ரசிகர்களின் பெரும் எதிர்பார்ப்புகளுக்கு மத்தியில் நடைபெற்று வந்த ஐபிஎல் தொடரின் 18அவது சீசன் இறுதிக்கட்டை எட்டியுள்ளது. ஆனால் இந்தியா-பாகிஸ்தான் இடையே ஏற்பட்ட போர் பதற்றத்தின் காரணமாக இத்தொடரில் எஞ்சியிருந்த போட்டிகள் ஒருவார காலம் ஒத்திவைக்கப்பட்டிருந்தது.
இந்நிலையில் இரு நாடுகளும் போர் நிறுத்தத்தை அறிவித்ததை தொடர்ந்து ஐபிஎல் தொடரின் எஞ்சிய போட்டிகள் எதிவரும் மே 17ஆம் தேதி முதல் தொடங்கும் என்று பிசிசிஐ சமீபத்தில் அறிவித்தது. அதன்படி மே 17ஆம் தேதி தொடங்கும் இத்தொடரின் லீக் சுற்று போட்டிகள் மே 27ஆம் தேதி வரையில், மே 29ஆம் தேதி முதல் பிளே ஆஃப் போட்டிகளும், ஜூன் 03அம் தேதி இறுதிப்போட்டியும் நடைபெறும் என்று அறிவிக்கப்பட்டது.
அந்தவகையில் நாளை நடைபெறும் ஐபிஎல் தொடரின் 58ஆவது லீக் போட்டியில் ராயல் சேலஞ்சர்ஸ் பெங்களூரு மற்றும் கொல்கத்தா நைட் ரைடர்ஸ் அணிகள் பலப்பரீட்சை நடத்தவுள்ளன. இவ்விரு அணிகளுக்கும் இடையேயான போட்டி பெங்காளூருவில் உள்ள எம் சின்னசாமி கிரிக்கெட் மைதானத்தில் நடைபெறவுள்ளது. இரு அணிகளும் பிளே ஆஃப் சுற்றுக்கான வாய்ப்பில் நீடிக்கும் நிலையில் இதில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன.
இந்நிலையில் கொல்கத்தா நைட் ரைடர்ஸ் அணிக்கு எதிரான போட்டியின் மூலம் ராயல் சேலஞ்சர்ஸ் பெங்களூரு அணியின் நட்சத்திர வீரர் விராட் கோலி ஒரு சிறப்பு சாதனையை படைக்கும் வாய்ப்பைப் பெறுவார். இந்தப் போட்டியில் விராட் கோலி ஒரு பவுண்டரி அடித்தால், ஐபிஎல்லில் 750 பவுண்டரிகளைப் பூர்த்தி செய்வார். இதன்மூலம் ஐபிஎல் தொடர் வரலாற்றில் இந்த மைல் கல்லை எட்டியா இரண்டாவது வீரர் எனும் பெருமையையும் பெறவுள்ளார்.
இதற்கு முன் இந்திய அணியின் முன்னாள் வீரர் ஷிகர் தவான் மட்டுமே இந்த சாதனையைப் படைத்துள்ளார். அவர் 222 போட்டிகளில் விளையாடி 768 பாவுண்டரிகளை விளாசி முதலிடத்தில் உள்ளார். அதேசமயம் விராட் கோலி இதுவரை 263 போட்டிகளில் விளையாடிவுள்ள நிலையில் 749 பவுண்டரிகளை அடித்துள்ளார். மேலும் நடப்பு ஐபிஎல் தொடரில் கோலி சிறப்பான ஃபார்மில் இருப்பதால் நிச்சயம் இந்த சாதனையை முறியடிப்பார் என்று எதிர்பார்க்கப்படுகிறது.
ராயல் சேலஞ்சர்ஸ் பெங்களூரு உத்தேச லெவன்: பில் சால்ட், விராட் கோலி, மயங்க் அகர்வால், ரஜத் படிதார், ஜிதேஷ் சர்மா, டிம் டேவிட், குர்னால் பாண்டியா, ரொமாரியோ ஷெப்பர்ட், புவனேஷ்வர் குமார், லுங்கி இங்கிடி, யாஷ் தயாள்.
Also Read: LIVE Cricket Score
கொல்கத்தா நைட் ரைடர்ஸ் உத்தேச லெவன்: சுனில் நரைன், ரஹ்மானுல்லா குர்பாஸ், அஜிங்கியா ரஹானே (கேப்டன்), வெங்கடேஷ் ஐயர், ரின்கு சிங், ஆண்ட்ரே ரஸல், ரமன்தீப் சிங், ஹர்ஷித் ராணா, ஆன்ரிக் நேர்ட்ஜே, வருண் சக்ரவர்த்தி, வைபவ் அரோரா.