இங்கிலாந்து மகளிர் அணி ஆஷஸ் தொடரில் விளையாடுவதற்காக ஆஸ்திரேலியாவில் சுற்றுப்பயணம் மேற்கொள்ளவுள்ளது. அதன்படி நடப்பு மகளிர் ஆஷஸ் கிரிக்கெட் தொடரில் இவ்விரு அணிகளும் மூன்று போட்டிகள் கொண்ட ஒருநாள் மற்றும் டி20 தொடர்களிலும், ஒரே ஒரு டெஸ்ட் போட்டியை கொண்ட தொடரிலும் விளையாடவுள்ளது.
இதில் இரு அணிகளுக்கும் இடையேயான ஒருநாள் தொடர் ஜனவரி 12ஆம் தேதி தொடங்கவுள்ளது. அதன்பின் மூன்று போட்டிகள் கொண்ட டி20 தொடரானது ஜனவரி 20ஆம் தேதியும், டெஸ்ட் தொடரானது ஜனவரி 30ஆம் தேதியும் தொடங்கவுள்ளது. இந்நிலையில் இத்தொடருக்கான இங்கிலாந்து மகளிர் அணியை அந்நாட்டு கிரிக்கெட் வாரியம் சமீபத்தில் அறிவித்தது. ஹீதர் நைட் தலைமையிலான இந்த அணியில் ஆல்-ரவுண்டர் ஃப்ரேயா கெம்ப் மற்றும் இடது கை சுழற்பந்து வீச்சாளர் லின்ஸி ஸ்மித் ஆகிய அறிமுக வீராங்கனைகள் இங்கிலாந்து மகளிர் டி20 அணியில் சேர்க்கப்பட்டுள்ளனர்.
இந்நிலையில் மகளிர் ஆஷஸ் ஒருநாள் மற்றும் டி20 தொடர்களில் பங்கேற்கும் ஆஸ்திரேலிய மகளிர் அணி இன்று அறிவிக்கப்பட்டுள்ளது. அலிச ஹீலி தலைமையிலான இந்த அணியில் நட்சத்திர ஆல் ரவுண்டர் சோஃபி மோலினக்ஸ் காயம் காரணமாக இடம்பிடிக்கவில்லை. அதேசமயம் இந்திய அணிக்கு எதிரான தொடரில் சிறப்பாக செயல்பட்ட ஜார்ஜியோ வோல் மீண்டும் தனது இடத்தை உறுதிசெய்துள்ளார்.
மேற்கொண்டு ஆஷ்லே கார்ட்னர், போஃப் லிட்ச்ஃபீல்ட், தஹ்லியா மெக்ராத், பெத் மூனி, எல்லிஸ் பெர்ரி, மேகன் ஷாட் உள்ளிட்ட நட்சத்திர வீராங்கனைகள் தங்கள் இடங்களைத் தக்கவைத்துள்ளனர். இதுதவிர்த்து இதில் டி20 அணிக்கான ஆஸ்திரேலிய அணியில் கிரேஸ் ஹேரிஸும் சேர்க்கப்பட்டுள்ளார். அதேசமயம் டெஸ்ட் தொடருக்கான ஆஸ்திரேலிய மகளிர் அணி கூடிய விரையில் அறிவிக்கப்படும் என்று கூறப்படுகிறது.
ஆஸ்திரேலிய மகளிர் ஒருநாள் & டி20 அணி: அலிசா ஹீலி (கேப்டன்), டார்சி பிரௌன், ஆஷ்லே கார்ட்னர், கிம் கார்த், கிரேஸ் ஹாரிஸ் (டி20ஐ மட்டும்), அலனா கிங், ஃபோப் லிட்ச்ஃபீல்ட், தஹ்லியா மெக்ராத், பெத் மூனி, எல்லிஸ் பெர்ரி, மேகன் ஷாட், அன்னாபெல் சதர்லேண்ட், ஜார்ஜியா வோல், ஜார்ஜியா வேர்ஹாம்
இங்கிலாந்து ஒருநாள் அணி: ஹீதர் நைட் (கே), டாமி பியூமண்ட், லாரன் பெல், மையா பௌச்சர், ஆலிஸ் கேப்ஸி, கேட் கிராஸ், சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், சாரா க்ளென், ஏமி ஜோன்ஸ், நாட் ஸ்கைவர்-பிரண்ட், டேனியல் வையட்-ஹாட்ஜ்
இங்கிலாந்து டி20 அணி: ஹீதர் நைட் (கே), லாரன் பெல், மையா பௌச்சர், ஆலிஸ் கேப்ஸி, சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், டேனியல் கிப்சன், சாரா க்ளென், பெஸ் ஹீத், ஏமி ஜோன்ஸ், ஃப்ரேயா கெம்ப், லின்ஸி ஸ்மித், நாட் ஸ்கைவர்-பிரண்ட், டேனியல் வையட்-ஹாட்ஜ்.
Also Read: Funding To Save Test Cricket
இங்கிலாந்து டெஸ்ட் அணி: ஹீதர் நைட் (கே), டாமி பியூமண்ட், லாரன் பெல், மையா பௌச்சர், கேட் கிராஸ், சார்லி டீன், சோபியா டங்க்லி, சோஃபி எக்லெஸ்டோன், லாரன் ஃபைலர், பெஸ் ஹீத், ஆமி ஜோன்ஸ், ரியானா மெக்டொனால்ட்-கே, நாட் ஸ்கைவர்-பிரண்ட், டேனியல் வையட்-ஹாட்ஜ்