AFG vs IRE, 3rd ODI: குர்பாஸ், ஷாஹிதி அரைசதம்; அயர்லாந்து அணிக்கு 237 ரன்கள் இலக்கு!

அயர்லாந்து அணிக்கு எதிரான மூன்றாவது ஒருநாள் போட்டியில் முதலில் பேட்டிங் செய்த ஆஃப்கானிஸ்தான் அணி 137 ரன்களை இலக்காக நிர்ணயித்துள்ளது.

AFG vs IRE, 3rd ODI: குர்பாஸ், ஷாஹிதி அரைசதம்; அயர்லாந்து அணிக்கு 237 ரன்கள் இலக்கு! (Image Source: Google)

ஆஃப்கானிஸ்தான் - அயர்லாந்து அணிக்கு எதிரான ஒருநாள் தொடர் ஐக்கிய அரபு அமீரகத்தில் நடைபெற்று வருகிறது. இத்தொடரின் முதல் போட்டியில் ஆஃப்கானிஸ்தான் அணி வெற்றிபெற்ற நிலையில், இரண்டாவது போட்டி மழையால் முழுவதுமாக கைவிடப்பட்டது. இதனைடுத்து தொடரின் வெற்றியாளரைத் தீர்மானிக்கும் மூன்றாவது மற்றும் கடைசி ஒருநாள் போட்டி இன்று நடைபெற்றது. இப்போட்டியில் டாஸ் வென்ற அயர்லாந்து அணி முதலில் பந்துவீசுவதாக அறிவித்தது. 

அதன்படி களமிறங்கிய ஆஃப்கானிஸ்தான் அணிக்கு ரஹ்மனுல்லா குர்பாஸ் - இப்ராஹிம் ஸத்ரான் இணை தொடக்கம் கொடுத்தனர். இதில் இருவரும் சிறப்பான தொடக்கத்தைக் கொடுத்து அணிக்கு தேவையான அடித்தளத்தை அமைத்துக்கொடுத்தனர். இதில் இப்ராஹிம் ஸத்ரான் 22 ரன்களில் விக்கெட்டை இழக்க, அடுத்து காளமிறங்கிய ரஹ்மத் ஷாவும் 4 ரன்களில் தனது விக்கெட்டை இழந்து ஏமாற்றமளித்தார். 

அதேசமயம் மறுபக்கம் பொறுப்பான ஆட்டத்தை வெளிப்படுத்தி அரைசதம் கடந்திருந்த ரஹ்மனுல்லா குர்பாஸ் 7 பவுண்டரி, ஒரு சிக்சர் என 51 ரன்கள் எடுத்த நிலையில் விக்கெட்டை இழந்தார். பின்னர் ஜோடி சேர்ந்த கேப்டன் ஹஸ்மதுல்லா ஷாஹிதி - முகமது நபி இணை பொறுப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். இருவரும் இணைந்து 97 ரன்கள் பார்ட்னர்ஷிப் அமைத்தனர். 

இதில் ஷாஹிதி தனது அரைசதத்தைப் பதிவுசெய்ய, மறுபக்கம் அரைசதம் அடிப்பார் என எதிர்பார்க்கப்பட்ட முகமது நபி 48 ரன்கள் எடுத்திருந்த நிலையில் விக்கெட்டை இழந்து அரைசதம் அடிக்கும் வாய்ப்பை தவறவிட்டார். அதனைத்தொடர்ந்து களமிறங்கிய இக்ரம் அலிகில் 2 ரன்களோடு பெவிலியன் திரும்ப, நிதான ஆட்டத்தை வெளிப்படுத்தி வந்த கேப்டன் ஹஸ்மதுல்லா ஷாஹிதி 69 ரன்களில் தனது விக்கெட்டை இழந்தார். 

அதனைத்தொடர்ந்து களமிறங்கிய வீரர்களும் அடுத்தடுத்து சொற்ப ரன்களில் தங்களது விக்கெட்டுகளை இழந்து பெவிலியனுக்கு நடையைக் கட்டினர். இதன்மூலம் ஆஃப்கானிஸ்தான் அணி 50 ஓவர்கள் முடிவில் 9 விக்கெட்டுகள் இழப்பிற்கு 236 ரன்களைச் சேர்த்துள்ளது.  அயர்லாந்து அணி தரப்பில் மார்க் அதிர் 3 விக்கெட்டுகளையும், பேரி மெக்கர்த்தி 2 விக்கெட்டுகளை கைப்பற்றினார். 

Win Big, Make Your Cricket Tales Now