இந்திய அணிக்கு திரும்பினார் பும்ரா; இலங்கை தொடரில் இடம்!
இலங்கைக்கு எதிரான ஒருநாள் தொடருக்கான இந்திய கிரிக்கெட் அணியில் வேகப்பந்து வீச்சாளர் பும்ரா சேர்க்கப்பட்டுள்ளார். இதை இந்திய கிரிக்கெட் வாரியத்தின் சீனியர் தேர்வு கமிட்டிக் குழு அறிவித்துள்ளது.
இலங்கை அணி இந்தியாவில் சுற்றுப்பயணம் மேற்கொண்டு 3 டி20 போட்டிகள் கொண்ட தொடரிலும், 3 ஒரு நாள் போட்டிகள் கொண்ட தொடரிலும் பங்கேற்கிறது. டி20 தொடருக்கான இந்திய அணிக்கு ஹர்திக் பாண்டியா கேப்டனாகவும், சூர்யகுமார் யாதவ் துணை கேப்டனாகவும் நியமிக்கப்பட்டுள்ளனர். டி20 தொடரில் விராட் கோலி, ரோஹித் சர்மா, கே எல் ராகுல் ஆகியோருக்கு ஓய்வு அளிக்கப்பட்டுள்ளது. இதே போன்று இலங்கை அணிக்கு எதிரான 3 ஒரு நாள் போட்டிகள் கொண்ட தொடருக்கு ரோஹித் சர்மா கேப்டனாகவும், ஹர்திக் பாண்டியா துணை கேப்டனாகவும் நியமிக்கப்பட்டுள்ளனர்.
ஒரு நாள் போட்டியில் ரோஹித் சர்மா, கேஎல் ராகுல் மற்றும் விராட் கோலி ஆகியோர் இடம் பெற்றுள்ளனர். ஆனால், டி20 தொடரிலும், ஒரு நாள் தொடரிலும் ரிஷப் பண்ட் மற்றும் ஷிகர் தவான் ஆகியோர் இடம் பெறவில்லை. இந்தியா மற்றும் இலங்கை அணிகளுக்கு இடையிலான முதல் டி20 போட்டி மும்பை மைதானத்தில் இன்று இரவு 7 மணிக்கு நடக்கிறது. இதைத் தொடர்ந்து புனே மைதானத்தில் 5ஆம் தேதி 2ஆவது டி20 போட்டி நடக்கிறது. 7 ஆம் தேதி ராஜ்கோட் மைதானத்தில் 3ஆவது மற்றும் கடைசி டி20 போட்டி நடக்கிறது.
Trending
இதைத் தொடர்ந்து இரு அணிகளுக்கு இடையிலான 3 ஒரு நாள் போட்டிகள் கொண்ட தொடரின் முதல் போட்டி வரும் 10 ஆம் தேதி கவுகாத்தியில் நடக்கிறது. 2ஆவது ஒரு நாள் போட்டி 12 ஆம் தேதி கொல்கத்தா மைதானத்தில் நடக்கிறது. 3ஆவது மற்றும் கடைசி ஒரு நாள் போட்டி வரும் 15 ஆம் தேதி திருவனந்தபுரம் மைதானத்தில் நடக்கிறது. கடந்த செப்டம்பர் மாதம் காயத்திலிருந்து மீண்டு வந்த பும்ரா, ஆஸ்திரேலிய தொடரில் ஒரு போட்டியில் விளையாடிய போது மீண்டும் காயம் ஏற்பட அவர் ஓய்வில் இருந்தார்.
ஆஸ்திரேலியாவில் நடந்த டி20 உலகக் கோப்பையிலும் அவர் விளையாடவில்லை. பெங்களூருவிலுள்ள என் சி ஏவில் சிகிச்சை எடுத்து வந்த பும்ரா தற்போது முழு உடல் தகுதியோடு இருக்கிறார் என்று அறிக்கை வெளியானதைத் தொடர்ந்து அதிரடியாக இலங்கை அணிக்கு எதிராக 3 ஒரு நாள் போட்டிகள் கொண்ட தொடரில் இடம் பெற்றுள்ளார்.
ஆனால், இலங்கை தொடருக்கு எதிராக இந்திய அணி அறிவிக்கப்படும் போது அவரது பெயர் இடம் பெறவில்லை. ஆனால், இந்தியா வரும் ஆஸ்திரேலியா அணிக்கு எதிராக அவர் விளையாடுவார் என்று செய்தி வெளியானது. இப்போது அதிரடியாக அவர் இலங்கை அணிக்கு எதிரான கடைசி ஒரு நாள் போட்டியில் அணியில் சேர்க்கப்பட்டுள்ளார்.
இந்திய ஒருநாள் அணி: ரோஹித் சர்மா (கேப்டன்), ஷுப்மன் கில், விராட் கோலி, சூர்யகுமார் யாதவ், ஸ்ரேயஸ் ஐயர், கேஎல் ராகுல், இஷான் கிஷன், ஹர்திக் பாண்டியா, வாஷிங்டன் சுந்தர், சஹல், குல்தீப் யாதவ், அக்சர் படேல், ஜஸ்பிரித் பும்ரா , முகமது ஷமி, முகமது சிராஜ், உம்ரான் மாலிக் மற்றும் அர்ஷ்தீப் சிங்.
Win Big, Make Your Cricket Tales Now
