டெல்லி அருன் ஜெட்லி கிரிக்கெட் மைதானத்தில் நேற்று நடைபெற்ற ஐபிஎல் லீக் போட்டியில் பாட் கம்மின்ஸ் தலைமையிலான சன்ரைசர்ச் ஹைதராபாத் அணி 110 ரன்கள் வித்தியாசத்தில் அஜிங்கியா ரஹானே தலைமையிலான கொல்கத்தா நைட் ரைடர்ஸ் அணியை வீழ்த்தி வெற்றிபெற்று அசத்தியது.
இந்த வெற்றியின் மூலம் சன்ரைசர்ஸ் ஹைதராபாத் அணியானது நடப்பு ஐபிஎல் தொடரையும் வெற்றியுடன் முடித்துள்ளது. இப்போட்டியில் அபாரமான ஆட்டத்தை வெளிப்படுத்திய ஹென்ரிச் கிளாசென் ஆட்டநாயகன் விருதை வென்று அசத்தினார். இந்நிலையில் இப்போட்டியில் கொல்கத்தா நைட் ரைடர்ஸ் அணி தோல்வியைத் தழுவினாலும் அந்த அணி வீரர் சுனில் நரைன் சில சாதனைகளை படைத்துள்ளார்.
அதன்படி இப்போட்டியில் சுனில் நரைன் 2 விக்கெட்டுகளை கைப்பற்றியதன் மூலம் டி20 கிரிக்கெட் வரலாற்றில் ஒரே அணிக்காக அதிக விக்கெட்டுகளை வீழ்த்தி வீரர் எனும் சாதனைப் படைத்துள்ளார். முன்னதாக நாட்டிங்ஹாம்ஷையர் அணிக்காக விளையாடிய சமீத் படேல் 208 விக்கெட்டுகளை கைப்பற்றியதே சாதனையாக இருந்த நிலையில், தற்போது சுனில் நரைன் கேகேஆர் அணிக்காக 209 விக்கெட்டுகளை வீழ்த்தி புதிய சாதனைப் படைத்துள்ளார்.
ஒரு அணிக்காக அதிக விக்கெட்டுகளை வீழ்த்திய வீரர்
- சுனில் நரைன் - 209 விக்கெட்டுகள் (கொல்கத்தா நைட் ரைடர்ஸ்)
- சமித் படேல் - 208 விக்கெட்டுகள் (நாட்டிங்ஹாம்ஷயர்)
- கிறிஸ் உட் - 199 விக்கெட்டுகள் (ஹாம்ப்ஷயர்)
- லசித் மலிங்கா - 195 விக்கெட்டுகள் (மும்பை இந்தியன்ஸ்)
இதுதவிர்த்து இப்போட்டியின் மூலம் ஐபிஎல் தொடரில் அதிக அதிக விக்கெட்டுகளை வீழ்த்திய வீரர்கள் அடிப்படையில் சுனில் நரைன் இரண்டாவது இடத்திற்கு முன்னேறி அசத்தியுள்ளார். முன்னதாக பியூஷ் சாவ்லா 192 ஐபிஎல் போட்டிகளில் 192 விக்கெட்டுகளை வீழ்த்தி இரண்டாம் இடத்தில் இருந்த நிலையில் தற்போது சுனில் நரைன் அதனை சமன்செய்துள்ளார். இந்த பட்டியலில் யுஸ்வேந்திர செஅஹாஅல் 219 விக்கெட்டுகளுடன் முதலிடத்தில் உள்ளார்.
Also Read: LIVE Cricket Score
இப்போட்டி குறித்து பேசினால் டாஸ் வென்று முதலில் பேட்டிங் செய்த சன்ரைசர்ஸ் ஹைதராபாத் அணி ஹென்ரிச் கிளாசென், டிராவிஸ் ஹெட் ஆகியோரின் அதிரடியான ஆட்டத்தின் மூலம் 278 ரன்களைக் குவித்தது. பின்னர் இலக்கை நோக்கி களமிறங்கிய கேகேஆர் அணியானது 168 ரன்களில் ஆல் அவுட்டானது. இதன்மூலம் சன்ரைசர்ஸ் ஹைதராபாத் அணி 110 ரன்கள் வித்தியாசத்தில் கொல்கத்தா நைட் ரைடர்ஸை வீழ்த்தி வெற்றிபெற்று அசத்தியது.