என் மகனுக்கு விராட் கோலியைப் பார்த்து செயல்படுமாறு ஆலோசனை கொடுப்பேன் - பிரையன் லாரா!
தம்முடைய மகன் ஏதேனும் ஒரு வகையான விளையாட்டில் விளையாடுவதற்கு விரும்பினால் அவருக்கு விராட் கோலியை பார்த்து அர்ப்பணிப்புடன் செயல்படுமாறு ஆலோசனை கொடுப்பேன் என்று வெஸ்ட் இண்டீஸ் ஜாம்பவான் பிரைன் லாரா தெரிவித்துள்ளார்.
இந்திய அணியின் நட்சத்திர கிரிக்கெட் வீரர் விராட் கோலி கடந்த 15 வருடங்களுக்கும் மேலாக மிகச் சிறப்பான செயல்பாடுகளை வெளிப்படுத்தி இந்தியாவுக்கு நிறைய வெற்றிகளை பெற்றுக் கொடுத்து வருகிறார். தனது ஆரம்பகாலம் முதலே 3 வகையான கிரிக்கெட்டிலும் தொடர்ந்து கிட்டத்தட்ட 50க்கும் மேற்பட்ட பேட்டிங் சராசரியில் விளையாடி வருவதே விராட் கோலியின் ஸ்பெஷலாகும்.
மேலும் சச்சின் ஓய்வு பெற்ற பின் அவரைப் போலவே ரன் மெஷினாக உலகின் அனைத்து டாப் பவுலர்களையும் மிகச் சிறப்பாக எதிர்கொண்டு வரும் விராட் கோலி 26,000க்கும் மேற்பட்ட ரன்களை குவித்து இந்தியாவின் நம்பிக்கை நட்சத்திரமாக செயல்பட்டு வருகிறார். அந்த வரிசையில் 2023 உலகக் கோப்பையில் 765 ரன்கள் குவித்த அவர் ஒரு உலகக் கோப்பையில் அதிக ரன்கள் அடித்த வீரர் என்ற சச்சினின் ஆல் டைம் சாதனையை உடைத்தார்
Trending
அத்துடன் ஒருநாள் கிரிக்கெட்டில் சச்சினை முந்தி 50 சதங்கள் எடுத்த முதல் வீரர் என்ற மாபெரும் உலக சாதனையும் படைத்த அவர் தற்சமயத்தில் உலக கிரிக்கெட்டின் சூப்பர் ஸ்டாராக ஜொலித்து வருகிறார். அது போக தம்முடைய உணவு பழக்கங்கள் மற்றும் வாழ்க்கை முறைகளை மாற்றி ஃபிட்டாக இருக்கும் அவர் உலக கிரிக்கெட்டில் ஃபிட்னஸ் எனும் வார்த்தைக்கு எடுத்துக்காட்டாக செயல்பட்டு வருகிறார்.
இந்நிலையில் தம்முடைய மகன் ஏதேனும் ஒரு வகையான விளையாட்டில் விளையாடுவதற்கு விரும்பினால் அவருக்கு விராட் கோலியை பார்த்து அர்ப்பணிப்புடன் செயல்படுமாறு ஆலோசனை கொடுப்பேன் என்று வெஸ்ட் இண்டீஸ் ஜாம்பவான் பிரைன் லாரா வெளிப்படையாக தெரிவித்துள்ளார்.
இதுகுறித்து பேசிய அவர், “எனக்கு ஒரு மகன் இருக்கிறார். என் மகன் ஏதேனும் விளையாட்டில் விளையாட வேண்டும் என்றால் நான் விராட் கோலியின் அர்பணிப்பை பார்த்து விளையாடு என்று அவரிடம் சொல்வேன். குறிப்பாக அர்ப்பணிப்புடன் உன்னுடைய பலத்தை மட்டும் சேர்க்காமல் நம்பர் ஒன் விளையாட்டு வீரராக ஆவதற்கு தேவையான அனைத்தையும் செய் என்று சொல்வேன்” என கூறியுள்ளார்.
அத்துடன் 2023 உலகக் கோப்பையை வெல்லாவிட்டாலும் மிகச் சிறப்பாக விளையாடிய விராட் கோலி ஜாம்பவான் சச்சின் டெண்டுல்கர் பாதையில் நடந்து வருவதாகவும் பிரைன் லாரா பாராட்டினார். இந்த நிலைமையில் ஆஸ்திரேலிய டி20 தொடரில் விளையாடாத விராட் கோலி அடுத்ததாக தென் ஆப்பிரிக்கா சுற்றுப்பயணத்தில் ஒருநாள் மற்றும் டி20 தொடரிலும் ஓய்வெடுத்து கடைசியாக நடைபெறும் டெஸ்ட் தொடரில் களமிறங்க உள்ளது குறிப்பிடத்தக்கது.
Win Big, Make Your Cricket Tales Now
