SL vs IND: இலங்கை டி20 அணி அறிவிப்பு; கேப்டனாக சரித் அசலங்கா நியமனம்!

இந்திய அணியானது இலங்கையில் சுற்றுப்பயணம் மேற்கொண்டு 3 போட்டிகள் கொண்ட ஒருநாள் மற்றும் டி20 தொடரில் விளையாடவுள்ளது. அதன்படி இதில் மூன்று போட்டிகள் கொண்ட டி20 தொடரானது ஜூலை 27ஆம் தேதி தொடங்கி ஜூலை 30ஆம் தேதி வரை பல்லகலேவில் நடைபெறவுள்ளது. அதனைத்தொடர்ந்து மூன்று போட்டிகள் கொண்ட ஒருநாள் தொடரானது ஆகஸ்ட் 02ஆம் தேதி முதல் ஆகஸ்ட் 07ஆம் தேதி வரை கொழும்புவில் நடைபெறுகிறது.

இந்நிலையில் இத்தொடருக்கான இந்திய ஒருநாள் மற்றும் டி20 அணிகள் சமீபத்தில் அறிவிக்கப்பட்டது. இந்த அணியில் கேப்டன் ரோஹித் சர்மா, விராட் கோலி ஆகியோர் ஒருநாள் தொடருக்கான இந்திய அணியில் இணைந்துள்ளனர். மேற்கொண்டு டி20 அணியின் கேப்டனாக சூர்யகுமார் யாதவ் நியமிக்கப்பட்டுள்ளார். அதுமட்டுமின்றி இத்தொடர் முதல் இந்திய அணியின் தலைமை பயிற்சியாளராக கௌதம் கம்பீர் செயல்படவுள்ளார்.

ஆனால் தற்போது தேர்வு செய்யப்பட்டுள்ள இந்திய அணி மீது மிகவும் காட்டமான விமர்சனங்கள் முன்வைக்கப்பட்டு வருகின்றன. ஏனெனில் சர்வதேச கிரிக்கெட்டில் சிறப்பாக செயல்பட்டும் சில வீரர்களுக்கு இந்த அணியில் வாய்ப்பு கிடைக்கவில்லை. ஆனால் அதேசம் தொடர்ந்து சொதப்பிவரும், அணியில் இருந்த நீக்கப்பட்ட மற்றும் நீண்ட் நாள்களாக கிரிக்கெட் விளையாடாமல் இருந்த வீரர்கள் என ஒரு சிலருக்காக சிறப்பாக செயல்பட்ட விரர்களை அணியில் இருந்து நீக்கிய குறித்து ரசிகர்கள் கேள்வி எழுப்பி வருகின்றன.

இந்நிலையில் இந்திய அணிக்கு எதிரான டி20 தொடரில் பங்கேற்கும் இலங்கை அணியானது இன்றைய தினம் அறிவிக்கப்பட்டுள்ளது. இலங்கை அணியின் கேப்டன் பதவியில் இருந்து வநிந்து ஹசரங்கா விலகிய காரணத்தால், இந்த டி20 தொடருக்கான இலங்கை அணியின் கேப்டனாக சரித் அசலங்கா நியமிக்கப்பட்டுள்ளார். இந்த அணியில் அனுபவ வீரர்கள் தினேஷ் சண்டிமல், குசால் பெரேரா ஆகியோருக்கு வாய்ப்பு வழங்கப்பட்டுள்ளது. 

அதேசமயம் நடந்து முடிந்த டி20 உலகக்கோப்பை தொடரில் விளையாடிய ஏஞ்சலோ மேத்யூஸ், தனஞ்செயா டி சில்வா, சதீரா சமரவிக்ரமா, தசுன் மதுஷங்கா உள்ளிட்ட வீரர்கள் டி20 அணியில் இருந்து நீக்கப்பட்டுள்ளனர். அனாலும் லங்கா பிரீமியர் லீக் தொடரில் சிறப்பாக செயல்பட்ட கமிந்து மெண்டிஸ், சமிந்து விக்ரமசிங்கா, பினுரா ஃபெர்னாண்டோ, அவிஷ்கா ஃபெர்னாண்டோ உள்ளிட்ட வீரர்கள் இத்தொடரில் இடம்பிடித்துள்ளது குறிப்பிடத்தக்கது. 

இலங்கை டி20 அணி: சரித் அசலங்கா (கே), பதும் நிஷங்க, குசல் பெரேரா, அவிஷ்க ஃபெர்னாண்டோ, குசல் மெண்டிஸ், தினேஷ் சண்டிமால், கமிந்து மெண்டிஸ், தசுன் ஷனகா, வனிந்து ஹசரங்க, துனித் வெல்லலாகே, மஹீஸ் தீக்ஷன, சமிந்து விக்ரமசிங்க, மதீஷா பதிரானா, நுவன் துஷார, துஷ்மந்த சமீரா, பினுர ஃபெர்னாண்டோ.