விராட் கோலிக்கு நாங்கள் தேவையில்லை, ஆனால் எங்களுக்கு அவர் தேவை - ஜஸ்பிரித் பும்ரா!
விராட் கோலிக்கு நாங்கள் தேவையில்லை, ஆனால் எங்களுக்கு அவர் தேவை. ஏனெனில் அவர் மிகவும் அனுபவம் வாய்ந்த வீரர் என்று இந்திய அணி கேப்டன் ஜஸ்பிரித் பும்ரா தெரிவித்துள்ளார்.
பின்னர் பந்துவீச்சில் சிறப்பாக செயல்பட்ட இந்திய அணி, ஆஸ்திரேலியாவை அதன் முதல் இன்னிங்ஸில் 104 ரன்களில் சுருட்டி 46 ரன்கள் முன்னிலையும் பெற்றது. அதன்பின் இரண்டாவது இன்னிங்ஸைத் தொடர்ந்த இந்திய அணியில் யஷஸ்வி ஜெய்ஸ்வால் மற்றும் விராட் கோலி ஆகியோர் சதமடித்து அசத்தினர். இதில் யஷஸ்வி ஜெய்ஸ்வால் 161 ரன்களில் ஆட்டமிழக்க, இறுதிவரை ஆட்டமிழக்காமல் இருந்த விராட் கோலி 100 ரன்களுடன் களத்தில் இருந்தார்.
Trending
இதனால் ஆஸ்திரேலிய அணிக்கு 534 ரன்கள் இலக்காக நிர்ணயிக்கப்பட்டது. இதனையடுத்து இலக்கை நோக்கி களமிறங்கிய ஆஸ்திரேலிய அணியின் டாப் ஆர்டர் வீரர்கள் நாதன் மெக்ஸ்வீனி, உஸ்மான் கவாஜா, பாட் கம்மின்ஸ், மார்னஸ் லபுஷாக்னே, ஸ்டீவ் ஸ்மித் என அடுத்தடுத்து விக்கெட்டுகளை இழந்தனர்.பின்னர் இணைந்த டிராவிஸ் ஹெட் - மிட்செல் மார்ஷ் இணை அதிரடியாக விளையாடி அணியின் ஸ்கோரை மளமளவென உயர்த்தினர்.
இதில் அதிரடியாக விளையாடி அரைசதம் கடந்திருந்த டிராவிஸ் ஹெட் சதத்தை நெருங்கிய நிலையில் 89 ரன்களுக்கு ஆட்டமிழக்க, மிட்செல் மார்ஷ் 47 ரன்களுக்கும், அலெக்ஸ் கேரி 36 ரன்களுக்கும் என விக்கெட்டுகளை இழந்தனர். இதனால் ஆஸ்திரேலிய அணி இரண்டாவது இன்னிங்ஸில் 238 ரன்களை மட்டுமே எடுத்து அனைத்து விக்கெட்டுகளையும் இழந்தது. இதன்மூலம் இந்திய அணி 295 ரன்கள் வித்தியாசத்தில் வெற்றிபெற்று அசத்தியுள்ளது.
இந்நிலையில் இப்போட்டியின் வெற்றிக்கு பிறகு பேசிய இந்திய அணி கேப்டன் ஜஸ்பிரித் பும்ரா, “இதை நான் முன்பே கூறியுள்ளேன், விராட் கோலிக்கு நாங்கள் தேவையில்லை, ஆனால் எங்களுக்கு அவர் தேவை. ஏனெனில் அவர் மிகவும் அனுபவம் வாய்ந்த வீரர். இது ஆஸ்திரேலியாவில் அவரது நான்காவது அல்லது ஐந்தாவது சுற்றுப்பயணம். அதனால் அவர் தனது கிரிக்கெட்டை மற்றவர்களை விட நன்கு அறிந்தவர். மேலும் இப்போட்டியிலும் அவர் சிறப்பாக செயல்பட்டதுடன, மனதளவிலும் மாற்றத்தை சந்தித்துள்ளார்.
சில சமயங்களில் உங்களுக்கு இவ்வளவு நீண்ட வாழ்க்கை இருக்கும் போது, நீங்கள் கடினமான சூழ்நிலையில் பேட்டிங் செய்கிறீர்கள், மேலும் அவர் நீண்ட நேரம் கடினமான சூழ்நிலைகளில் பேட்டிங் செய்துள்ளார், ஆனால் ஒவ்வொரு போட்டியிலும் அதை எப்போதும் செய்வது கடினம். மேலும் இப்போட்டியின் முதல் இன்னிங்ஸில் அவர் ஒரு நல்ல பந்திற்கு ஆட்டமிழந்தாலும், இரண்டாவது இன்னிங்ஸில் சிறப்பாக விளையாடி தனது சதத்தையும் பதிவுசெய்தார்.
Also Read: Funding To Save Test Cricket
மேலும் அந்த சமயத்தில் எங்களுக்கு அனுபவம் வாய்ந்த பேட்டர் தேவைப்பட்டது. அதற்கேற்றவாறு அவரும் நன்றாக விளையாடினார், மேலும் அவருடன் இணைந்து விளையாடிய வீரர்களும் சிறப்பாக விளையாடி அணியின் வெற்றிக்கு உதவினர். எனவே வெளிப்படையாக கூற வேண்டும் எனில் டெஸ்ட் தொடரின் தொடக்கத்திலேயே அவர் நம்பிக்கையை கொடுக்கும் போது, அதற்கு மேல் அவரிடம் உங்களால் எதையும் கேட்க முடியாது” என தெரிவித்துள்ளார்.
Win Big, Make Your Cricket Tales Now
