லார்ட்ஸ் மைதானத்தில் சாதனை படைத்த கேஎல் ராகுல்!
KL Rahul Record: இங்கிலாந்து அணிக்கு எதிரான மூன்றாவது டெஸ்ட் போட்டியில் இந்திய அணி வீரர் கேஎல் ராகுல் சதமடித்து அசத்தியதன் மூலம் சிறப்பு சதனை பட்டியலில் இணைந்துள்ளார்.
லண்டனில் உள்ள லார்ட்ஸ் கிரிக்கெட் மைதானத்தில் இங்கிலாந்து - இந்தியா அணிகளுக்கு இடையேயான மூன்றாவது டெஸ்ட் போட்டியானது தொடங்கி நடைபெற்று வருகிறது. இப்போட்டியில் டாஸ் வென்று முதலில் பேட்டிங் செய்த இங்கிலாந்து அணி முதல் இன்னிங்ஸில் 387 ரன்களைச் சேர்த்து ஆல் அவுட்டானது. இதில் அதிகபட்சமாக ஜோ ரூட் 104 ரன்களையும், பிரைடன் கார்ஸ் 56 ரன்களையும், ஜேமி ஸ்மித் 51 ரன்களையும் சேர்த்தனர். இந்திய அணி தரப்பும் பும்ரா 5 விக்கெட்டுகளை வீழ்த்தினார்.
பின்னர் இலக்கை நோக்கி விளையாடி வரும் இந்திய அணி இரண்டாம் நாள் ஆட்டநேர முடிவில் இந்திய அணி 3 விக்கெட்டுகள் இழப்பிற்கு 145 ரன்களைச் சேர்த்திருந்தது. இந்திய அணி தரப்பில் கேஎல் ராகுல் 53 ரன்களுடனும், ரிஷப் பந்த் 19 ரன்களுடனும் இன்னிங்ஸைத் தொடர்ந்தனர். இதில் கேஎல் ராகுல் தனது சதத்தையும், ரிஷப் பந்த் தனது அரைசதத்தையும் பதிவுசெய்திருந்த கையோடு தங்களில் விக்கெட்டுகளை இழந்தனர். இப்போட்டின் மூலம் கேஎல் ராகுல் சாதனை ஒன்றையும் படைத்துள்ளார்.
அதன்படி, லார்ட்ஸ் கிரிக்கெட் மைதானத்தில் இந்தியாவுக்காக இரண்டு டெஸ்ட் சதங்களை அடித்த இரண்டாவது வீரர் எனும் பெருமையை கேஎல் ராகுல் பெற்றுள்ளார். முன்னதாக, இந்திய அணியின் முன்னாள் வீரர் திலீப் வெங்சர்க்கார் லார்ட்ஸ் கிரிக்கெட் மைதானத்தில் மூன்று சதங்களை அடித்து இந்த பட்டியலில் முதலிடத்தில் உள்ளார் என்பது குறிப்பிடத்தக்கது.
லார்ட்ஸ் மைதானத்தில் அதிக டெஸ்ட் சதங்களை அடித்த இந்திய வீரர்கள்
- திலீப் வெங்சர்க்கார் - 3 சதங்கள்
- கே.எல். ராகுல் - 2 சதங்கள்
- வீணு மங்கட் - 1 சதம்
- குண்டப்பா விஸ்வநாத் - 1 சதம்
- ரவி சாஸ்திரி - 1 சதம்
- முகமது அசாருதீன் - 1 சதம்
- சௌரவ் கங்குலி - 1 சதம்
- அஜித் அகர்க்கர் - 1 சதம்
- ராகுல் டிராவிட் - 1 சதம்
- அஜிங்க்யா ரஹானே - 1 சதம்
Also Read: LIVE Cricket Score
இது மட்டுமல்லாமல், இங்கிலாந்தில் அதிக டெஸ்ட் சதங்கள் அடித்த இந்திய வீரர்கள் பட்டியலிலும் கேஎல் ராகுல் இரண்டாம் இடத்தைப் பிடித்துள்ளார். இந்த பட்டியலில் முன்னாள் வீரர் ராகுல் டிராவிட் 6 சதங்களுடன் முதலிடத்தில் உள்ள நிலையில், கேஎல் ராகுல் 4 சதங்களுடன் இரண்டாம் இடத்தை சமன்செய்துள்ளார். முன்னதாக சச்சின் டெண்டுல்கர், ரிஷப் பந்த் மற்றும் திலிப் வெங்சர்க்கார் உள்ளிட்டோரும் 4 சதங்களை அடித்துள்ளது குறிப்பிடத்தக்கது.