WTC 2023: அஸ்வினுக்கு இந்திய அணியில் இடம் கிடைக்காது - டேனியல் வெட்டோரி!
இந்திய அணியின் டீம் காம்பினேஷன் என்கின்ற விஷயத்தில் அஸ்வினுக்கு உலக டெஸ்ட் சாம்பியன்ஷிப் இறுதிப்போட்டியில் விளையாடும் அணியில் இடம் கிடைக்காது என்று டேனியல் வெட்டோரி தெரிவித்துள்ளார்.
ஐபிஎல் தொடரை முடித்துக் கொண்டு இந்திய வீரர்கள் உலக டெஸ்ட் சாம்பியன்ஷிப் இறுதிப்போட்டியில் ஆஸ்திரேலியா அணியை எதிர்த்து விளையாடுவதற்காக இங்கிலாந்துக்குப் பயணப்பட்டு இருக்கிறார்கள். இரண்டாவது உலக டெஸ்ட் சாம்பியன்ஷிப் தொடரின் இறுதிப்போட்டி வருகின்ற ஏழாம் தேதி இங்கிலாந்து லண்டன் ஓவல் மைதானத்தில் நடைபெற இருக்கிறது. இதற்காக அறிவிக்கப்பட்டுள்ள இரண்டு அணி வீரர்களும் தற்பொழுது இங்கிலாந்தில் முகாமிட்டு தங்களது பயிற்சிகளை மேற்கொண்டு வருகிறார்கள்.
ஐபிஎல் தொடரை முடித்துக் கொண்டு இந்திய அணி வீரர்கள் தாமதமாகச் சென்று இருந்தார்கள். ஆனால் ஐபிஎல் தொடரில் இடம் பெறாத ஆஸ்திரேலியா டெஸ்ட் அணியின் வீரர்கள் முன்கூட்டியே இங்கிலாந்து சென்று விட்டனர். மேலும் அவர்களுக்கு இந்தப் போட்டி முடிவடைந்ததும் மிக முக்கியமாக ஆசஸ் கிரிக்கெட் தொடர் அங்கு நடக்க இருக்கிறது. மேலும் ஸ்மித், லபுசேன் போன்ற ஆஸ்திரேலிய வீரர்கள் இங்கிலாந்து கவுண்டி போட்டிகளில் பயிற்சிக்காக விளையாடுகிறார்கள்.
Trending
தற்பொழுது உலக டெஸ்ட் சாம்பியன்ஷிப் இறுதிப்போட்டிக்கான இந்திய அணியில் யார் யார் இடம் பெறுவார்கள்? என்பது குறித்து ஆஸ்திரேலிய அணியின் பயிற்சியாளர் டேனியல் வெட்டேரி மிக முக்கியமான கருத்துகளைத் தெரிவித்து இருக்கிறார். மிகக்குறிப்பாக சமீபத்தில் பார்டர் கவாஸ்கர் டெஸ்ட் தொடரில் இந்தியாவில் ஆஸ்திரேலியா அணியை மிகவும் சிரமப்படுத்திய ரவிச்சந்திரன் அஸ்வின், ரவீந்திர ஜடேஜா கூட்டணியைப் பற்றி பேசியிருக்கிறார். இவர்கள் இருவரும் 25 மற்றும் 22 என மொத்தம் 47 விக்கெட்டுகளை வீழ்த்தி அசத்தினார்கள் என்பது குறிப்பிடத்தக்கது.
ஆஸ்திரேலியா பயிற்சியாளர் டேனியல் வெட்டேரி பேசும் பொழுது “இந்திய அணியில் யார் யார் இடம் பெறுவார்கள்? ஜடேஜா, அஸ்வின் இருவரும் இடம் பெறுவார்களா? என்று நாங்கள் விவாதித்து வருகிறோம். ஜடேஜா டேபிளுக்கு கொண்டு வரும் அவரது பேட்டிங் திறமை காரணமாக அவர் ஆறாவது இடத்தில் அணியில் இடம் பெறுவார். அப்படியானால் தற்போதைய கேள்வி நான்காவது வேகப்பந்துவீச்சாளர் சர்துல் தாக்கூர் மற்றும் சுழற் பந்துவீச்சு ஆல்ரவுண்டர் அஸ்வினைப் பற்றியதாக இருக்கும்.
இவர்கள் இருவருமே நல்ல தேர்வுகள். அஸ்வின் ஒரு நம்ப முடியாத அசாத்திய திறமை கொண்ட வீரர். அவர் பெரும்பாலான அணிகளில் முதல் தேர்வாக இருப்பார். ஆனால் இந்திய அணியின் டீம் காம்பினேஷன் என்கின்ற விஷயத்தில் அஸ்வினுக்கு உலக டெஸ்ட் சாம்பியன்ஷிப் இறுதிப்போட்டியில் விளையாடும் அணியில் இடம் கிடைக்காது” என்று தெரிவித்துள்ளார்.
Win Big, Make Your Cricket Tales Now
