வெஸ்ட் இண்டீஸ் தொடருக்கான பாகிஸ்தான் ஒருநாள், டி20 அணிகள் அறிவிப்பு!

வெஸ்ட் இண்டீஸ் தொடருக்கான பாகிஸ்தான் டி20 அணியின் கேப்டனாக சலமான் ஆகாவும், ஒருநாள் அணியின் கேப்டனாக முகமது ரிஸ்வானும் நியமிக்கப்பட்டுள்ளனர்.

வெஸ்ட் இண்டீஸ் தொடருக்கான பாகிஸ்தான் ஒருநாள், டி20 அணிகள் அறிவிப்பு! (Image Source: Google)

By Bharathi Kannan
Jul 25, 2025 • 06:06 PM

Pakistan Cricket Board: வெஸ்ட் இண்டீஸுக்கு எதிரான டி20 மற்றும் ஒருநாள் தொடர்களுக்கான பாகிஸ்தான் அணி அறிவிக்கப்பட்டுள்ள நிலையில், டி20 அணியில் இருந்து பாபர் ஆசாம் மற்றும் முகமது ரிஸ்வான் ஆகியோர் மீண்டும் புறக்கணிக்கப்பட்டுள்ளனர்.

By Bharathi Kannan
July 25, 2025 • 06:06 PM

பாகிஸ்தான் அணி சமீபத்தில் வங்கதேசத்தில் சுற்றுப்பயணம் செய்து மூன்று போட்டிகள் கொண்ட டி20 தொடரில் விளையாடியது. தொடரின் முடிவில் பாகிஸ்தான் அணி 1-2 என்ற கணக்கில் அதிர்ச்சி தோல்வியைத் தழுவியதுடன் தொடரையும் இழந்தது. இதனையடுத்து பாகிஸ்தான் அணி வெஸ்ட் இண்டீஸில் சுற்றுப்பயணம் செய்து மூன்று போட்டிகள் கொண்ட ஒருநாள் மற்றும் டி20 தொடர்களில் விளையாடவுள்ளது. இதில் டி20 போட்டிகள் அனைத்து ஃபுளோரிடாவில் நடைபெறவுள்ளது.

அதன்படி இரு அணிகளுக்கும் இடையேயான டி20 தொடர் ஆகஸ்ட் ஒன்றாம் தேதி முதலும், ஒருநாள் தொடர் ஆகஸ்ட் 8ஆம் தேதி முதலும் நடைபெறவுள்ளது. இந்நிலையில் இத்தொடர்களுக்கான பாகிஸ்தான் ஒருநாள் மற்றும் டி20 அணிகள் இன்று அறிவிக்கப்பட்டுள்ளது. இதில் ஒருநாள் அணியின் கேப்டனாக முகமது ரிஸ்வான் தொடரும் நிலையில், டி20 அணியின் கேப்டனாக சல்மான் ஆகா நீடிப்பார் என்று அறிவிக்கப்பட்டுள்ளது.

மேற்கொண்டு கடந்த சில மாதங்களாக பாகிஸ்தான் டி20 அணியில் இடம்பிடிக்காமல் இருந்த ஷாஹீன் அஃப்ரி, ஹாரிஸ் ராவுஃப் மற்றும் ஹசன் அலி ஆகியோருக்கு வாய்ப்பு கிடைத்திருக்கும் நிலையில், முகமது ரிஸ்வான் மற்றும் பாபர் ஆசாம் ஆகியோர் மீண்டும் டி20 அணியில் இருந்து நீக்கப்பட்டுள்ளனர். மேற்கொண்டு வங்கதேச தொடரில் சிறப்பாக செயல்பட்டிருந்த ஃபஹீம் அஷ்ரஃப் தனது இடத்தை தக்கவைத்துள்ள நிலையில், சல்மா மிர்ஸா அணியில் இருந்து நீக்கப்பட்டுள்ளது குறிப்பிடத்தக்கது.

பாகிஸ்தான் டி20 அணி: சல்மான் அலி ஆகா (கேப்டன்), அப்ரார் அகமது, ஃபஹீம் அஷ்ரஃப், ஃபகர் ஸமான், ஹாரிஸ் ராவுஃப், ஹசன் அலி, ஹசன் நவாஸ், ஹுசைன் தலாத், குஷ்தில் ஷா, முகமது ஹாரிஸ், முகமது நவாஸ், சாஹிப்சாதா ஃபர்ஹான், சைம் அயூப், ஷஹீன் ஷா அஃப்ரிடி மற்றும் சுஃபியான் முகீம்

பாகிஸ்தான் ஒருநாள் அணி: முகமது ரிஸ்வான் (கேப்டன்), சல்மான் அலி ஆகா, அப்துல்லா ஷபீக், அப்ரார் அகமது, பாபர் ஆசாம், ஃபஹீம் அஷ்ரஃப், ஃபகார் ஸமான், ஹசன் அலி, ஹசன் நவாஸ், ஹுசைன் தலாத், முகமது ஹாரிஸ், முகமது நவாஸ், நசீம் ஷா, சைம் அயூப், ஷஹீன் ஷா அஃப்ரிடி மற்றும் சுஃபியான் முகிம்