இந்திய ஒருநாள் அணியின் கேப்டனாக ரோஹித் சர்மா நியமனம்!

இந்திய அணி இம்மாத இறுதியில் தென் ஆப்பிரிக்கா சுற்றுப்பயணம் மேற்கொண்ட 3 டெஸ்ட், 3 ஒருநாள் போட்டிகள் கொண்ட தொடரில் விளையாடவுள்ளது. இரு அணிகளுக்கும் இடையேயான முதல் டெஸ்ட் போட்டி டிசம்பர் 26ஆம் தேதி நடைபெறுகிறது. 

இந்நிலையில் இத்தொடருக்கான இந்திய அணி இன்று அறிவிக்கப்பட்டுள்ளது. விராட் கோலி தலைமையிலான இந்திய அணியில், ரோஹித் சர்மா துணைக்கேப்டனாக அறிவிக்கப்பட்டுள்ளார். 

அதேசமயம் இந்திய ஒருநாள் அணிக்கும் கேப்டனாக ரோஹித் சர்மா அறிவிக்கப்பட்டுள்ளார். முன்னதாக டி20 உலகக்கோப்பை தொடருடன் டி20 கேப்டன்சியை உதறிய விராட் கோலி, தற்போது ஒருநாள் அணிக்கான கேப்டன்சியிலிருந்து விலகியுள்ளார். 

மேலும் 18 பேர் அடங்கிய இந்த டெஸ்ட் அணியில் ரவீந்திர ஜடேஜா, சுப்மன் கில், அக்சர் படேல், ராகுல் சஹார் ஆகியோர் சேர்க்கப்படவில்லை. 

அதேசமயம் அஜிங்கியா ரஹானே, புஜாரா, ஷர்துல் தாக்கூர், ஹனுமா விஹாரி ஆகியோருக்கு மீண்டும் டெஸ்ட் அணியில் வாய்ப்பு வழங்க்கப்பட்டுள்ளது. 

இந்திய டெஸ்ட் அணி: விராட் கோலி (கேப்டன்), ரோஹித் சர்மா, கேஎல் ராகுல், மயங்க் அகர்வால், புஜாரா, அஜிங்கியா ரஹானே, ஸ்ரேயாஸ் ஐயர், ஹனுமா விஹாரி, ரிஷப் பந்த், விருத்திமான் சாஹா, ரவிச்சந்திரன் அஷ்வின், ஜெயந்த் யாதவ், இஷாந்த் சர்மா, முகமது ஷமி, உமேஷ் யாதவ், ஜஸ்பிரித் பும்ரா, ஷர்துல் தாக்கூர், முகமது சிராஜ்.