ஐசிசி டெஸ்ட் தரவரிசை: முதலிடத்தைப் பிடித்த ஜஸ்பிரித் பும்ரா; ஜெய்ஸ்வால், கோலி முன்னேற்றம்!
ஐசிசி டெஸ்ட் பந்துவீச்சாளர்களுக்கான தரவரிசைப் பட்டியலில் இந்திய வேகப்பந்து வீச்சாளர் ஜஸ்பிரித் பும்ரா மீண்டும் முதலிடம் பிடித்து அசத்தியுள்ளார்.
பின்னர் பந்துவீச்சில் சிறப்பாக செயல்பட்ட இந்திய அணி, ஆஸ்திரேலியாவை அதன் முதல் இன்னிங்ஸில் 104 ரன்களில் சுருட்ட, அடுத்த இன்னிங்சில் அபாரமாக செயல்பட்ட இந்திய அணி 487 ரன்களை குவித்து அசத்தியது. இதில் யஷஸ்வி ஜெய்ஸ்வால் 161 ரன்களையும், விராட் கோலி 100 ரன்களையும் சேர்த்தனர். இதனால் ஆஸ்திரேலிய அணிக்கு 534 ரன்கள் இலக்காக நிர்ணயிக்கப்பட்டது. ஆனால் இலக்கை நோக்கி விளையாடிய ஆஸ்திரேலிய அணி வீரர்கள் அடுத்தடுத்து விக்கெட்டுகளை இழந்தனர்.
Trending
இருப்பினும் கடினமாக போராடிய டிராவிஸ் ஹெட் 89 ரன்களையும், மிட்செல் மார்ஷ் 47 ரன்களையும் சேர்த்ததை தவிர்த்து மற்ற வீரர்கள் சொதப்பினர். இதனால் ஆஸ்திரேலிய அணி இரண்டாவது இன்னிங்ஸில் 238 ரன்களை மட்டுமே எடுத்து அனைத்து விக்கெட்டுகளையும் இழந்தது. இதன்மூலம் இந்திய அணி 295 ரன்கள் வித்தியாசத்தில் ஆஸ்திரேஒலிய அணியை வீழ்த்தி வெற்றிபெற்றதுடன், 5 போட்டிகள் கொண்ட டெஸ்ட் தொடரிலும் 1-0 என்ற கணக்கில் முன்னிலைப் பெற்றுள்ளது.
இந்நிலையில் சர்வதேச கிரிக்கெட் மைதானம் டெஸ்ட் வீரர்களுக்கான தரவரிசைப் பட்டியலை இன்று வெளியிட்டுள்ளது. இதில் பேட்டர்களுக்கான தரவரிசையில் இங்கிலாந்து அணியின் ஜோ ரூட் முதலிடத்தில் தொடரும் நிலையில், ஆஸ்திரேலிய அணிக்கு எதிரான முதல் டெஸ்ட் போட்டியில் சதமடித்து அசத்திய யஷஸ்வி ஜெய்ஸ்வால் இரண்டு இடங்கள் முன்னேறி பேட்டர்களுக்கான தரவரிசைப் பட்டியலில் இரண்டாம் இடத்திற்கு முன்னேறியுள்ளார்.
அதேசமயம் நியூசிலாந்தின் கேன் வில்லியம்சன், இங்கிலாந்தின் ஹரி புரூக் ஆகியோர் தலா ஒரு இடம் பிந்தகியுள்ள நிலையில், டேரில் மிட்செல் 5ஆவது இடத்திலும் ரிஷப் பந்த் 6ஆம் இடத்திலும் தொடர்கின்றனர். இதுதவிர்த்து ஆஸ்திரேலிய அணிக்கு எதிரான முதல் டெஸ்ட் போட்டியில் சதமடித்து அசத்திய விராட் கோலி 9 இடங்கள் முன்னேறி இப்பட்டியலின் 13ஆம் இடத்திற்கு முன்னேறியுள்ளார் என்பது குறிப்பிடத்தக்கது.
World's No.1 Bowler and World's No.2 Batter #Cricket #India #AUSvIND #JaspritBumrah #YashasviJaiswal pic.twitter.com/enNTLmK1Ir
— CRICKETNMORE (@cricketnmore) November 27, 2024
அதேசமயம் பந்துவீச்சாளர்களுக்கான தரவரிசைப் பட்டியலில் இந்திய அணி வீரர் ஜஸ்பிரித் பும்ரா மீண்டும் முதலிடத்தைப் பிடித்துள்ளார். முன்னதாக முதலிடத்தில் இருந்த தென் ஆப்பிரிக்க அணி வேகப்பந்து வீச்சாளர் காகிசோ ரபாடா ஒரு இடம் பின் தங்கி இரண்டாம் இடத்தையும், ஆஸ்திரேலியாவின் ஜோஷ் ஹேசில்வுட் 3ஆம் இடத்தையும் பிடித்துள்ளனர். இந்திய வீரர்கள் ரவிச்சந்திரன் அஸ்வின் 4ஆம் இடத்திலும், ரவீந்திர ஜடேஜா 7ஆம் இடத்தையும் பிடித்துள்ளனர்.
Also Read: Funding To Save Test Cricket
மேற்கொண்டு ஆல் ரவுண்டர்களுக்கான தரவரிசைப் பட்டியலில் இந்திய அணியின் ரவீந்திர ஜடேஜா மற்றும் ரவிச்சந்திரன் அஸ்வின் ஆகியோர் முதலிரண்டு இடங்களில் தொடர்கின்றனர். இதுதவிர்த்து வங்கதேச அணியின் ஷாகிப் அல் ஹசன் மூன்றாம் இடத்திலும், மெஹிதி ஹசன் மூன்று இடங்கள் முன்னேறி 4ஆம் இடத்தையும் பிடித்துள்ள நிலையில், இந்திய அணியின் அக்ஸர் படேல் ஒரு இடம் முன்னேறி 7ஆம் இடத்தைப் பிடித்துள்ளார் என்பது குறிப்பிடத்தக்கது,
Win Big, Make Your Cricket Tales Now
