களை அடித்ததன் மூலம் ஒரு டி20 இன்னிங்ஸில் ஒரே எண்ணிக்கையிலான பவுண்டரிகள் மற்றும் சிக்ஸர்களை அடித்த வீரர்கள் பட்டியலில் இரண்டாம் இடத்தைப் பிடித்ததுடன், மைக்கேல் பிரேஸ்வெல்லின் சாதனையை சமன்செய்துள்ளார்.
இதற்கு முன், கடந்த 2022ஆம் ஆண்டு சென்ட்ரல் டிஸ்டிர்க்ட் அணிக்கு எதிரான போட்டியில் மைக்கேல் பிரேஸ்வெல் தலா 11 பவுண்டர் மற்றும் சிக்ஸர்களை அடித்திருந்தது குறிப்பிடத்தக்கது. இந்த பட்டியலில் தென் ஆப்பிரிக்காவின் இளம் அதிரடி வீரர் டெவால்ட் பிரீவிஸ் கடந்த 2022ஆம் ஆண்டு நைட்ஸ் அணிக்கு எதிரான போட்டியில் 13 பவுண்டரிகள் மற்றும் 13 சிக்ஸர்களை விளாசி முதலிடத்தில் உள்ளார் என்பது குறிப்பிடத்தக்கது.
Also Read: LIVE Cricket Score
சாதனை பட்டியல் (ஒரே எண்ணிக்கையிலான பவுண்டரி & சிக்ஸர்கள்)
- 13 – டெவால்ட் பிரெவிஸ் vs நைட்ஸ், 2022
- 11 – ஜோர்டான் காக்ஸ் vs ஹாம்ப்ஷயர், 2025*
- 11 – மைக்கேல் பிரேஸ்வெல் vs சென்ட்ரல் டி, 2022
- 10 – டிபி ராபின்சன் vs ஒடாகோ, 2023
- 10 – குயின்டன் டி காக் vs கேகேஆர், 2022
- 10 – உன்முக்த் சந்த் vs குஜராத், 2013