IND vs SA: இந்திய அணியில் வாஷிங்டன் சுந்தர் சேர்ப்பு!
இந்தியாவி சுற்றுப்பயணம் செய்து வரும் தென் ஆப்பிரிக்க கிரிக்கெட் அணி, 3 போட்டிகள் கொண்ட டி-20 மற்றும் ஒருநாள் தொடரில் விளையாடி வருகிறது. இதில், முதலில் நடந்த டி-20 தொடரில் 2-1 என்ற கணக்கில் இந்திய அணி வென்றது.
இந்நிலையில், இவ்விரு அணிகள் மோதிய முதலாவது ஒருநாள் போட்டி உத்தரபிரதேச மாநிலம் லக்னோவில் உள்ள அடல் பிஹாரி வாஜ்பாய் மைதானத்தில் நேற்று முந்தினம் நடைபெற்றது. இந்த போட்டியில் இந்திய அணி 9 ரன்கள் வித்தியாசத்தில் தென் ஆப்பிரிக்காவிடம் தோல்வி அடைந்தது.
இதற்கிடையில் தீபக் சஹார் காயம் காரணமாக முதல் ஒருநாள் போட்டியில் பங்கேற்கவில்லை. பயிற்சியில் ஈடுபடும் போது தீபக் சஹார் காலில் காயம் ஏற்பட்டிருக்கிறது. இதனால் தென் ஆப்பிரிக்காவுக்கு எதிரான எஞ்சிய ஒரு நாள் போட்டிகளில் அவர் பங்கேற்க மாட்டார் என்று தெரிவிக்கப்பட்டுள்ளது.
தீபக் சஹார் இந்திய அணியை காப்பாற்றுவார் என எதிர்பார்த்த ரசிகர்களுக்கு இந்த செய்தி இடியாக வந்து இறங்கியுள்ளது. எனினும் இது குறித்து கருத்து தெரிவித்துள்ள இந்திய அணி நிர்வாகம், தீபக் சஹாருக்கு ஏற்பட்டிருக்கிற காயம் அபாயகரமானது அல்ல என்று தெரிவித்துள்ளது. தீபக் சஹார் உடைய காயம் குணமடைய சில நாட்கள் ஆகலாம்.
இந்த நிலையில் தென் ஆப்பிரிக்காவுக்கு எதிரான ஒருநாள் போட்டியில் தீபக் சாஹருக்கு பதிலாக தமிழக வீரர் வாஷிங்டன் சுந்தர் இந்திய அணியில் சேர்க்கப்பட்டுள்ளார். கடந்த சில மாதங்களாக அணியில் இடம் கிடைக்காமல் தவித்து வந்த வாஷிங்டன் சுந்தருக்கு இது அறிய வாய்ப்பாக பார்க்கப்படுகிறது.
அதன்படி தென் ஆப்பிரிக்க அணிக்கெதிரான 2ஆவது ஒருநாள் போட்டி ராஞ்சியில் அக்டோபர் 9ஆம் தேதியும், கடைசி ஒருநாள் போட்டி அக்டோபர் 11ஆம் தேதி டெல்லியிலும் நடைபெறவுள்ளது. இப்போட்டிகளில் வாஷிங்டன் சுந்தருக்கு பிளேயிங் லெவனில் வாய்ப்பளிக்கப்படும் என எதிர்பார்க்கப்படுகிறது.