அபாரமான கேட்ச்சின் மூலம் ரசிகர்களின் கவனத்தை ஈர்த்த டேரில் மிட்செல் - காணொளி!
இங்கிலாந்துக்கு எதிரான இரண்டாவது டெஸ்ட் போட்டியில் நியூசிலாந்து வீரர் டேரில் மிட்செல் பிடித்த கேச்ட் குறித்த காணொளி இணையத்தில் வைரலாகி வருகிறது.
நியூசிலாந்து- இங்கிலாந்து அணிகளுக்கு இடையேயான இரண்டாவது டெஸ்ட் போட்டி வெல்லிங்டனில் நடைபெற்று வருகிறது. இதில் டாஸை இழந்து முதலில் பேட்டிங் செய்த இங்கிலாந்து அணியின் டாப் ஆர்டர் வீரர்கள் தொடக்கத்திலேயே அடுத்தடுத்து விக்கெட்டுகளை இழந்து ஏமாற்றமளித்தனர். இதனால் ஒரு கட்டத்தில் இங்கிலாந்து அணி 43 ரன்கள் எடுப்பதற்குள் 4 விக்கெட்டுகளை இழந்தது.
பின்னர் ஜோடி சேர்ந்த ஹாரி புரூக் - ஒல்லி போப் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினார். இதில் அபார ஆட்டத்தை வெளிப்படுத்திய ஹாரி புரூக் தனது சதத்தைப் பதிவுசெய்தார். மறுபக்கம் ஒல்லி போப் 66 ரன்னில் விக்கெட்டை இழக்க, அவரைத்தொடர்ந்து 123 ரன்னில் ஹாரி புரூக்கும் ஆட்டமிழந்தார். இதனால் இங்கிலாந்து அணி முதல் இன்னிங்ஸில் 280 ரன்களைச் சேர்த்து ஆல் அவுட்டானது.
நியூசிலாந்து அணி சார்பில் நாதன் ஸ்மித் 4 விக்கெட்டுகளையும், வில்லியம் ஓ'ரூக்கே 3 விக்கெட்டும் வீழ்த்தினர். பின்னர் முதல் இன்னிங்ஸைத் தொடங்கிய நியூசிலாந்து அணிக்கு எதிர்பார்த்த தொடக்கம் கிடைக்கவில்லி. இதில் டெவான் கான்வே 11 ரன்னிலும், டாம் லேதம் 17 ரன்னிலும் விக்கெட்டை இழக்க, அடுத்து களமிறங்கிய ரச்சின் ரவீந்திரா மற்றும் டேரில் மிட்செல் ஆகியோரும் அடுத்தடுத்து சொற்ப ரன்களுக்கு விக்கெட்டை இழந்தனர்.
இதற்கிடையில் சிறப்பான ஆட்டத்தை வெளிப்படுத்தி வந்த கேன் வில்லியம்சன் 37 ரன்னில் விக்கெட்டை இழந்தார். இதனால் நியூசிலாந்து அணி முதல்நாள் ஆட்டநேர முடிவில் 5 விக்கெட் இழப்பிற்கு 86 ரன்களைச் சேர்த்தது. இதில் வில்லியம் ஓ ரூர்க் ரன்கள் ஏதுமின்றியும், டாம் பிளெண்டல் 7 ரன்னுடனும் களத்தில் உள்ளனர். இங்கிலாந்து அணி தரப்பில் பிரைடன் கார்ஸ் 2 விக்கெட்டுகளையும், கிறிஸ் வோக்ஸ், கஸ் அட்கின்சன் மற்றும் கேப்டன் பென் ஸ்டோக்ஸ் ஆகியோர் தலா ஒரு விக்கெட்டையும் கைப்பற்றியுள்ளனர்.
Daryl Mitchell with a screamer
— England's Barmy Army (@TheBarmyArmy) December 5, 2024
Watch #NZvENG LIVE on @tntsports & @discoveryplusUK pic.twitter.com/iGlKX1mGa8
இந்நிலையில் இப்போட்டியில் நியூசிலாந்து வீரர் டேரில் மிட்செல் பிடித்த அபாரமான கேட்ச் ஒன்று ரசிகர்களின் கவனத்தை ஈர்த்துள்ளது. அந்தவகையில் இங்கிலாந்து அணியின் நட்சத்திர வீரர் ஜோ ரூட் 3 ரன்களை மட்டுமே எடுத்திருந்த நிலையில் நாதன் ஸ்மித் பந்துவீச்சில் ஜோ ரூட் விளையாட முயன்ற நிலையில், பந்து அவரது பேட்டில் பட்டு ஸ்லீப் திசைக்கு சென்றது. அச்சயம் அங்கு ஃபீல்டி செய்து கொண்டிருந்த டேரில் மிட்செல் அபாரமான டைவை அடித்து கேட்ச்சை பிடித்தார்.
இந்நிலையில் தான் டேரில் மிட்செல் பிடித்த இந்த அபாரமான கேட்ச் குறித்த கணொளியானது இணையத்தில் வைரலாகி வருகிறது. மேற்கொண்டு சர்வதேச டெஸ்ட் கிரிக்கெட்டில் ஆதிக்கம் செலுத்தி வந்த ஜோ ரூட் தற்போது நடைபெற்றுவரும் நியூசிலாந்து டெஸ்ட் தொடரில் மிகப்பெரும் அளவில் ரன்களைச் சேர்க்க முடியாமல் தடுமாறி வருவது விமர்சனங்களுக்கு வழிவகுத்துள்ளது குறிப்பிடத்தக்கது.
Also Read: Funding To Save Test Cricket
Win Big, Make Your Cricket Tales Now
