ZIM vs SA: இரண்டாவது டெஸ்டில் இருந்து விலகினார் கேசவ் மஹாராஜ்

ZIM vs SA, 2nd Test: ஜிம்பாப்வேவுக்கு எதிரான இரண்டாவது டெஸ்ட் போட்டியில் இருந்து தென் ஆப்பிரிக்க அணியின் கேசவ் மஹாராஜ் விலகியதை அடுத்து வியான் முல்டர் அணியின் கேப்டனாக செயல்படுவார் எனறு அறிவிக்கப்பட்டுள்ளது. 

ஜிம்பாப்வேவில் சுற்றுப்பயணம் செய்து வரும் தென் ஆப்பிரிக்க அணி இரண்டு போட்டிகள் கொண்ட டெஸ்ட் தொடரில் விளையாடி வருகிறது. இதில் நடந்து முடிந்த முதல் டெஸ்ட் போட்டியில் தென் ஆப்பிரிக்க அணி 328 ரன்கள் வித்தியாசத்தில் ஜிம்பாப்வே அணியை வீழ்த்தி ஆபார வெற்றியைப் பதிவுசெய்து அசத்தியது. இதையடுத்து இரு அணிகளுக்கும் இடையேயான இரண்டாவது டெஸ்ட் போட்டி ஜூலை 6ஆம் தேதி புலவாயோவில் நடைபெறவுள்ளது. 

இதில் ஏற்கெனவே முதல் போட்டியை வென்றுள்ள தென் ஆப்பிரிக்க அணி இந்த போட்டியிலும் வெற்றிபெற்று தொடரை வெல்ல முயற்சிக்கும், அதேசமயம் ஜிம்பாப்வே அணியானது முந்தைய தோல்விக்கு பதிலடி கொடுக்கும் முனைப்பில் விளையாடவுள்ளது. இதனால் இப்போட்டியில் எந்த அணி வெற்றிபெறும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன. இந்நிலையில் இப்போட்டிக்கு முன்னதாக தென் ஆப்பிரிக்க அணி இன்னடைவை சந்தித்துள்ளது. 

அதன்படி தென் ஆப்பிரிக்கா அணியின் இடது கை சுழற்பந்து வீச்சாளரும், ஜிம்பாப்வே தொடருக்கான தற்காலிக கேப்டனுமான கேஷவ் மஹாராஜ், இடுப்பு பகுதியில் ஏற்பட்ட காயம் காரணமாக இரண்டாவது மற்றும் கடைசி டெஸ்ட் போட்டியில் இருந்து விலகியதாக தென் ஆப்பிரிக்க கிரிக்கெட் வாரியம் அதிகாரப்பூர்வமாக அறிவித்துள்ளது. இதன் காரணமாக இப்போட்டியில் வியான் முல்டர் தென் ஆப்பிரிக்க அணியின் கேப்டனாக செயல்படுவார் என்றும் அறிவிக்கப்பட்டுள்ளது. 

மேற்கொண்டு கேசவ் மஹாராஜ்க்கு பதிலாக சேனுரன் முத்துசாமி அணியில் இடம்பிடிப்பார் என்றும் அறிவித்துள்ளது. இதுதவிர்த்து இந்த டெஸ்ட் அணியின் இருந்து நட்சத்திர வேகப்பந்து வீச்சாளர் லுங்கி இங்கிடியும் அணியில் இருந்து விடுவிக்கப்பட்டுள்ளார். இதன்மூலம் அணியில் இடம்பிடித்துள்ள மற்ற வேகப்பந்து வீச்சாளர்களுக்கு வாய்ப்பு வழங்கும் வகையில் இந்த முடிவு எடுக்கப்பட்டுள்ளதாக தென் ஆப்பிரிக்க கிரிக்கெட் வாரியம் அறிவித்துள்ளது. 

Also Read: LIVE Cricket Score

தென் ஆப்பிரிக்க டெஸ்ட் அணி: வியான் முல்டர் (கேப்டன்), டேவிட் பெடிங்ஹாம், மேத்யூ பிரீட்ஸ்கி, டெவால்ட் பிரீவிஸ், கார்பின் போஷ், டோனி டி ஸோர்ஸி, ஜுபைர் ஹம்சா, குவேனா மபாகா, செனுரன் முத்துசாமி, லுவான்-ட்ரே பிரிட்டோரியஸ், லெசெகோ செனோக்வானே, பிரீனெலன் சுப்ரயன், கைல் வெர்ரைன் மற்றும் கோடி யூசுப்.