ஐசிசி உலக டெஸ்ட் சாம்பியன்ஷிப் இரண்டாவது சீசனுக்கான இறுதிப்போட்டியில் இந்தியா மற்றும் ஆஸ்திரேலிய அணிகள் முன்னேறியுள்ளன. அதன்படி இரு அணிகளுக்கும் இடையேயான இறுதிப்போட்டி வரும் ஜூன் மாதம் 7ஆம் தேதி இங்கிலாந்திலுள்ள ஓவல் கிரிக்கெட் மைதானத்தில் நடைபெறவுள்ளது. இதையடுத்து இறுதிப்போட்டியில் விளையாடும் பாட் கம்மின்ஸ் தலைமையிலான ஆஸ்திரேலிய அணியை அந்நாட்டு கிரிக்கெட் வாரியம் சமீபத்தில் அறிவித்தது. இந்நிலையில் ரோஹித் சர்மா தலைமையிலான இந்திய அணியை பிசிசிஐ அறிவித்துள்ளது.
இதில் ரசிகர்களுக்கு பெரும் மகிழ்ச்சியை அழிக்குகூடிய ஒன்றகாக ஐபிஎல் தொடரில் கலக்கிவரும் அஜிங்கியா ரஹானேவுக்கு இந்த அணியில் இடம் கிடைத்துள்ளது. கடந்த இரண்டு ஆண்டுகளாக ரன் குவிக்க முடியாமல் தவித்ததால் அதிரடியாக கழற்றி விடப்பட்ட அவர் கடந்த ரஞ்சி கோப்பையில் இரட்டை சதமடித்து ஃபார்முக்கு திரும்பி 2023 ஐபிஎல் தொடரில் கிட்டத்தட்ட 200 ஸ்ட்ரைக் ரேட்டில் சரவெடியாக வித்தியாசமான ஷாட்டுகளை விளையாடி முழுமையான ஃபார்முக்கு திரும்பியுள்ளார்.
அதனால் ஏற்கனவே இந்திய மண்ணில் விட வெளிநாட்டு மண்ணில் சிறந்த செயல்பாடுகளை வெளிப்படுத்திய அவர் காயமடைந்த ஸ்ரேயாஸ் ஐயர் மற்றும் ஃபார்மின்றி தடுமாறும் சூரியகுமார் ஆகியோருக்கு பதிலாக விளையாட தேர்வு செய்யப்பட்டுள்ளது ரசிகர்களை மகிழ்ச்சியடைய வைத்துள்ளது. அதை வரவேற்கும் முன்னாள் ஜாம்பவான் வீரர் சுனில் கவாஸ்கர் ஐபிஎல் மட்டுமல்லாமல் ரஞ்சி கோப்பையிலும் நல்ல செயல்பாடுகளை வெளிப்படுத்தியதாலயே ரஹானே தேர்வு செய்யப்பட்டுள்ளதாக பாராட்டியுள்ளார்.
அத்துடன் இறுதிப்போட்டியில், ஆஸ்திரேலியாவை சாய்த்து கோப்பையை வெல்லும் அளவுக்கு தன்னுடைய தரமான 11 பேர் கொண்ட இ ந்திய அணியை தேர்வு செய்துள்ளார். இதுகுறித்து பேசிய அவர், “இந்திய அணியில் அந்த ஒரு மாற்றம் மட்டும் தான் தேவைப்பட்டது. அதாவது இந்திய அணியில் ஸ்ரேயாஸ் ஐயருக்கு பதிலான மாற்று வீரர்கள் தேவைப்பட்டது. அந்த இடத்தில் ஐபிஎல் ஃபார்ம் காரணமாக மட்டும் ரகானே வாய்ப்பு வரவில்லை. மாறாக சமீபத்திய ரஞ்சி கோப்பையில் மும்பைக்காக அவர் சிறப்பாக செயல்பட்டார்.
இருப்பினும் தற்போதைய கேள்வி என்னவெனில் அவர் விளையாடும் 11 பேர் அணியில் வாய்ப்பு பெறுவாரா? விக்கெட் கீப்பராக கேஎஸ் பரத் அல்லது கேஎல் ராகுல் விளையாடுவாரா? என்பதை பொறுத்திருந்து பார்க்க வேண்டும். மேலும் அந்த ஃபைனலில் ரோகித் சர்மா – சுப்மன் கில் ஆகியோர் என்னுடைய ஓப்பனிங் பேட்ஸ்மேன்களாக இருப்பார்கள். 3இல் புஜாரா 4இல் விராட் கோலி 5இல் ரஹானே 6இல் விக்கெட் கீப்பராக கேஎல் ராகுல் இருப்பார். அதை தொடர்ந்து ரவீந்திர ஜடேஜா, ரவிச்சந்திரன் அஸ்வின், ஜெயதேவ் உனட்கட், முகமத் ஷமி, முகமத் சிராஜ் ஆகியோர் இருப்பார்கள்” என்று கணித்துள்ளார்.
இந்திய அணி விவரம்: ரோஹித் சர்மா(கேப்டன்), விராட்கோலி, ஷுப்மன்கில், கேஎல் ராகுல், கேஎஸ் பரத், ரவிச்சந்திரன் அஸ்வின், ரவீந்திர ஜடேஜா, அக்ஷர் படேல், ஷர்துல் தாக்கூர், முகமது ஷமி, முகமது சிராஜ், உமேஷ் யாதவ், ஜெய்தேவ் உனத்கட், சட்டேஷ்வர் புஜாரா, அஜிங்கியா ரஹானே.
ஆஸ்திரேலிய அணி : பாட் கம்மின்ஸ் (கேப்டன்), ஸ்காட் போலண்ட், அலெக்ஸ் கேரி, கேமரூன் கிரீன், மார்கஸ் ஹாரிஸ், ஜோஷ் ஹேசில்வுட், டிராவிஸ் ஹெட், ஜோஷ் இங்கிலிஸ், உஸ்மான் கவாஜா, மார்னஸ் லபுஷாக்னே, நாதன் லையன், மிட்செல் மார்ஷ், டாட் மர்ஃபி, மேத்யூ ரென்ஷா, ஸ்டீவ் ஸ்மித் , மிட்செல் ஸ்டார்க், டேவிட் வார்னர்.