உலக டெஸ்ட் சாம்பியன்ஷிப், இங்கிலாந்து டெஸ்ட் தொடருக்கான இந்திய அணி அறிவிப்பு!

உலக டெஸ்ட் சாம்பியன்ஷிப் தொடரின் இறுதிப் போட்டி இங்கிலாந்தின் சவுதாம்ப்டன் நகரில் ஜூன் மாதம் 18 ஆம் தேதி முதல் 22 ஆம் தேதி வரை நடைபெறுகிறது. இப்போட்டியில் விராட் கோலி தலைமையிலான இந்திய அணியும், கேன் வில்லியம்சன் தலைமையிலான நியூசிலாந்து அணியும் நேருக்கு நேர் மோத உள்ளன.

இந்நிலையில் உலக டெஸ்ட் சாம்பியன்ஷிப் தொடரின் இறுதிப் போட்டி மற்றும் இங்கிலாந்து டெஸ்ட் தொடருக்கான இந்திய அணியை பிசிசிஐ இன்று அறிவித்துள்ளது.

இந்த டெஸ்ட் அணிக்கு விராட் கோலி கேப்டனாகவும், ரஹானே துணை கேப்டனாகவும் நியமிக்கப்பட்டுள்ளனர். இந்த உலக டெஸ்ட் சாம்பியன்ஷிப் முடிந்ததும் ஆகஸ்ட் மாதம் இங்கிலாந்துக்கு எதிராக நடைபெற இருக்கும் 5 போட்டிகள் கொண்ட டெஸ்ட் தொடருக்கான இந்திய அணியையும் பிசிசிஐ இப்போதே அறிவித்துள்ளது.

இந்திய அணி விவரம்: ரோகித் சர்மா, சுப்மன் கில், மயாங்க் அகர்வால், புஜாரா, விராட் கோலி (கே), ரஹானே, ஹனுமா விஹாரி, ரிஷப் பந்த், ரவிச்சந்திரன் அஷ்வின், ரவீந்திர ஜடேஜா, அக்சர் படேல், வாஷிங்டன் சுந்தர், ஜஸ்ப்ரீத் பும்ரா, இஷாந்த் சர்மா, முகமது ஷமி, முகமது சிராஜ், ஷர்துல் தாக்கூர், உமேஷ் யாதவ்,  கே.எல். ராகுல் மற்றும் சாஹா (உடல் தகுதி அடிப்படையில்)

கூடுதல் வீரர்கள்: அபிமன்யூ ஈஸ்வரன், பிரஷித் கிருஷ்ணா, அவேஷ் கான், அர்சான் நக்வாஸ் வாலா.

போட்டிகள் விவரம்:

• ஜூன் 18 முதல் 22 -உலக டெஸ்ட் சாம்பியன்ஷிப் இறுதி போட்டி - சவுதாம்ப்டன்
• ஆகஸ்ட் 4 முதல் 8 - முதல் டெஸ்ட் - நாட்டிங்ஹாம்
• ஆகஸ்ட் 12 முதல் 16 - ஆவது டெஸ்ட் - லார்ட்ஸ்
• ஆகஸ்ட் 25 முதல் 29 - 3ஆவது டெஸ்ட் - லீட்ஸ்
• செப்டம்பர் 2 முதல் 6 - 4ஆவது டெஸ்ட் - ஓவல்
• செப்டம்பர் 10 முதல் 14 - 5ஆவது டெஸ்ட் - மான்சஸ்டர்