மகளிர் பிரீமியர் லீக் தொடரில் நேற்று நடைபெற்ற 10ஆவது லீக் போட்டியில் டெல்லி கேப்பிட்டல்ஸ் மற்றும் குஜராத் ஜெயண்ட்ஸ் அணிகள் பலப்பரீட்சை நடத்தின. இதில் டாஸை இழந்து முதாலில் பேட்டிங் செய்த குஜராத் ஜெயண்ட்ஸ் அணி ஆரம்பம் முதலே சீரான இடைவேளையில் விக்கெட்டுகளை இழந்தது.
அந்த அணியில் பாரதி ஃபுல்மாலில் 4 பவுண்டரி, 2 சிக்ஸர்கள் என 40 ரன்களைச் சேர்த்ததை தவிர்த்து மற்ற வீராங்கனைகள் சோபிக்க தவறினர். இதன்மூலம் குஜராத் ஜெயண்ட்ஸ் அணி 20 ஓவர்கள் முடிவில் 9 விக்கெட் இழப்பிற்கு 127 ரன்களைச் சேர்த்துள்ளது. டெல்லி கேப்பிட்டல்ஸ் அணி தரப்பில் சிறப்பான பந்துவீச்சை வெளிப்படுத்திய மரிஸான் கேப், ஷிகா பாண்டே மற்றும் அனபெல் சதர்லேண்ட் ஆகியோர் தலா 2 விக்கெட்டுகளை கைப்பற்றி அசத்தினர்.
அதன்பின் இலக்கை நோக்கி விலையாடிய டெல்லி கேப்பிட்டல்ஸ் அணியில் ஷஃபாலி வர்மா - ஜெஸ் ஜோனசன் இணை அதிரடியாக விளையாடி அணியின் ஸ்கோரை உயர்த்தினர். இதில் ஷஃபாலி வர்மா 5 பவுண்டரி, 3 சிக்ஸர்களுடன் 44 ரன்களைச் சேர்த்து விக்கெட்டை இழந்த நிலையில், மறுபக்கம் ஆபார ஆட்டத்தை வெளிப்படுத்தி வந்தா ஜெஸ் ஜோனசன் 9 பவுண்டரி, ஒரு சிக்ஸருடன் 61 ரன்களைச் சேர்த்து அணிக்கு வெற்றியைத் தேடித்தந்தார்.
இதன்மூலம் டெல்லி கேப்பிட்டல்ஸ் அணி 15.1 ஓவர்களில் இலக்கை எட்டியதுடன் 6 விக்கெட் வித்தியாசத்தில் குஜராத் ஜெயண்ட்ஸை வீழ்த்தி வெற்றிபெற்றது. இந்த வெற்றியின் மூலம் டெல்லி கேப்பிட்டல்ஸ் அணி 6 புள்ளிகளுடன் புள்ளிப்பட்டியலின் முதலிடத்திற்கும் முன்னேறி அசத்தியுள்ளது. மேலும் இப்போட்டியில் சிறப்பான ஆட்டத்தை வெளிப்படுத்திய ஜெஸ் ஜோனசன் ஆட்டநாயகி விருதை வென்றார்.
இந்நிலையில் இப்போட்டியில் குஜராத் ஜெயண்ட்ஸ் அணி கேப்டன் ஆஷ்லே கார்ட்னர் டெல்லி கேப்பிட்டல்ஸ் வீராங்கனை ஷஃபாலி வர்மாவின் விக்கெட்டை வீழ்த்திய காணொளி ரசிகர்களின் கவனத்தை ஈர்த்து வருகிறது. அதன்படி இன்னிங்ஸின் 10ஆவது ஓவரை ஆஷ்லே கார்ட்னர் வீசிய நிலையில், அந்த ஓவரின் இரண்டாவது பந்தை எதிர்கொண்ட ஷஃபாலி வர்மா டீப் மிட் விக்கெட் திசையில் 85 மீட்டர் தூர சிக்ஸரை பறக்கவிட்டு அசத்தினார்.
Also Read: Funding To Save Test Cricket
அதன்பின் ஓவரின் மூன்றாவது பந்தையும் பாய்ண்ட் திசையில் பவுண்டரிக்கு விளாசியதுடன் ஷாஃபாலி தனது அரைசதத்தையும் நெருங்கிக்கொண்டிருந்தார். ஆனால் சற்றும் மனம் தளராத ஆஷ்லே கார்ட்னர் ஓவரின் நான்காவது பந்தில் ஷஃபாலி வர்மாவை எல்பிடபிள்யூ முறையில் விக்கெட்டை வீழ்த்தி பதிலடி கொடுத்தார். இதனால் அரைசதம் அடிப்பார் என்று எதிர்பார்க்கப்பட்ட ஷஃபாலியும் 44 ரன்களில் விக்கெட்டை இழந்தார். இந்நிலையில் இக்காணொளியானது வைரலாகி வருகிறது.