எம்எல்சி 2025: ஹாட்ரிக் சிக்ஸர்களை பறக்கவிட்ட ரொமாரியோ ஷெஃபர்ட் - காணொளி
Romario Shepherd Video: சியாட்டில் ஆர்காஸுக்கு எதிரான லீக் போட்டியில் சான் ஃபிரான்சிஸ்கோ யூனிகார்ன்ஸ் அணியின் ஆல் ரவுண்டர் ரொமாரியோ ஷெஃபர்ட் அரைசதம் கடந்ததுடன் அணியின் வெற்றிக்கு உதவினார்.
சீயாட்டில் ஆர்காஸ் மற்றும் சான் ஃபிரான்சிஸ்கோ யூனிகார்ன்ஸ் அணிகளுக்கு இடையேயான எம்எல்சி லீக் போட்டி நேற்று டல்லாஸில் நடைபெற்றது. இப்போட்டியில் டாஸை இழந்து முதலில் பேட்டிங் செய்த யூனிகார்ன்ஸ் அணியில் கேப்டன் மேத்யூ ஷார்ட் 52 ரன்களையும், ரொமாரியோ ஷெஃபர்ட் 56 ரன்களையும் சேர்த்தனர். இதன்மூலம் யூனிகார்ன்ஸ் அணி 20 ஓவர்களில் 176 ரன்களைச் சேர்த்தது. ஆர்காஸ் அணி தரப்பில் ஜெரால்ட் கோட்ஸி மற்றும் ஹர்மீத் சிங் தலா 3 விக்கெட்டுகளை கைப்பற்றினர்.
அதன்பின் இலக்கை நோக்கி விளையாடிய ஆர்காஸ் அணியில் ஷியாம் ஜஹாங்கீர் 40 ரன்களையும், ஷிம்ரான் ஹெட்மையர் 30 ரன்களையும் சேர்த்ததை தவிர்த்து மற்ற வீரர்கள் பெரிதளவில் ரன்களைச் சேர்க்க தவறினர். இதனால் அந்த அணி 18.2 ஓவர்களில் அனைத்து விக்கெட்டுகளையும் இழந்து 144 ரன்களுக்கு ஆல் அவுட்டானது. இதன்மூலம் சான் ஃபிரான்சிஸ்கோ யூனிகார்ன்ஸ் அணி 32 ரன்கள் வித்தியாசத்தில் சியாட்டில் ஆர்காஸ் அணியை வீழ்த்தி அபார வெற்றியைப் பதிவுசெய்து அசத்தியுள்ளது.
மேலும் இப்போட்டியில் யூனிகார்ன்ஸ் அணி 97 ரன்களுக்கு 5 விக்கெட்டுகளை இழந்து தடுமாறிய சூழலில் களமிறங்கிய ரொமாரியோ ஷெஃபெர்ட் அபார ஆட்டத்தை வெளிப்படுத்தியதுடன் 31 பந்துகளில் 4 பவுண்டரி, 4 சிக்ஸர்கள் என 56 ரன்களைச் சேர்த்து அணிக்கு தேவையான ஃபினிஷிங்கைக் கொடுத்ததுடன், பந்துவீச்சிலும் 2 விக்கெட்டுகளை கைப்பற்றி அணியின் வெற்றியில் பங்காற்றினார். இதன்மூலம் அவர் ஆட்ட்நாயகன் விருதையும் வென்றார்.
இந்நிலையில் இப்போட்டியில் ரொமாரியோ ஷெஃபர்ட் இன்னிங்ஸின் கடைசி ஓவரில் ஹாட்ரிக் சிக்ஸர்களை பறக்கவிட்டார். அதன்படி இன்னிங்ஸின் கடைசி ஓவரை ஒபேத் மெக்காய் வீசிய நிலையில், அந்த ஓவரை எதிர்கொண்ட ரொமாரியோ ஷெஃபர்ட் ஓவரின் இரண்டாவது பந்தில் லாங் ஆன் திசையில் சிக்ஸர் அடித்தார். அதன்பின் மூன்றாவது பந்தை எதிர்கொண்ட அவர் டீப் ஸ்கெயர் லெக் திசையில் சிக்ஸர் அடித்ததுடன் தனது அரைசதத்தையும் பூர்த்தி செய்தார்.
Also Read: LIVE Cricket Score
அதன்பின் அந்த ஓவரின் 4ஆவது பந்தில் ரோமாரியோ ஷெஃபர்ட் லான் ஆன் திசையில் மீண்டும் ஒரு சிக்ஸரை விளாசினார். இதன்மூலம் அந்த ஓவரில் யூனிகார்ன்ஸ் அணி மொத்தமாக 22 ரன்களைச் சேர்த்த நிலையில், ஓவரின் கடைசி பந்தில் ரொமாரியோ ஷெஃபர்ட் தந்து விக்கெட்டை இழந்தார். இந்நிலையில் ரோமாரியோ ஷெஃபர்ட் ஹாட்ரிக் சிக்ஸர்களை விளாசிய காணொளி இணையத்தில் வைரலாகி வருகிறது.