ஆசிய கோப்பை கிரிக்கெட் தொடரில் இன்று இலங்கையில் உள்ள கொழும்பு நகரில் நடைபெற்ற முக்கியமான சூப்பர் 4 போட்டியில் நடப்பு சாம்பியன் இலங்கையை எதிர்த்து இந்தியா அணி விளையாடியது. இப்போட்டியில் டாஸ் வென்ற இந்திய கேப்டன் ரோகித் சர்மா முதலில் பந்து வீசுவதாக அறிவித்தார். அதைத் தொடர்ந்து இந்தியாவுக்கு கடந்த போட்டியை போலவே பவர் பிளே ஓவர்களை பயன்படுத்தி 80 ரன்கள் ஓப்பனிங் பார்ட்னர்ஷிப் அமைத்த ஷுப்மன் கில் 19 ரன்களில் அவுட்டானார்.
அந்த நிலைமையில் வந்த நம்பிக்கை நட்சத்திரம் விராட் கோலியையும் 3 ரன்களில் அவுட்டாக்கிய துணித் வெல்லாலகே மறுபுறம் அதிரடியாக விளையாடி 7 பவுண்டரி 2 சிக்சருடன் 53 ரன்கள் விளாசிய கேப்டன் ரோஹித் சர்மாவையும் தன்னுடைய மாயாஜால சுழலால் கிளீன் போல்டாக்கினார். இந்நிலையில் 4ஆவது விக்கெட்டுக்கு 63 ரன்கள் பார்ட்னர்ஷிப் அமைத்து போராடிய கேஎல் ராகுலும் அவருடைய சூழலில் 39 ரன்களில் ஆட்டமிழந்தார்.
அதே போல மறுபுறம் போராடிய இஷான் கிஷன் 33 ரன்களில் அவுட்டாக, ஹர்திக் பாண்டியா 5, ரவீந்திர ஜடேஜா 4 என இதர பேட்ஸ்மேன்களும் சொற்ப ரன்களில் அவுட்டாகி ஏமாற்றத்தை கொடுத்தனர். இறுதியில் 49.1 ஓவர்களில் இந்தியா 213 ரன்கள் மட்டுமே ரன்கள் எடுத்த நிலையில் இலங்கை சார்பில் அதிகபட்சமாக துனித் வல்லாலகே 5 விக்கெட்டுகளையும், சரித் அசலங்கா 4 விக்கெட்டுகளையும் வீழ்த்தினார்.
முன்னதாக இந்த போட்டியில் 2ஆவது விக்கெட்டுக்கு விராட் கோலி மற்றும் ரோஹித் சர்மா ஆகியோர் 10 ரன்கள் மட்டுமே எடுத்தனர். ஆனாலும் கடந்த 13 வருடங்களாக ஒருநாள் கிரிக்கெட்டில் நிறைய போட்டிகளில் டாப் ஆர்டரில் இருவரும் சேர்ந்து எதிரணிகளை அதிரடியாக எதிர்கொண்ட அவர்கள் இந்தியாவின் நிறைய வெற்றிகளில் பங்காற்றியுள்ளனர்.
குறிப்பாக புள்ளி விவரங்களின்படி இதுவரை 86 இன்னிங்ஸில் 5008 ரன்களை பார்ட்னர்ஷிப் அமைத்துள்ள விராட் கோலி மற்றும் ரோஹித் சர்மா ஆகியோர் ஒருநாள் கிரிக்கெட்டில் சௌரவ் கங்குலி – சச்சின் டெண்டுல்கர், ரோஹித் சர்மா – ஷிகர் தவான் ஆகியோருக்கு பின் 5000 பார்ட்னர்ஷிப் ரன்கள் குவித்த 3ஆவது இந்திய ஜோடி என்ற பெருமையை பெற்றுள்ளனர்.
அதை மிகவும் குறைந்த இன்னிங்ஸில் எடுத்துள்ள அவர்கள் உலகிலேயே ஒருநாள் போட்டிகளில் அதிவேகமாக 5,000 பார்ட்னர்ஷிப் ரன்கள் குவித்த ஜோடி என்ற வெஸ்ட் இண்டீஸ் ஜாம்பவான்கள் டேஸ்மண்ட் ஹெய்ன்ஸ் – கோர்டான் க்ரீனிட்ஜ் சாதனை உடைத்து புதிய உலக சாதனை படைத்துள்ளனர்.
அந்த பட்டியல் (இன்னிங்ஸ்):
- ரோஹித் சர்மா – விராட் கோலி (இந்தியா) : 86
- டேஸ்மண்ட் ஹெய்ன்ஸ் – கோர்டான் க்ரீனிட்ஜ் (வெஸ்ட் இண்டீஸ்) : 97
- ஆடம் கில்கிறிஸ்ட் – மேத்யூ ஹெய்டன் (ஆஸ்திரேலியா) : 104