கம்பேக் போட்டியில் ஏமாற்றமளித்த விராட் கோலி; வைரலாகும் காணொளி!

இந்தியா - வங்கதேசம் அணிகளுக்கு இடையேயான இரண்டு டெஸ்ட் போட்டிகள் கொண்ட தொடர் இன்று தொடங்கியது. அந்தவகையில் இவ்விரு அணிகளுக்கு இடையேயான முதலாவது டெஸ்ட் போட்டியானது சென்னையில் உள்ள எம்.ஏ.சிதம்பரம் மைதானத்தில் நடைபெற்று வருகிறது. இப்போட்டியில் டாஸ் வென்ற வங்கதேச கேப்டன் நஸ்முல் ஹொசைன் சாண்டோ முதலில் பந்துவீச முடிவு செய்து இந்திய அணியை பேட்டிங் செய்ய அழைத்தார். 

ஆனால் டாஸை இழந்து பேட்டிங் செய்ய களமிறங்கிய இந்திய அணிக்கு எதிர்பார்த்த தொடக்க கிடைக்கவில்லை. ஏனெனில் ஆட்டம் தொடங்கிய சிறிது நேரத்திலேயே இந்திய அணி கேப்டன் ரோஹித் சர்மா 6 ரன்களுக்கும், ஷுப்மன் கில் ரன்கள் ஏதுமின்றியும், நட்சத்திர வீரர் விராட் கோலி 6 ரன்களுக்கும் என அடுத்தடுத்து ஹசன் மஹ்மூத் பந்துவீச்சில் விக்கெட்டுகளை இழந்து பெவிலியனுக்கு நடையைக் கட்டினர். 

இதனால் இந்திய அணி 34 ரன்களிலேயே 3 விக்கெட்டுகளை இழந்தது. இந்நிலையில் இப்போட்டியில் பெரிதும் எதிர்பார்க்கப்பட்ட இந்திய அணியின் நட்சத்திர வீரர் விராட் கோலி 6 ரன்களை மட்டுமே எடுத்த நிலையில் விக்கெட் கீப்பரிடம் கேட்ச் கொடுத்து பெவிலியன் திரும்பி ஏமாற்றமளித்தார். முன்னதாக கடந்த தென் ஆபிரிக்க டெஸ்ட் தொடரில் விளையாடிய அவர், அதன்பின் இங்கிலாந்து தொடரில் இருந்து தனிபட்ட காரணங்ளினால் விலகினார். 

இதனையடுத்து தற்போது வங்கதேச டெஸ்ட் தொடரின் மூலம் கம்பே கொடுத்துள்ள விராட் கோலி, மீண்டும் ரன்களை குவிப்பார் என எதிர்பார்க்கப்பட்ட வேளையில் சொற்ப ரன்களுக்கு விக்கெட்டை இழந்தது அவரது ரசிகர்களை சோகத்தில் ஆழ்த்தியுள்ளது. அதிலும் குறிப்பாக அவருக்கு மிகவும் பிடித்தமான கவர்ஷாட்டை விளையாட முயன்று விக்கெட்டை இழந்தார். இந்நிலையில் விராட் கோலி விக்கெட்டை இழந்த காணொளி வைரலாகி வருகிறது, 

இந்தியா: ரோஹித் சர்மா (கேப்டன்), யஷஸ்வி ஜெய்ஸ்வால், ஷுப்மன் கில், விராட் கோலி, கே.எல். ராகுல், ரிஷப் பந்த், ரவீந்திர ஜடேஜா, ரவிச்சந்திரன் அஷ்வின், ஜஸ்பிரித் பும்ரா, ஆகாஷ் தீப், முகமது சிராஜ்.

Also Read: Funding To Save Test Cricket

வங்கதேசம்: ஷத்மான் இஸ்லாம், ஜாகிர் ஹசன், நஸ்முல் ஹொசைன் சாண்டோ (கேப்டன்), மொமினுல் ஹக், முஷ்ஃபிக்கூர் ரஹீம், ஷாகிப் அல் ஹசன், லிட்டன் தாஸ் , மெஹிதி ஹசன் மிராஜ், தஸ்கின் அகமது, ஹசன் மஹ்மூத், நஹித் ராணா.