ஐபிஎல் தொடரில் இன்று நடைபெற்ற லீக் போட்டியில் ராயல் சேலஞ்சர்ஸ் பெங்களூரு மற்றும் சென்னை சூப்பர் கிங்ஸ் அணிகள் பலப்பரீட்சை நடத்தின. பெங்களூருவில் நடைபெற்ற இப்போட்டியில் டாஸ் வென்ற சென்னை சூப்பர் கிங்ஸ் அணி முதலில் பந்துவீசுவதாக அறிவித்தது.
அதன்படி களமிறங்கிய ஆர்சிபி அணியில் விராட் கோலி 5 பவுண்டரி, 5 சிக்ஸர்களுடன் 62 ரன்களையும், ஜேக்கப் பெத்தெல் 8 பவுண்டரி, 2 சிக்ஸர்கள் என 55 ரன்களையும் சேர்த்து விக்கெட்டை இழக்க, அதன்பின் களமிறங்கிய வீரர்களும் சோபிக்க தவறினர். இறுதியில் அபாரமான ஆட்டத்தை வெளிப்படுத்திய ரொமாரியோ ஷெஃபெர்ட் 14 பந்துகளில் 4 பவுண்டரிகள் மற்றும் 6 சிக்ஸர்கள் என 53 ரன்களைக் குவித்து அணிக்கு தேவையான ஃபினிஷிங்கை கொடுத்தார்.
இதன் மூலம் ராயல் சேலஞ்சர்ஸ் பெங்களூரு அணி 20 ஓவர்கள் முடிவில் 5 விக்கெட்டுகளை இழந்து 213 ரன்களைச் சேர்த்துள்ளது. சென்னை சூப்பர் கிங்ஸ் அணி தரப்பில் மதீஷா பதிரானா 3 விக்கெட்டுகளை கைப்பற்றிய நிலையில், நூர் அஹ்மத், சாம் காரண் தலா ஒரு விக்கெட்டை கைப்பற்றினர். இதனையடுத்து இலக்கை நோக்கி களமிறங்கியுள்ள சிஎஸ்கே அணி பேட்டர்களும் அதிரடியாக விளையாடி ஸ்கோரை உயர்த்தி வருகின்றனர்.
இந்நிலையில் இப்போட்டியில் சென்னை சூப்பர் கிங்ஸ் அணி வீரர் டெவால்ட் பிரீவிஸ் பிடித்த அற்புதமான கேட்ச் ரசிகர்களை கவர்ந்துள்ளது. அதன்படி இன்னிங்ஸின் 10ஆவது ஓவரை பதிரானா விசிய நிலையில் ஓவரின் 5ஆவது பந்தை எதிர்கொண்ட ஜேக்கப் பெத்தெல் டீப் மிட் விக்கெட் திசையில் சிக்ஸர் அடிக்கும் முயற்சியில் தூக்கி அடித்தார். ஆனால் பந்தில் போதிய வேகமில்லாத காரணத்தால் பந்து காற்றில் இருந்தது.
அப்போது அந்த திசையில் ஃபீல்டிங் செய்த கொண்டிருந்த டெவால்ட் பிரீவிச் ஓடிவந்து முன்பக்கமாக டைவை அடித்ததுடன் அபாரமான கேட்ச்சையும் பிடித்து அசத்தினார். இதன் காரணமாக அதிரடியாக விளையாடி வந்த ஜேக்கப் பெத்தல் 52 ரன்களில் விக்கெட்டை இழந்து பெவிலியனுக்கு திரும்பினார். இந்நிலையில் டெவால்ட் பிரீவிஸ் பிடித்த இந்த அபாரமான கேட்ச் குறித்த காணொளி இணையத்தில் வைரலாகி வருகிறது.
சென்னை சூப்பர் கிங்ஸ் பிளேயிங் லெவன்: ஷேக் ரஷீத், ஆயுஷ் மத்ரே, சாம் குர்ரான், ரவீந்திர ஜடேஜா, டெவால்ட் ப்ரீவிஸ், தீபக் ஹூடா, எம்எஸ் தோனி(w/c), நூர் அகமது, கலீல் அகமது, அன்ஷுல் கம்போஜ், மதீஷா பத்திரனா
இம்பேக்ட் வீரர்கள்: சிவம் துபே, ஆர் அஷ்வின், ஜேமி ஓவர்டன், கமலேஷ் நாகர்கோட்டி, ராமகிருஷ்ண கோஷ்
ராயல் சேலஞ்சர்ஸ் பெங்களூரு பிளேயிங் லெவன்: ஜேக்கப் பெத்தேல், விராட் கோலி, தேவ்தத் படிக்கல், ரஜத் படிதார்(கேட்ச்), ஜிதேஷ் சர்மா(வ), டிம் டேவிட், க்ருனால் பாண்டியா, ரொமாரியோ ஷெப்பர்ட், புவனேஷ்வர் குமார், லுங்கி என்கிடி, யாஷ் தயாள்
Also Read: LIVE Cricket Score
இம்பேக்ட் வீரர்கள்: சுயாஷ் சர்மா, லியாம் லிவிங்ஸ்டோன், ரஷிக் தர் சலாம், மனோஜ் பன்டேஜ், ஸ்வப்நில் சிங்