ஐபிஎல் தொடரின் 18ஆவது சீசன் இறுதிக்கட்டத்தை எட்டியுள்ளது. மொத்தம் 10 அணிகள் பேற்றிருந்த இத்தொடரில் குஜராத் டைட்டன்ஸ், பஞ்சாப் கிங்ஸ், ராயல் சேலஞ்சர்ஸ் பெங்களூரு மற்றும் மும்பை இந்தியன்ஸ் அணிகள் பிளே ஆஃப் சுற்றுக்கு முன்னேறிவுள்ளன.
இந்நிலையில் தற்போது இந்த நான்கு அணிகளில் எந்த இரண்டு அணிகள் பிளே ஆஃப் சுற்றுக்கு முன்னேறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன. இதில் ஸ்ரேயாஸ் ஐயர் தலைமையிலான பஞ்சாப் கிங்ஸ் அணி இதுவரை விளையாடிய 12 போட்டிகளில் 8 வெற்றி 3 தோல்விகளுடன் 17 புள்ளிகளைப் பெற்று புள்ளிப்பட்டியளின் 3ஆம் இடத்தில் உள்ளது. அதனால் எஞ்சிய போட்டிகளில் அந்த அணி வெற்றிபெற்று முதலிரண்டு இடங்களைப் பிடிக்க கடுமையாக போராடி வருகிறது.
அந்தவகையில் பஞ்சாப் கிங்ஸ் அணி தங்களுடைய அடுத்த லீக் போட்டியில் டெல்லி கேப்பிட்டல்ஸ் அணியை எதிர்த்து விளையாடவுள்ளது. இப்போட்டிக்காக அந்த அணி வீரர்கள் தீவிரமாக தயாராகி வருகின்றனர். இந்நிலையில் இப்போட்டிக்கு முன்னதாக பஞ்சாப் கிங்ஸ் அணிக்காக ஒப்பந்தமாகியுள்ள இளம் அதிரடி வீரர் முஷீர் கான் ஜெய்பூரில் உள்ள சவாய் மான்சிங் கிரிக்கெட் மைதானத்தில் தீவிரமாக தயாராகி வருகின்றனர்.
இதில் அவர் பயிற்சி அமர்வின் போது வேகப்பந்து வீச்சாளருக்கு எதிராக அற்புதமான ஸ்கூப் ஷாட்டை அடித்தார். அதிலும் முஷீஷ் கான் பேட்டிங் செய்யும் போது பின்னால் இருந்து ஒருவர் இந்த பந்தை ஸ்கூப் ஷாட் அடிக்க சொல்ல, அதனை அப்படியே பின் பற்றி அவரும் ஸ்கூப் ஷாட்டை விளையாடி அசத்தினார். இதுகுறித்த காணொளியை பஞ்சாப் கிங்ஸ் அணி தங்களுடைய அதிகாரப்பூர்வ சமூக வலைதள பக்கத்தில் பதிவிட்டுள்ளது.
முஷீர் கான் குறித்து பேசினால் நடப்பு ஐபிஎல் தொடரின் வீரர்கள் ஏலத்தில் பஞ்சாப் கிங்ஸ் அணி அவருடைய அடிப்படை தொகையான ரூ.30 லட்சத்திற்கு ஏலத்தில் எடுத்திருந்தது. இருப்பினும் இந்த சீசனில் அவருக்கு இதுவரை விளையாடும் வாய்ப்பு கிடைக்கவில்லை. இந்நிலையில் அணியின் கேப்டன் ஸ்ரேயாஸ் ஐயருக்கு காயம் ஏற்பட்டுள்ளதன் காரணமாக, அடுத்த போட்டியில் விளையாடும் வாய்ப்பு கிடைக்கும் என்று எதிர்பார்க்கப்படுகிறது.
Also Read: LIVE Cricket Score
பஞ்சாப் கிங்ஸ்: ஸ்ரேயாஸ் ஐயர் (கேப்டன்), யுஸ்வேந்திர சாஹல், அர்ஷ்தீப் சிங், மார்கஸ் ஸ்டோய்னிஸ், மிட்செல் ஓவன், ஷஷாங்க் சிங், பிரப்சிம்ரன் சிங், ஹர்பிரீத் பிரார், விஜய்குமார் வைஷாக், யாஷ் தாக்கூர், மார்கோ ஜான்சன், ஜோஷ் இங்கிலிஸ், லோக்கி ஃபெர்குசன், அஸ்மத்துல்லா ஓமர்சாய், ஹர்னூர் பண்ணு, குல்தீப் சென், பிரியன்ஸ் ஆர்யா, ஆரோன் ஹார்டி, முஷீர் கான், சூர்யன்ஷ் ஷெட்ஜ், சேவியர் பார்ட்லெட், பைலா அவினாஷ், பிரவின் துபே, நேஹால் வதேரா.