ஐசிசி மாதாந்திர விருது: பட்லர், அஃப்ரிடி, ரஷித் ஆகியோரிடையே போட்டி!

Buttler, Adil Rashid, Shaheen Among Nominees For ICC Player Of The Month Award For November (Image Source: Google)

சர்வதேச கிரிக்கெட் போட்டியில் சிறப்பாக விளையாடும் வீரர்களை மாதம் தோறும் கவுரவிக்கும் வகையில் ஒவ்வொரு மாதத்திலும் சிறப்பாக விளையாடிய சிறந்த வீரரை தேர்வு செய்து ஐசிசி விருது வழங்கி வருகிறது.

இந்நிலையில், நவம்பர் மாதத்திற்கான சிறந்த வீரர் யார் என்பதை அடையாளம் காண்பதற்காக 3 வீரர்கள் பெயரை ஐசிசி அறிவித்துள்ளது. இந்தப் பட்டியலில் பாகிஸ்தான் பந்துவீச்சாலர் ஷாஹின் ஷா அஃப்ரிடி, இங்கிலாந்து அணியின் ஜோஸ் பட்லர், ஆதில் ரஷீத் ஆகியோரின் பெயர்கள் இடம் பெற்றுள்ளன.

பாகிஸ்தான் பந்துவீச்சாளர் ஷாஹின் ஷா அஃப்ரிடி டி20 உலக கோப்பை தொடரில் தனது அபாரமான பந்துவீச்சின் மூலம் பல விக்கெட்டுகளை வீழ்த்தினார் என்பது குறிப்பிடத்தக்கது.

இதேபோல், சமீபத்திய டி20 உலகக்கோப்பை தொடரில் சிறப்பாக விளையாடியதற்காக இங்கிலாந்து கேப்டன் ஜோஸ் பட்லர் இடம் பிடித்துள்ளார். இங்கிலாந்து பந்து வீச்சாளர் ஆதில் ரஷீத் சிறப்பான பந்து வீச்சை வெளிப்படுத்தியன் மூலம் இந்தப்பட்டியலில் இடம் பிடித்துள்ளார். இந்த மூன்று வீரர்களில் ஒருவர் ரசிகர்கள் வாக்களிப்பதன் அடிப்படையில் வெற்றியாளராக அறிவிக்கப்படுவார். 

மகளிருக்கான சிறந்த வீராங்கனை பட்டியளில் அயர்லாந்தின் கேபி லூயிஸ்,தாய்லாந்து அணியின் நத்தகன் சந்தம், பாகிஸ்தானின் சித்ரா அமீன் ஆகீயோரது பெயர்கள் நவம்பர் மாதத்திற்கான சிறந்த வீரர்கனை விருதுக்கு பரிந்துரைக்கப்பட்டுள்ளது.