இந்த வெற்றி எங்களுக்கு மிகவும் முக்கியமானதாகும் - ரிச்சி பெர்ரிங்டன்!
டி20 உலகக்கோப்பையில் கத்துக்குட்டி அணியுடன் வெஸ்ட் இண்டீஸ் அணி மிக மோசமான தோல்வியை தழுவியுள்ளது.
வெஸ்ட் இண்டீஸ் சுலபமாக வென்றுவிடும் என எதிர்பார்த்த நிலையில் ஸ்காட்லாந்து ஆட்டம் காட்டியது. அந்த அணியின் பவுலிங்கை ஸ்காட்லாந்து பேட்டர்கள் அடுத்தடுத்து பவுண்டரிக்கு பறக்கவிட்டனர். ஓப்பனிங் வீரர் முன்சே 53 பந்துகளில் 66 ரன்களை குவித்து நல்ல அடித்தளம் அமைக்க, கடைசி நேரத்தில் மாக்லியோட் 23 ரன்களை விளாசினார். இதனால் 20 ஓவர்களில் ஸ்காட்லாந்து அணி 5 விக்கெட்கள் இழப்புக்கு 160 ரன்களை குவித்தது.
Trending
இதனையடுத்து களமிறங்கிய வெஸ்ட் இண்டீஸ் அணியில் தொடக்கமே அதிர்ச்சி காத்திருந்தது. தொடக்க வீரர்கள் கெயில் மேயர்ஸ் 20 ரன்களுக்கும், எவின் லீவிஸ் 14 ரன்களுக்கும் அடுத்தடுத்து ஆட்டமிழந்தனர். மிடில் ஆர்டர் வீரர்கள் இதனை விட மோசமாக சொதப்பிய பிரண்டன் கிங் (17), நிகோலஸ் பூரண் (4), ஷமார் ப்ரூக்ஸ் (4), ரோவ்மன் போவெல் (5) என சொற்ப ரன்களுக்கு மோசமாக வெளியேறினர்.
தனி ஆளாக போராடிய ஜேசன் ஹோல்டருக்கு பார்ட்னர்ஷிப் அமைக்கக்கூட ஒரு வீரரும் இல்லை. ஆனால் அவரும் 33 பந்துகளை சந்தித்து 38 ரன்களை விளாசி அவுட்டானார். மற்ற வீரர்கள் 5 ரன்களை கூட எடுக்காமல் வெளியேற 118 ரன்களுக்கெல்லாம் வெஸ்ட் இண்டீஸ் அணி அனைத்து விக்கெட்களையும் இழந்து மோசமான தோல்வியை பெற்றது.
இப்போட்டி முடிந்து வெற்றி குறித்து பேசிய ஸ்காட்லாந்து அணி கேப்டன் பெர்ரிங்டன், “இது எங்களுக்கு சிறப்பான வெற்றியாகும். எங்களது அதிக உழைப்பு நம்பிக்கையை அளித்து இருக்கிறது. நாங்கள் விரும்பியபடி அதிக டி20 போட்டியில் விளையாடவில்லை. ஆனால் 50 ஓவர் போட்டியில் அதிகம் விளையாடி இருக்கிறோம். அந்த திறமையை குறுகிய வடிவ போட்டிக்கு தகுந்தபடி மாற்றுவது முக்கியமானதாகும்.
நாங்கள் இந்த போட்டி தொடரில் சிறப்பான தொடக்கம் கண்டு இருப்பதாக நினைக்கிறேன். ஜார்ஜ் முன்ஸி விரைவாக ரன்கள் சேர்த்தார். எங்களது பந்து வீச்சாளர்கள் அருமையாக செயல்பட்டனர். குறிப்பாக சுழற்பந்து வீச்சாளர்கள் முக்கியமான தருணங்களில் விக்கெட்டுகளை வீழ்த்தினர்” என்று தெரிவித்தார்.
Win Big, Make Your Cricket Tales Now
