ஆஸ்திரேலியா - இந்திய அணிகளுக்கு இடையேயான பார்டர்-கவாஸ்கர் கோப்பை தொடரானது கடந்த நவம்பர் 22ஆம் தேதி பெர்த்தில் நடைபெற்று முடிந்தது. இப்போட்டியில் இந்திய அணி 295 ரன்கள் வித்தியாசத்தியாசத்தில் ஆஸ்திரேலிய அணியை வீழ்த்தி வெற்றிபெற்றதுடன், 1-0 என்ற கணக்கில் தொடரிலும் முன்னிலைப் பெற்றுள்ளது.
இதைத்தொடர்ந்து இந்தியா - ஆஸ்திரேலியா அணிகளுக்கு இடையேயான இரண்டாவது டெஸ்ட் போட்டியானது பகலிரவு ஆட்டமாக டிசம்பர் 06ஆம் தேதி அடிலெய்ட் கிரிக்கெட் மைதானத்தில் நடைபெறவுள்ளது. இப்போட்டிக்காக இரு அணி வீரர்களும் தீவிரமாக தயாராகி வருகின்றனர். இந்நிலையில் இப்போட்டியில் மூலம் இந்திய அணியின் நட்சத்திர வீரர் விரட் கோலி முன்னாள் ஜாம்பவான் சச்சின் டெண்டுல்கரின் மிகப்பெரிய சாதனையை முறியடிக்கும் வாய்ப்பை பெற்றுள்ளார்.
அந்தவகையில், ஆஸ்திரேலிய அணிக்கு முதல் டெஸ்ட் போட்டியில் விராட் கோலி சதம் அடித்ததன் மூலம் பார்டர்-கவாஸ்கர் கோப்பை வரலாற்றில் அதிக சதங்கள் அடித்த வீரர் சச்சின் டெண்டுல்கரின் சாதனையை சமன் செய்திருந்தார். இந்த சூழ்நிலையில், எதிர்வரும் போட்டியில் விராட் கோலி மேற்கொண்டு ஒரு சதம் அடிக்கும் பட்சத்தில் பார்டர் கவாஸ்கர் கோப்பை டெஸ்ட் தொடரில் அதிக சதமடித்த வீரர் எனும் சாதனையை அவர் தன்வசப்படுத்துவார்.
பார்டர்-கவாஸ்கர் கோப்பை தொடரில் அதிக சதம் அடித்த பேட்டர்கள்
- சச்சின் டெண்டுல்கர் - 65 இன்னிங்ஸ்களில் 9 சதங்கள்
- விராட் கோலி - 44 இன்னிங்சில் 9 சதங்கள்
- ரிக்கி பாண்டிங் - 51 இன்னிங்ஸில் 8 சதங்கள்
- ஸ்டீவ் ஸ்மித் - 37 இன்னிங்ஸில் 8 சதங்கள்
- மைக்கேல் கிளார்க் - 40 இன்னிங்ஸ்களில் 7 சதங்கள்
மேற்கொண்டு பார்டர்-கவாஸ்கர் கோப்பை தொடரில் ஆஸ்திரேலியாவில் அதிக ரன்கள் எடுத்த இந்திய வீரர் எனும் சச்சின் டெண்டுல்கரின் சாதனையை விராட் கோலி கடந்த போட்டியில் முறியடித்தார். இருப்பினும் இத்தொடர் அறிமுகமாவதற்கு முன்பு சச்சின் டெண்டுல்கர் 368 ரன்களைச் சேர்த்திருந்தார். இதன்மூலம் ஆஸ்திரேலியாவில் அதிக ரன்கள் அடித்த இந்திய வீரர்கள் பட்டியலில் தற்போதுவரை சச்சின் டெண்டுல்கர் 1809 ரன்களுட்ன் முன்னிலையில் உள்ளார்.
அதேசமயம் விரட் கோலி 1457 ரன்களை எடுத்து இரண்டாம் இடத்தில் உள்ளார். இந்நிலையில் எதிர்வரும் போட்டிகளில் விராட் கோலி மேற்கொண்டு 352 ரன்களைச் சேர்க்கும் ப்ட்சத்தில், ஆஸ்திரேலிய அணிக்கு எதிராக ஆஸ்திரேலியாவில் அதிக ரன்களை டெஸ்ட் ரன்களை அடித்த வீரர் எனும் சாதனையையும் படைப்பார். இந்த பட்டியாலில் முன்னாள் ஜாம்பவன்கள் விவிஎஸ் லக்ஷ்மன், ராகுல் டிராவிட், வீரேந்திர சேவாக் ஆகியோர் அடுத்தடுத்த இடங்களில் உள்ளது குறிப்பிடத்தக்கது.
Also Read: Funding To Save Test Cricket
ஆஸ்திரேலியாவில் அதிக டெஸ்ட் ரன்களை குவித்த இந்திய வீரர்கள்
- சச்சின் டெண்டுல்கர் - 38 இன்னிங்ஸில் 1809 ரன்கள் (பிஜிடியில் 1441 ரன்கள்)
- விராட் கோலி - 37 இன்னிங்ஸில் 1457 ரன்கள்
- விவிஎஸ் லட்சுமண் - 29 இன்னிங்சில் 1236 ரன்கள்
- ராகுல் டிராவிட் - 32 இன்னிங்ஸ்களில் 1166 ரன்கள்
- வீரேந்திர சேவாக் - 22 இன்னிங்ஸில் 1031 ரன்கள்