பிபிஎல் 2023: சிட்னி தண்டரை வீழ்த்தி சிட்னி சிக்சர்ஸ் அபார வெற்றி!

சிட்னி தண்டருக்கு எதிரான பிபிஎல் லீக் ஆட்டத்தில் சிட்னி சிக்சர்ஸ் அணி 7 விக்கெட் வித்தியாசத்தில் வீழ்த்தி அபார வெற்றியைப் பதிவுசெய்தது.

Comfortable victory for Sydney Sixers as they win the Sydney Derby by 7 wickets! (Image Source: Google)

பிக்பேஷ் டி20 லீக் தொடரின் 12ஆவது சீசன் ஆஸ்திரேலியாவில் விறுவிறுப்பாக நடந்துவருகிறது. இதில் இன்று சிட்னியில் நடந்த போட்டியில் சிட்னி தண்டர் மற்றும் சிட்னி சிக்ஸர்ஸ் அணிகள் மோதின. இந்த போட்டியில் டாஸ் வென்ற சிட்னி சிக்ஸர்ஸ் அணி ஃபீல்டிங்கை தேர்வு செய்தது.

அதன்படி முதலில் பேட்டிங் ஆடிய சிட்னி தண்டர் அணியில் ஒயிட்மேன் தான் அதிகபட்சமாக 42 ரன்கள் அடித்தார். ஒயிட்மேன் 34 பந்தில் 42 ரன்கள் அடித்தார். அலெக்ஸ் ரோஸ் 34 பந்தில் 34 ரன்கள் மட்டுமே அடித்தார். பின்வரிசையில் பென் கட்டிங் 15 பந்தில் 5 பவுண்டரிகளுடன் 26 ரன்கள் அடித்தார். 

அபாரமாக பந்துவீசிய சிட்னி சிக்ஸர்ஸ் பந்துவீச்சாளர் சீன் அபாட் 4 ஓவரில் வெறும் 9 ரன்கள் மட்டுமே விட்டுக்கொடுத்து 3 விக்கெட்டுகளையும் வீழ்த்தினார். அபாட்டின் சிறப்பான பந்துவீச்சாள் ரன்னே அடிக்கமுடியாமல் திணறிய சிட்னி தண்டர் அணி 20 ஓவர்கள் முடிவில் 8 விக்கெட் இழப்பிற்கு  133 ரன்கள் மட்டுமே அடித்தது. 

இதையடுத்து 134 ரன்கள் என்ற எளிய இலக்கை விரட்டிய சிட்னி சிக்ஸர்ஸ் அணியில் ஜோஷ் ஃபிலிப் 6 ரன்களிலும், ஜேம்ஸ் வின்ஸ் 5 ரன்களிலும், பாட்டர்சன் 2 ரன்கள் என டாப் 3 வீரர்களும் ஒற்றை இலக்கத்தில் வெளியேறினர். இதனால் 25 ரன்களுக்கே சிட்னி சிக்ஸர்ஸ் அணி 3 விக்கெட்டுகளை இழந்தது. 

அதன்பின்னர் மோய்ஸஸ் ஹென்ரிக்ஸ் மற்றும் ஜோர்டான் சில்க் ஆகிய இருவரும் இணைந்து அதிரடியான ஆட்டத்தை வெளிப்படுத்தி அணியின் ஸ்கோரை உயர்த்தினர். தொடர்ந்து அபாரமாக பேட்டிங் செய்த இருவருமே அரைசதம் அடித்து கடைசிவரை களத்தில் நின்று போட்டியை முடித்து கொடுத்தனர்.

மோய்ஸஸ் ஹென்ரிக்ஸ் 38 பந்தில் 53 ரன்களும், ஜோர்டான் சில்க் 42 பந்தில் 59 ரன்களும் அடிக்க, 17ஆவது ஓவரிலே சிட்னி சிக்சர்ஸ் அணி இலக்கை எட்டி 7 விக்கெட் வித்தியாசத்தில் சிட்னி தண்டர் அணியை வீழ்த்தி வெற்றி பெற்றது. மேலும் இப்போட்டியின் ஆட்டநாயகனாக சீன் அபேட் தேர்வு செய்யப்பட்டார்.

Win Big, Make Your Cricket Tales Now