எம்எல்சி 2025: நிக்கோலஸ் பூரன், மொனாங்க் படேல் ஆகியோரது அரைசதத்தின் காரணமாக எம்ஐ கேப்டவுன் அணி நடப்பு மேஜர் லீக் கிரிக்கெட் தொடரில் இரண்டாவது வெற்றியைப் பதிவுசெய்து அசத்தியுள்ளது.
மேஜர் லீக் கிரிக்கெட் தொடரின் நடப்பு சீசன் இறுதிக்கட்டத்தை எட்டியுள்ள நிலையில், இன்று நடைபெற்ற 24ஆவது லீக் போட்டியில் லாஸ் ஏஞ்சல்ஸ் நைட் ரைடர்ஸ் மற்றும் எம்ஐ கேப்டவுன் அணிகள் பலப்பரீட்சை நடத்தின. ஃபுளோரிடாவில் நடைபெற்ற இப்போட்டியில் டாஸை இழந்து முதலில் பேட்டிங் செய்ய களமிறங்கிய நைட் ரைடர்ஸ் அணியின் டாப் ஆர்டர் வீரர்கள் உன்முக்த் சந்த் ரன்கள் ஏதுமின்றியும், ஆண்ட்ரே ஃபிளெட்சர் 11 ரன்னிலும், ஆண்ட்ரே ரஸல் 15 ர்ன்னிலும் சைப் பதர் 7 ரன்னிலும் என அடுத்தடுத்து விக்கெட்டுகளை இழந்து பெவிலியனுக்கு நடையைக் கட்டினர்.
அதன்பின் களமிறங்கிய ஷெர்ஃபேன் ரூதர்ஃபோர்ட் பொறுப்புடன் விளையாடி அரைசதம் கடந்த நிலையில், மறுபக்கம் களமிறங்கிய ரோவ்மன் பாவெல், கேப்டன் ஜேசன் ஹோல்டர், மேத்யூ ட்ராம்ப் உள்ளிட்டோர் சொற்ப ரன்களுக்கு ஆட்டமிழந்தானர். பின் 5 பவுண்டரி, 6 சிக்ஸர்கள் என 86 ரன்களைச் சேர்த்த நிலையில் ரூதர்ஃபோர்டும் விக்கெட்டை இழக்க, லாஸ் ஏஞ்சல்ஸ் நைட் ரைடர்ஸ் அணி 8 விக்கெட் இழப்பிற்கு 154 ரன்களைச் சேர்த்தது. நியூயார்க் அணி தரப்பில் அபாரமான பந்துவீச்சை வெளிப்படுத்திய ட்ரென்ட் போல்ட் 4 விக்கெட்டுகளை கைப்பற்றி அசத்தினார்.
இதையடுத்து இலக்கை நோக்கி விளையாடிய நியூயார்க் அணிக்கு குயின்டன் டி காக் - மொனாங்க் படேல் இணை தொடக்கம் கொடுத்தனர். இதில் டி காக் 11 ரன்களில் விக்கெட்டை இழந்தர். ஆதன்பின் மொனாங்க் படேலுடன் இணைந்த கேப்டன் நிக்கோலஸ் பூரன் அதிரடியாக விளையாடி அணியின் ஸ்கோரை உயர்த்தினர். இதில் தொடர்ந்து சிறப்பான ஆட்டத்தை வெளிப்படுத்தி வந்த இருவரும் தங்களுடைய அரைசதத்தைப் பதிவுசெய்ததுடன், இரண்டாவது விக்கெட்டிற்கு 100 ரன்களுக்கு மேல் பார்ட்னர்ஷிப் அமைத்து அணியின் வெற்றிக்கும் அடித்தளமிட்டனர்.
அதன்பின் 6 பவுண்டரி, ஒரு சிக்ஸர் என 56 ரன்னில் மொனாங்க் படேல் விக்கெட்டை இழக்க, மறுபக்கம் இறுதிவரை ஆட்டமிழக்காமல் இருந்த நிக்கோலஸ் பூரன் 6 பவுண்டரி, 2 சிக்ஸர்கள் என 62 ரன்களையும், கீரன் பொல்லார்ட் 2 சிக்ஸர்களுடன் 14 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் எம்ஐ நியூயார்க் அணி 17.5 ஓவர்களில் இலக்கை எட்டியதுடன் 8 விக்கெட் வித்தியாசத்தில் லாஸ் ஏஞ்சல்ஸ் நைட் ரைடர்ஸ் அணியை வீழ்த்தி அபார வெற்றியைப் பதிவுசெய்தது. இப்போட்டியில் அபாரமான பந்துவீச்சை வெளிப்படுத்திய ட்ரென்ட் போல்ட் ஆட்டநாயகன் விருதை வென்றார்.
Also Read: LIVE Cricket Score