இது மிகவும் உணர்ச்சிகரமான தருணம் - வெற்றி குறித்து டெம்பா பவுமா நெகிழ்ச்சி!
இப்போட்டியில் நாங்கள் தடுமாறிய நிலையிலும், இறுதியில் வெற்றி பெற்றதில் மகிழ்ச்சி என தென் ஆப்பிரிக்க அணி கேப்டன் டெம்பா பவுமா தெரிவித்துள்ளார்.
இதையடுத்து முதலில் பேட்டிங் செய்த பாகிஸ்தான் அணி முதல் இன்னிங்ஸில் 57.3 ஓவரில் 211 ரன்களுக்கு ஆல் அவுட்டான நிலையில், தென் ஆப்பிரிக்க அணி தனது முதல் இன்னிங்ஸில் 301 ரன்களைச் சேர்த்து ஆல் அவுட்டானது. அதன்பின் 90 ரன்கள் பின் தங்கிய நிலையில் இரண்டாவது இன்னிங்ஸில் விளையாடிய பாகிஸ்தான் அணியால் தென் ஆப்பிரிக்க பந்துவீச்சுக்கு ஈடுகொடுக்க முடியாமல் 237 ரன்களை மட்டுமே எடுத்து ஆல் அவுட்டானது.
Trending
இதன்மூலம் தென் ஆப்பிரிக்க அணிக்கு 148 ரன்கள் இலக்காக நிர்ணயிக்கப்பட்டது. இதையடுத்து இலக்கை நோக்கி விளையாடிய தென் ஆப்பிரிக்க அணி இரண்டாவது இன்னிங்ஸில் அடுத்தடுத்து விக்கெட்டுகளை இழந்து தடுமாறியது. அதிலும் குறிப்பாக ஒருகட்டத்தில் 99 ரன்களுக்கு 8 விக்கெட்டுகளை இழந்து தோல்வியின் விளிம்பில் தென் ஆப்பிரிக்கா அணி தத்தளித்தது. இதனால் இப்போட்டியில் எந்த அணி வெற்றிபெறும் என்ற பரபரப்பு தொற்றிக்கொண்டது.
அந்த சமயத்தில் ஜோடி சேர்ந்த காகிசோ ரபாடா - மார்கோ ஜான்சன் இணை சிறப்பாக விளையாடி அணியை வெற்றியை நோக்கி அழைத்துச் சென்றனர். இறுதியில் ரபாடா 31 ரன்களையும், ஜான்சன் 16 ரன்களையும் சேர்த்து அணிக்கு வெற்றியைத் தேடிக்கொடுத்தனர். இதன்மூலம் தென் ஆப்பிரிக்க அணி 2 விக்கெட்டுகள் வித்தியாசத்தில் வெற்றிபெற்றதுடன் நடப்பு ஐசிசி உலக டெஸ்ட் சாம்பியன்ஷிப் கிரிக்கெட் தொடரின் இறுதிப்போட்டிக்கும் முன்னேறி சாதித்துள்ளது.
இந்நிலையில் இப்போட்டி வெற்றி குறித்து பேசிய தென் ஆப்பிரிக்க அணி கேப்டன் டெம்பா பவுமா, “எனக்கு இது மிகவும் உணர்ச்சிகரமான தருணம். எங்கள் அணியில் உள்ள அனைவரும் தற்போது மகிழ்ச்சியில் உள்ளனர். இப்போட்டியில் நாங்கள் தடுமாறிய நிலையிலும், இறுதியில் வெற்றி பெற்றதில் மகிழ்ச்சி. ஒருகட்டத்திற்கு மேல் என்னால் போட்டியை காணமுடியாமல் அழுத்தத்தில் இருந்தேன். அச்சமயத்தில் நாங்கள் அதிகம் உரையாடவில்லை.
அப்போதும் எங்களுக்கு நம்பிக்கை இருந்தது. நான் பார்க்கும் பகுதிக்கு வெளியே வராமல் ஓய்வறையிலேயே இருந்தேன். கடைசியாக எங்கள் வெற்றிக்கு 15 ரன்கள் தேவைப்பட்ட சமயத்தில் தான் நான் மீண்டும் சக வீரர்களுடன் வந்து அமர்ந்து போட்டியை பார்த்தேன். இது எங்களுக்கு ஒரு மிகப்பெரிய வெற்றி. அதிலும் இது எனக்காக மட்டுமல்ல, எங்கள் அணியில் உள்ள பயிற்சியாளர்களுக்கும் இது ஒரு மிகப்பெரும் வெற்றியாகும்.
Also Read: Funding To Save Test Cricket
ஏனெனில் இந்தியாவுக்கு எதிரான எங்கள் தொடரை தொடங்கிய தொடங்கிய விதம், எங்களுக்கு சிறப்பானதாக இல்லை. ஆனால் நாங்கள் தொடர்ந்து அதிலிருந்து மீண்டுவரும் வழிகளைக் கண்டுபிடித்தோம். இதுபோன்ற போட்டிகளின் மூலம் அணி வீரர்கள் நம்பிக்கையைப் பெறுவார்கள் என்று நம்புகிறோம். இந்த தருணத்தை அனுபவிக்கவும், நாங்கள் செய்ததை எண்ணி பெருமைப்படவும் விரும்புகிறோம்” என்று தெரிவித்துள்ளார்.
Win Big, Make Your Cricket Tales Now
