அயர்லாந்து தொடருக்கான ஜிம்பாப்வே அணி அறிவிப்பு!

அயர்லாந்து அணி எதிவரும் பிப்ரவரி மாதம் ஜிம்பாப்வேவில் சுற்றுப்பயணம் மேற்கொண்டு மூன்று வடிவிலான கிரிக்கெட் தொடரிலும் விளையாடவுள்ளது. அதன்படி ஜிம்பாப்வே மற்றும் அயர்லாந்து அணிகளுக்கு இடையே ஒரு டெஸ்ட், மூன்று ஒருநாள் மற்று மூன்று டி20 போட்டிகள் நடைபெறவுள்ளன. இதில் இரு அணிகளுக்கும் இடையேயான டெஸ்ட் போட்டி பிப்ரவரி 6ஆம் தேதி நடைபெறவுள்ளது.

அதனைத்தொடர்ந்து இரு அணிகளுக்கும் இடையேயான மூன்று போட்டிகள் கொண்ட ஒருநாள் தொடர் பிப்ரவரி 14ஆம் தேதி முதலும், மூன்று போட்டிகள் கொண்ட டி20 தொடரானது பிப்ரவரி 22ஆம் தேதி முதலும் நடைபெற்வுள்ளது. இதில் இரு அணிகளுக்கும் இடையேயான டெஸ்ட் போட்டி புலவாயோவில் உள்ள குயின்ஸ் ஸ்போர்ட்ஸ் கிளப் மைதானத்தில் நடைபெறும் நிலையில், ஒருநாள் மற்றும் டி20 தொடர்கள் ஹராரேவில் நடைபெறவுள்ளது. 

ஜிம்பாப்வே தொடருக்கான அயர்லாந்து அணியை அந்நாட்டு கிரிக்கெட் வாரியம் சமீபத்தில் அறிவித்துள்ளது. இதில் டெஸ்ட் அணியின் கேப்டனாக ஆண்ட்ரூ பால்பிர்னி நியமிக்கப்பட்டுள்ள நிலையில், ஒருநாள் மற்றும் டி20 அணிகளின் கேப்டனாக பால் ஸ்டிர்லிங் தொடர்கிறார். மேற்கொண்டு இத்தொடருக்கான டெஸ்ட் மற்றும் ஒருநாள் அணியில் அறிமுக வீரர் மோர்கன் டாப்பிங் சேர்க்கப்பட்டுள்ளார். மேற்கொண்டு கவின் ஹோயும் டெஸ்டில் அறிமுகமாகவுள்ளார். 

இந்நிலையில் இத்தொடருக்கான ஜிம்பாப்வே அணியும் நேற்று அறிவிக்கப்பட்டுள்ளது. இதில் ஜிம்பாப்வே டெஸ்ட் மற்றும் ஒருநாள் அணியின் கேப்டனாக கிரேய்க் எர்வின் தொடரும் நிலையில், டி20 அணியின் கேப்டனாக சிக்கந்தர் ரஸா தொடர்கிறார். மேற்கொண்டு டெஸ்ட் அணியில் இருந்து தடிவனாஷே மருமணி, தியான் மையர்ஸ் நீக்கப்பட்டுள்ள நிலையில், வின்சென்ட் மசேகேசா, நிக்கோலஸ் வெல்ச் ஆகிய அறிமுக வீரர்கள் டெஸ்ட் அணியில் சேர்க்கப்பட்டுள்ளனர். 

அதேசமயம் டெஸ்ட் அணியில் இருந்து சிக்கந்தர் ரஸாவுக்கு ஓய்வு வழங்கப்பட்டுள்ளது. இதுதவிர்த்து ஒருநாள் அணியிலும் இரண்டு மாற்றங்கள் செய்யப்பட்டுள்ளது. அதன்படி தியான் மேயர்ஸ் மற்றும் ஜெய்லார்ட் கும்பிக்கு பதிலாக நியாஷா மாயாவோ மற்றும் வெஸ்லி மாதேவரே ஆகியோர் ஒருநாள் அணியில் சேர்க்கப்பட்டுள்ளனர். மேற்கொண்டு பென் கரண், பிரையன் பென்னெட் உள்ளிட்டோரும் தங்கள் இடங்களைத் தக்கவைத்துள்ளனர். 

அயர்லாந்து தொடருக்கான ஜிம்பாப்வே அணி

டெஸ்ட் அணி: கிரெய்க் எர்வின் (கேப்டன்), பிரையன் பென்னட், ஜோனாதன் கேம்பல், பென் கரன், ஜாய்லார்ட் கும்பி, ட்ரெவர் குவாண்டு, டகுட்ஸ்வானாஷே கைடானோ, வின்சென்ட் மசேகேசா, நியாஷா மாயாவோ, பிளெசிங் முசரபானி, ரிச்சர்ட் ந்காரவா, நியூமன் நியாம்ஹுரி, விக்டர் நியாச்சி, நிக்கோலஸ் வெல்ச், சீன் வில்லியம்ஸ்

ஒருநாள் அணி: கிரெய்க் எர்வின் (கேப்டன்), பிரையன் பென்னட், ஜோனாதன் கேம்பல், பென் கரன், ட்ரெவர் குவாண்டு, வெஸ்லி மாதேவெரே, டினோடெண்டா மபோசா, தடிவனாஷே மருமானி, வெலிங்டன் மசகாட்ஸா, நியாஷா மாயாவோ, பிளெசிங் முசரபானி, ரிச்சர்ட் ந்காரவா, நியூமன் நியாம்ஹுரி, சிக்கந்தர் ராசா, சீன் வில்லியம்ஸ்

டி20 அணி: சிக்கந்தர் ராசா (கேப்டன்), பிரையன் பென்னட், ரியான் பர்ல், ஜோனாதன் கேம்பல், ட்ரெவர் குவாண்டு, வெஸ்லி மாதேவெரே, டினோடெண்டா மபோசா, தடிவனாஷே மருமானி, வெலிங்டன் மசகாட்ஸா, நியாஷா மாயாவோ, டோனி முன்யோங்கா, தஷிங்கா முசேகிவா, பிளெசிங் முசரபானி, தியான் மேயர்ஸ், ரிச்சர்ட் ந்காரவா, நியூமன் நியாம்ஹுரி

ஜிம்பாப்வே தொடருக்கான அயர்லாந்து அணி

டெஸ்ட் அணி: ஆண்ட்ரூ பால்பிர்னி (கே), மார்க் அடேர், கர்டிஸ் கேம்பர், கவின் ஹோய், கிரஹாம் ஹியூம், மேத்யூ ஹம்ப்ரேஸ், ஆண்ட்ரூ மெக்பிரைன், பேரி மெக்கார்த்தி, பிஜே மூர், பால் ஸ்டிர்லிங், ஹாரி டெக்டர், மோர்கன் டாப்பிங், லோர்கன் டக்கர், கிரேக் யங்.

ஒருநாள் அணி: பால் ஸ்டிர்லிங் (c), மார்க் அடேர், ஆண்ட்ரூ பால்பிர்னி, கர்டிஸ் கேம்பர், ஜார்ஜ் டோக்ரெல், கவின் ஹோய், கிரஹாம் ஹியூம், மேத்யூ ஹம்ப்ரேஸ், ஜோஷுவா லிட்டில், ஆண்ட்ரூ மெக்பிரைன், பேரி மெக்கார்த்தி, ஹாரி டெக்டர், மோர்கன் டாப்பிங், லோர்கன் டக்கர், கிரேக் யங்.

Also Read: Funding To Save Test Cricket

டி20 அணி: பால் ஸ்டிர்லிங் (c), மார்க் அடேர், ரோஸ் அடேர், கர்டிஸ் கேம்பர், கரேத் டெலானி, ஜார்ஜ் டோக்ரெல், கிரஹாம் ஹியூம், மேத்யூ ஹம்ப்ரேஸ், ஜோஷ் லிட்டில், பேரி மெக்கார்த்தி, நீல் ராக், ஹாரி டெக்டர், லோர்கன் டக்கர், பென் ஒயிட்.