லக்னோவுக்கு எதிரான போட்டியில் சாதனை படைக்க காத்திருக்கும் விராட் கோலி!

ஐபிஎல் தொடரின் 18ஆவது சீசன் இறுதிக்கட்டத்தை எட்டியுள்ளது. மொத்தம் 10 அணிகள் பேற்றிருந்த இத்தொடரில் குஜராத் டைட்டன்ஸ், பஞ்சாப் கிங்ஸ், ராயல் சேலஞ்சர்ஸ் பெங்களூரு மற்றும் மும்பை இந்தியன்ஸ் அணிகள் பிளே ஆஃப் சுற்றுக்கு முன்னேறிவுள்ளன.

இதில் பஞ்சாப் கிங்ஸ் அணி டாப் 2 இடத்தை உறுதிசெய்துள்ள நிலையில், ஆர்சிபி மற்றும் குஜராத் அணிகளுக்கு இடையேயான போட்டி நிலவி வருகிறது. இந்நிலையில் இத்தொடரில் இன்று நடைபெறும் கடைசி லீக் போட்டியில் ராயல் சேலஞ்சர்ஸ் பெங்களூரு அணியை எதிர்த்து லக்னோ சூப்பர் ஜெயண்ட்ஸ் அணி பலப்பரீட்சை நடத்தவுள்ளது. இதில் ஆர்சிபி அணி வெற்றிபெற்று முதலிரண்டு இடங்களை தக்கவைக்கும் என்பதால் இப்போட்டி மீதான எதிர்பார்ப்புகள் அதிகரித்துள்ளன.

இந்நிலையில் இப்போட்டியின் மூலம் ராயல் சேலஞ்சர்ஸ் பெங்களூரு அணியின் நட்சத்திர வீரர் விராட் கோலி சிறப்பு சாதனை படைக்கும் வாய்ப்பை பெற்றுள்ளார். அதன்படி இப்போட்டியில் விராட் கோலி 24 ரன்களை எடுக்கும் பட்சத்தில் அவர் ஆர்சிபி அணிக்காக 9000 ரன்களை நிறைவு செய்வார். இதன்மூலம் டி20 கிரிக்கெட் வரலாற்றில் ஒரு அணிக்காக 9ஆயிரம் ரன்களை கடந்த முதல் வீரர் எனும் சாதனையையும் படைக்கவுள்ளார்.

அவர் இதுவரை ராயல் சேலஞ்சர்ஸ் பெங்களூரு அணிக்காக இதுவரை 270 இன்னிங்ஸ்களில் விளையாடி 8976 ரன்களை எடுத்துள்ளார். இதில் அவர் ஐபிஎல் தொடரில் 256 இன்னிங்ஸ்களில் 8552 ரன்களையும், சாம்பியன்ஸ் லீக் டி20 தொடரில் 14 இன்னிங்ஸ்களில் 424 ரன்களும் எடுத்துள்ளனர் என்பது குறிப்பிடத்தக்கது. மேலும் இதில் அவர் மொத்தமாக 8 சதங்கள் மற்றும் 62 அரைசதங்களை அடித்துள்ளார் என்பதும் குறிப்பிடத்தக்கது.

இதுதவிர்த்து இப்போட்டியில் விராட் கோலி அரைசதம் அடிக்கும் பட்சத்தில் ஐபிஎல் தொடரில் அதிக அரைசதங்களை கடந்த வீரர்கள் பட்டியலில் டேவிட் வார்னரின் சாதனையை முறியடிக்கும் வாய்ப்பை பெற்றுள்ளார். டேவிட் வார்னர் மற்றும் விராட் கோலி இருவரும் கூட்டாக 62 அரைசதங்களைப் பதிவுசெய்து இப்பட்டியலில் முதலிடத்தில் உள்ளனர். இந்த பட்டியலில் ரோஹித் சர்மா 46 அரைசதங்களுடன் மூன்றாம் இடத்தில் உள்ளார் என்பது குறிப்பிடத்தக்கது.

Also Read: LIVE Cricket Score

நடப்பு ஐபிஎல் தொடரில் விராட் கோலியின் ஃபார்ம் சிறப்பாக இருந்துள்ளது. இதில் அவர் 13 இன்னிங்ஸ்களில் விளையாடி 60.89 என்ற சராசரியுடன் 548 ரன்களை எடுத்துள்ளார். இதில் அவர் 7 அரைசதங்களையும் அடித்துள்ளார் என்பதும் குறிப்பிடத்தக்கது.