பயிற்சி ஆட்டத்தில் காயமடைந்த கேஎல் ராகுல்; வைரலாகும் காணொளி!

இந்திய அணி  அஸ்திரேலியாவில் சுற்றுப்பயணம் மேற்கொண்டு 5 போட்டிகள் கொண்ட பார்டர் கவாஸ்கர் கோப்பை கிரிக்கெட் தொடரில் விளையாடவுள்ளது. அதன்படி ஆஸ்திரேலியா - இந்தியா அணிகளுக்கு இடையேயான இந்த டெஸ்ட் தொடரானது வரும் நவம்பர் 22ஆம் தேதி தொடங்கவுள்ளது. கடும் நெருக்கடிக்கு மத்தியில் இந்திய அணி இத்தொடரை எதிர்கொள்ளவுள்ளதால், இதில் அணியின் செயல்பாடு எவ்வாறு இருக்கும் என்ற எதிர்பார்ப்பு அதிகரித்துள்ளது.

மேற்கொண்டு இத்தொடருக்கான இந்திய அணியையும் பிசிசிஐ சமீபத்தில் அறிவித்திருந்தது.  இதில், தற்சமாயம் அறிவிக்கப்பட்டுள்ள இந்திய அணியில் அறிமுக வீரர்கள், அபிமன்யூ ஈஸ்வரன், நிதீஷ் குமார் ரெட்டி, ஹர்ஷித் ரானா உள்ளிட்டோருக்கு வாய்ப்பு வழங்கப்பட்டுள்ளது. இவர்களுடன் பிரஷித் கிருஷ்ணாவுக்கும் இந்திய டெஸ்ட் அணியில் மீண்டும் வாய்ப்பு வழங்கப்பட்டுள்ளது. 

இதனையடுத்து இத்தொடரில் பங்கேற்பதற்கான இந்திய அணி வீரர்கள் ஆஸ்திரேலியா சென்றடைந்துள்ளனர். இந்நிலையில் ஆஸ்திரேலியா சென்றடைந்துள்ள இந்திய அணி வீரர்கள் தங்களது பயிற்சியாஇ தொடங்கியுள்ளனர். அதன்படி இந்திய வீரர்கள் பயிற்சி மேற்கொள்ளும் புகைப்படங்களை பிசிசிஐ தங்களது அதிகாரபூர்வ எக்ஸ் பக்கத்தியில் வெளியிட்டுள்ளது. இதனையடுத்து பிசிசிஐ பகிர்ந்துள்ள புகைப்படங்கள் இணையத்தில் வைரலாகி வருகின்றன.

இந்நிலையில் பயிற்சியின் போது இந்தியா அணி வீரர் கேஎல் ராகுல் காயத்தை சந்தித்துள்ளார். அந்தவகையில் வேகப்பந்து வீச்சாளர்களுக்கு எதிராக ராகுல் பயிற்சி செய்து கொண்டிருந்த போது அவரது முழங்கை பகுதியில் காயத்தை சந்தித்தார். இதையடுத்து மருத்துவர்கள் அவரை சோதனை செய்த பிற்கு, கேஎல் ராகுல் மேற்கொண்டு பயிற்சி செய்யாமல் பெவிலியன் திரும்பினார். சமீப காலமாக கடும் விமர்சனங்களை சந்தித்து வரும் ராகுல் தற்சமயம் காயமடைந்திருப்பது அவருக்கு பின்னடைவாக பார்கப்படுகிறது.

மேலும் ஆஸ்திரேலிய அணிக்கு எதிரான டெஸ்ட் தொடரின் ஏதெனும் ஒரு போட்டியில் இந்திய அணி கேப்டன் ரோஹித் சர்மா பங்கேற்கமாட்டார். இதனால் அப்போட்டியில் யஷஸ்வி ஜெய்ஸ்வாலுடன் கேஎல் ராகுல் களமிறங்குவதற்கே அதிகபடியான வாய்ப்புகள் இருந்தது. இந்நிலையில் கேஎல் ராகுல் காயத்தை சந்தித்துள்ளதன் காரணமாக, அவருக்கான வாய்ப்பும் கேள்விக்குறியாகியுள்ளது. 

Also Read: Funding To Save Test Cricket

இந்திய டெஸ்ட் அணி: ரோஹித் சர்மா (கே), ஜஸ்பிரித் பும்ரா, யஷஸ்வி ஜெய்ஸ்வால், அபிமன்யு ஈஸ்வரன், ஷுப்மான் கில், விராட் கோலி, கேஎல் ராகுல், ரிஷப் பந்த், சர்ஃப்ராஸ் கான், துருவ் ஜூரல், ரவிச்சந்திரன் அஸ்வின், ரவீந்திர ஜடேஜா, முகமது சிராஜ், ஆகாஷ் தீப், பிரசித் கிருஷ்ணா, ஹர்ஷித் ராணா, நிதிஷ் குமார் ரெட்டி, வாஷிங்டன் சுந்தர்.