BAN vs ZIM, 5th T20I: ரஸா, பென்னட் அதிரடியில் வங்கதேசத்தை வீழ்த்தி ஆறுதல் வெற்றிபெற்றது ஜிம்பாப்வே!
வங்கதேச அணிக்கு எதிரான 5ஆவது லீக் போட்டியில் ஜிம்பாப்வே அணி 8 விக்கெட் வித்தியாசத்தில் வெற்றிபெற்று ஆறுதல் வெற்றியைப் பதிவுசெய்து அசத்தியது.
வாங்கதேசத்தில் சுற்றுப்பயணம் மேற்கொண்டிருந்த ஜிம்பாப்வே அணி 5 போட்டிகள் கொண்ட டி20 தொடரில் விளையாடியது. இத்தொடரில் நடைபெற்று முடிந்த நான்கு போட்டிகளிலும் வங்கதேச அணி வெற்றிபெற்று 4-0 என்ற கணக்கில் தொடரை கைப்பற்றியது. இந்நிலையில் இரு அணிகளுக்கும் இடையேயான கடைசி மற்றும் 5ஆவது டி20 போட்டி இன்று தாக்காவில் நடைபெற்றது. இப்போட்டியில் டாஸ் வென்ற ஜிம்பாப்வே அணி முதலில் பந்துவீசுவதாக அறிவித்தது.
இதையடுத்து களமிறங்கிய வங்கதேச அணிக்கு எதிர்பார்த்த தொடக்கம் கிடைக்கவில்லை. அணியின் தொடக்க வீரர்கள் தன்ஸித் ஹசன் 2, சௌமீயா சர்க்கார் 7, தாவ்ஹித் ஹிரிடோய் ஒரு ரன்னிலும் என அடுத்தடுத்து விக்கெட்டுகளை கைப்பற்றினர். இதையடுத்து இணைந்த கேப்டன் நஜ்முல் ஹொசைன் சாண்டோ - மஹ்முதுல்லா இணை சிறப்பான ஆட்டத்தை வெளிப்படுத்தி அணியின் விக்கெட் இழப்பை தடுத்ததுடன், ஸ்கோரையும் உயர்த்தினர்.
Trending
இதில் நஹ்முல் ஹொசைன் சாண்டோ 36 ரன்களில் ஆட்டமிழந்தாலும், மறுபக்கம் இருந்த மஹ்முதுல்லா தனது அரைசதத்தைப் பதிவுசெய்தார். அதன்பின் ஷாகிப் அல் ஹசன் 21 ரன்களுக்கும், மஹ்முதுல்லா 54 ரன்களுக்கும் விக்கெட்டை இழக்க, வங்கதேச அணி 20 ஓவர்கள் முடிவில் 6 விக்கெட் இழப்பிற்கு 157 ரன்களைச் சேர்த்தது. ஜிம்பாப்வே அணி தரப்பில் பிளெஸிங் முசரபானி மற்றும் பிரையன் பென்னட் ஆகியோர் தலா 2 விக்கெட்டுகளை கைப்பற்றினர்.
இதையடுத்து இலக்கை நோக்கி விளையாடிய ஜிம்பாப்வே அணியின் தொடக்க வீரர் மருமணி ஒரு ரன்னில் ஆட்டமிழந்து ஏமாற்றமளித்தார். பின்னர் மற்றொரு தொடக்க வீரரான பிரையன் பென்னட்டுடன் இணைந்த கேப்டன் சிக்கந்தர் ரஸா தொடக்கம் முதலே அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினார். இப்போட்டியில் அபார ஆட்டத்தை வெளிப்படுத்தி வந்த இருவரும் இணைந்து இரண்டாவது விக்கெட்டிற்கு 70 ரன்களுக்கு மேல் பார்ட்னர்ஷிப் அமைத்தனர்.
இதில் சிறப்பாக விளையாடி வந்த பென்னட் முதலில் தனது அரைசதத்தைப் பதிவுசெய்து அசத்தினார். அதன்பின் தொடர்ந்து அதிரடி காட்டிய பிரையன் பென்னெட் 5 பவுண்டரிகள், 5 சிக்ஸர்கள் என 70 ரன்களைச் சேர்த்து விக்கெட்டை இழந்தார். பின்னர் தனது அதிரடியைக் காட்டிய சிக்கந்தர் ரஸா அடுத்தடுத்து பவுண்டரியும், சிக்ஸர்களையும் விளாசியதுடன் தனது அரைசதத்தைப் பதிவுசெய்து அணியின் வெற்றியை உறுதிசெய்தார்.
இப்போட்டியில் இறுதிவரை விக்கெட்டை இழக்காமல் இருந்த சிக்கந்தர் ரஸா 6 பவுண்டரிகள், 4 சிக்ஸர்கள் என 72 ரன்களைச் சேர்த்து அணிக்கு வெற்றியைத் தேடிக்கொடுத்தார். இதன்மூலம் ஜிம்பாப்வே அணி 18.3 ஓவர்களில் இலக்கை எட்டியதுடன் 8 விக்கெட் வித்தியாசத்தில் வங்கதேச அணியை வீழ்த்தி அபார வெற்றியைப் பதிவுசெய்து அசத்தியது. இப்போட்டியில் அதிரடியாக விளையாடிய பிரையன் பென்னெட் ஆட்டநாயகன் விருதை வென்றார்.
Win Big, Make Your Cricket Tales Now
