சர்வதேச கிரிக்கெட்டில் இருந்து ஓய்வை அறிவித்த் வீரர்களுக்காக நடத்தப்பட்டு வரும் லெஜன்ட்ஸ் லீக் கிரிக்கெட் தொடரின் இரண்டாவது சீசன் இறுதிக்கட்டத்தை எட்டியுள்ளது. இத்தொடரின் இறுதிப்போட்டிக்கு சதர்ன் சூப்பர் ஸ்டார்ஸ் மற்றும் கோனார்க் சூர்யாஸ் ஒடிசா அணிகள் முன்னேறின.
அதன்படி நேற்று நடைபெற்ற இந்த இறுதிப்போட்டியில் டாஸ் வென்ற ஒடிசா அணி முதலில் பந்துவீசுவதாக அறிவித்தது. இதையடுத்து களமிறஙிய சதர்ன் சூப்பர் ஸ்டார்ஸ் அணிக்கு மார்ட்டின் கப்தில் மற்றும் கோஸ்வாமி இணை தொடக்கம் கொடுத்தனர். இதில் கோஸ்வாமி ரன்கள் ஏதுமின்றி விக்கெட்டை இழக்க, அடுத்து களமிறங்கிய ஹாமில்டன் மஸகட்ஸா அதிரடியாக விளையாடி அணியின் ஸ்கோரை உயர்த்தும் முயற்சியில் இறங்கினர். இதில் அதிரடியாக தொடங்கிய மார்ட்டின் கப்தில் 2 பவுண்டரி, 2 சிக்ஸர்கள் என 27 ரன்களை எடுத்திருந்த நிலையில் விக்கெட்டை இழந்தார்.
இதனையடுத்து களமிறங்கிய பவன் நெகியும் சிறப்பான ஆட்டத்தை வெளிப்படுத்த அணியின் ஸ்கோரும் மளமளவென உயர்ந்தது. அதேசமயம் மறுமுனையில் அதிரடியாக விளையாடிய ஹாமில்டன் மஸகட்ஸா தனது அரைசதத்தைப் பதிவுசெய்து மிரட்டினார். அதேசமயம் மறுபக்கம் அரைசதம் அடிப்பார் என எதிர்பார்க்கப்பட்ட பவன் நெகி 33 ரன்களில் விக்கெட்டை இழந்து பெவிலியன் திரும்ப, மறுமுனையில் அபாரமாக விளையாடி வந்த ஹாமில்டன் மஸகட்ஸா 8 பவுண்டரி, 5 சிக்ஸர்கள் என 83 ரன்களைச் சேர்த்த நிலையில் விக்கெட்டை இழந்தார்.
இதன்மூலம் சதர்ன் சூப்பர் ஸ்டார்ஸ் அணி 6 விக்கெட் இழப்பிற்கு 164 ரன்களைச் சேர்த்தது. கோனார்க் சூர்யாஸ் அணி தரப்பில் சிறப்பான பந்துவீச்சை வெளிப்படுத்திய முனவீரா 4 விக்கெட்டுகளை கைப்பற்றி அசத்தினார். இதனையடுத்து இலக்கை நோக்கி விளையாடிய ஒடிசா அணிக்கு ரிச்சர்ட் லிவி - தில்சன் முனவீரா ஆகியோர் தொடக்கம் கொடுத்தனர். இதில் ரிச்சர்ட் லிவி 16 ரன்களிலும், முனவீரா 11 ரன்களிலும் என விக்கெட்டை இழக்க, அடுத்து களமிறங்கிய கேப்டன் இர்ஃபான் பதானும் 3 ரன்களுடன் விக்கெட்டை இழந்து ஏமாற்றமளித்தனர்.
அவர்களைத் தொடர்ந்து அதிரடி வீரர்கள் கெவின் ஓ பிரைன் 17 ரன்களிலும், ஜெஸ்ஸி ரைடர் 11 ரன்னிலும் என விக்கெட்டை இழந்து பெவிலியனுக்கு நடையைக் கட்டினர். இதனால் ஒடிசா அணி 78 ரன்னில் 5 விக்கெட்டுகளை இழந்து தடுமாறியது. பின்னர் களமிறங்கிய யூசுப் பதான் அதிரடியாக விளையாடி அணியின் ஸ்கோரை மளமளவென உயர்த்தியதுடன், தனது அரைசதத்தையும் பதிவுசெய்து அசத்தினார். அதன்பின் அபார ஆட்டத்தை வெளிப்படுத்தி வந்த யூசுப் பதான் 6 பவுண்டரி, 8 சிக்ஸர்கள் என 85 ரன்களை எடுத்திருந்த நிலையில் ஆட்டமிழந்தர்.
Also Read: Funding To Save Test Cricket
இதனால் ஒடிசா அணியும் 20 ஓவர்கள் முடிவில் 9 விக்கெட்டுகளை இழந்து 164 ரன்களைச் சேர்த்தது. சதர்ன் சூப்பர் ஸ்டார்ஸ் அணி தரப்பில் ஹமித் ஹசன், அப்துர் ரஸாக், பவன் நெகி, சதுரங்கா டி சில்வா ஆகியோர் தலா 2 விக்கெட்டுகளை கைப்பற்றினர். இதனால் இப்போட்டியானது சூப்பர் ஓவர் முறைக்கு சென்றது. அதன்பின் சூப்பர் ஓவரில் சதர்ன் சூப்பர் ஸ்டார்ஸ் அணியானது வெற்றிபெற்று அசத்தியதுடன், கோப்பையையும் வென்று அசத்தியது. இப்போட்டியின் ஆட்டநாயகன் விருதை ஹாமில்டன் மஸகட்ஸாவும், தொடர் நாயகன் விருதை மார்ட்டின் கப்திலும் தேர்வு செய்யப்பட்டனர்.