டுவைன் பிராவோவின் சாதனையை முறியடித்த ரஷித் கான்!

எஸ்ஏ20 லீக் தொடரில் நேற்று நடைபெற்ற முதல் குவாலிஃபயர் சுற்று ஆட்டத்தில் ரஷித் கான் தலைமையிலான எம்ஐ கேப்டவுன் அணி 39 ரன்கள் வித்தியாசத்தில் டேவிட் மில்லர் தலைமையிலான பார்ல் ராயல்ஸை வீழ்த்தி முதல் முறையாக இறுதிப்போட்டிக்கு முன்னேறி அசத்தியுள்ளது. இந்நிலையில் இப்போட்டியின் மூலம் ஆஃப்கானிஸ்தான் அணியின் சுழற்பந்து வீச்சாளர் ரஷித் கான் டி20 கிரிக்கெட் வரலாற்றில் புதிய சாதனை ஒன்றை படைத்துள்ளார். 

அந்தவையில் இப்போட்டியில் ரஷித் கான் 2 விக்கெட்டுகளை கைப்பறியதன் மூலம் டி20 கிரிக்கெட்டில் அதிக விக்கெட்டுகளை கைப்பற்றிய வீரர் எனும் டுவைன் பிராவோவின் சாதனையை முறியடித்து அசத்தியுள்ளார். முன்னதாக வெஸ்ட் இண்டீஸுன் முன்னாள் ஜாம்பவான் டுவை பிராவோ 582 போட்டிகளில் விளையாடி 631 விக்கெட்டுகளை கைப்பற்றியதே சாதனையாக இருந்த நிலையில், ரஷித் கான் 461 போட்டிகளில் 633 விக்கெட்டுகளை வீழ்த்தி புதிய சாதனை படைத்துள்ளார்.  

கடந்த 2015ஆம் ஆண்டு டி20 கிரிக்கெட்டில் அறிமுகமான ரஷித் கான் உலகின் அனைத்து முக்கிய டி20 லீக்குகளிலும் விளையாடி வருகிறார். மேலும் அவர் ஐபிஎல் மற்றும் பிஎஸ்எல் தொடர்களில் சமபியன் பட்டத்தை வென்ற அணிகளிலும் அங்கம் வகித்துள்ளதுடன், பல்வேறு சாதனைகளையும் படைத்துள்ளார். மேற்கொண்டு எதிர்வரும் ஐபிஎல் தொடருக்கு முன் குஜராத் டைட்டன்ஸ் அணியானது ரூ.15 கோடிக்கு ரஷித் கானை தக்கவைத்துக் கொண்டது குறிப்பிடத்தக்கது. 

டி20 கிரிக்கெட்டில் அதிக விக்கெட்டுகள் வீழ்த்தியவர்

• ரஷீத் கான்(ஆஃப்கானிஸ்தான்) - 633 விக்கெட்டுகள்
• டுவைன் பிராவோ(வெஸ்ட் இண்டீஸ்) - 631 விக்கெட்டுகள்
• சுனில் நரைன்(வெஸ்ட் இண்டீஸ்) - 574 விக்கெட்டுகள்
• இம்ரான் தாஹிர்(தென் ஆப்பிரிக்கா) - 531 விக்கெட்டுகள்
• ஷகிப் அல் ஹசன்(வங்கதேசம்) - 492 விக்கெட்டுகள்

Also Read: Funding To Save Test Cricket

இப்போட்டி குறித்து பேசினால் டாஸை இழந்து முதலில் பேட்டிங் செய்த கேப்டவுன் அணி 4 விக்கெட் இழப்புக்கு 199 ரன்கள் எடுத்தது. இதில் ரியான் ரிக்கெல்டன், டெவால்ட் பிரீவிஸ் ஆகியோர் 44 ரன்களைச் சேர்த்தனர். அதன்பின் இலக்கை நோக்கி விளையாடிய பார்ல் ராயல்ஸ் அணியில் டேவிட் மில்லர் 45 ரன்களையும், தினேஷ் கார்த்திக் 41 ரன்களையும் சேர்த்ததை தவிர்த்து மற்ற வீரர்கள் சொற்ப ரன்களுக்கு ஆட்டமிழந்ததால் அந்த அணி 19.4 ஓவர்களில் 160 ரன்களுக்கு ஆல் அவுட்டானது.