மகளிர் டி20 உலகக்கோப்பை 2024: பாகிஸ்தான் அணி அறிவிப்பு; கேப்டன் மாற்றம்!

ஐசிசி மகளிர் டி20 உலகக்கோப்பை கிரிக்கெட் தொடரானது வரும் அக்டோபர் மாதம் வங்கதேசத்தில் நடைபெற இருந்தது. இத்தொடருக்கு இந்தியா, இங்கிலாந்து, ஆஸ்திரேலியா, தென் ஆப்பிரிக்க உள்ளிட்ட 8 அணிகள் நேரடியாக தகுதிப்பெற்ற நிலையில், இலங்கை மற்றும் ஸ்காட்லாந்து அணிகள் தகுதிச்சுற்றின் அடிப்படையில் இந்த டி20 உலகக்கோப்பை தொடருக்கு தகுதிபெற்றுள்ளன. மேலும் இத்தொடருக்கான போட்டி அட்டவணையையும் ஐசிசி அறிவித்திருந்தது. 

இந்நிலையில் வங்கதேசத்தில் உள்நாட்டு கலவரம் வெடித்த நிலையில் அங்கு ஆட்சி மாற்றமும் நடந்தது. இதன் காரணமாக திட்டமிட்டபடி ஐசிசி மகளிர் டி20 உலாகக்கோப்பை கிரிக்கெட் தொடர் அக்டோபரில் அங்கு நடைபெறுமா என்ற சந்தேகம் எழுந்தது. மேலு மகளிர் டி20 உலகக்கோப்பை கிரிக்கெட் தொடர் தொடங்க இன்னும் ஒருமாதம் மட்டுமே இடைவெளி உள்ள நிலையில் அதற்குள் நிலைமை கட்டுக்குள் வருமா என்பதும் கேள்விகுறியாகவே இருந்தது.

இந்நிலையில், நடப்பு ஐசிசி மகளிர் டி20 உலகக் கோப்பை தொடர் வங்கதேசத்திலிருந்து ஐக்கிய அரபு அமீரகத்துக்கு மாற்றப்பட்டுள்ளதாக ஐசிசி சமீபத்தில் அதிகாரப்பூர்வமாக அறிவித்தது. இருப்பினும் இதில் போட்டிகள் எந்த மைதானத்தில் நடைபெறும் என்பது குறித்து எந்தவொரு அறிவிப்பும் வெளியாகவில்லை. இந்நிலையில் எதிர்வரும் மகளிர் டி20 உலகக்கோப்பை தொடருக்கான பாகிஸ்தான் அணியை அந்நாட்டு கிரிக்கெட் வாரியம் இன்று அறிவித்துள்ளது. 

அதன்படி நடந்து முடிந்த ஆசிய கோப்பை கிரிக்கெட் தொடரில் பாகிஸ்தான் அணியை வழிநடத்திய நிதா தார் தனது கேப்டன் பதவியை இழந்துள்ளார். மேலும் எதிர்வரும் மகளிர் உலகக்கோப்பை தொடருக்கான பாகிஸ்தான் அணியின் கேப்டனாக ஃபாதிமா சனா நியமிக்கப்பட்டுள்ளார். அதேசமயம் இந்த அணியில் முன்னாள் கேப்டன் நிதா தார் ஒரு வீராங்கனையாக மட்டுமே இடம்பிடித்துள்ளார்.

மேற்கொண்டு இந்த அணியில் அலியா ரியாஸ், குல் ஃபெரோஸா,இராம் ஜாவெத், முனீபா லை , ஒமைமா சொஹைல், சித்ரா அமீன் உள்ளிட்ட வீராங்கனைகளும் தங்கள் இடத்தை தக்கவைத்துள்ளனர். அதேசமயம் இந்த அணியில் இடம்பிடித்துள்ள சாதியா இக்பால் உடற்தகுதியைப் பொறுத்து அணியுடன் பயணிப்பார் என்று பாகிஸ்தான் அணி கூறியுள்ளது. அதேசமயம் கூடுதல் வீரர்கள் பட்டியலில் நஜிஹா அல்விக்கு வாய்ப்பு வழங்கப்பட்டுள்ளது. 

Also Read: Akram ‘hopes’ Indian Team Will Travel To Pakistan For 2025 Champions Trophy

பாகிஸ்தான் மகளிர் அணி: ஃபாத்திமா சனா (கேப்டன்), அலியா ரியாஸ், டயானா பெய்க், குல் ஃபெரோசா, இராம் ஜாவேத், முனீபா அலி, நஷ்ரா சந்து, நிதா தார், ஒமைமா சோஹைல், சதாஃப் ஷமாஸ், சாதியா இக்பால் (உடற்தகுதிக்கு உட்பட்டு), சித்ரா அமின், சையதா அரூப் ஷா, தஸ்மியா ரூபாப், துபா ஹாசன். ரிஸர்வ் வீராங்கனை: நஜிஹா அல்வி (விக்கெட் கீப்பர்)