ENG vs IND, 1st Test: தடுமாற்றத்தில் இங்கிலாந்து; பந்துவீச்சாளர்கள் அசத்தல்!

இந்தியாவுடனான முதல் டெஸ்ட் போட்டியின் முதல் நாள் உணவு இடைவேளையில் இங்கிலாந்து அணி 2 விக்கெட்டுகள் இழப்புக்கு 61 ரன்கள் எடுத்துள்ளது.

இங்கிலாந்து - இந்தியா அணிகளுக்கிடையேயான முதல் டெஸ்ட் போட்டி ட்ரெண்ட்பிரிட்ஜில் நடைபெற்று வருகிறது. இதில் டாஸ் வென்ற இங்கிலாந்து கேப்டன் ஜோ ரூட் முதலில் பேட்டிங்கைத் தேர்வு செய்தார். 

அதன்படி முதல் இன்னிங்ஸில் தொடக்க ஆட்டக்காரர்களாக ரோரி பர்ன்ஸ் - டொமினிக் சிப்லி களமிறங்கினர். இந்திய அணி தரப்பில் ஜாஸ்பிரீத் பூம்ரா வீசிய முதல் ஓவரிலேயே பர்ன்ஸ் ரன் ஏதும் எடுக்காமல் ஆட்டமிழந்தார். இதன்பிறகு, சிப்லிவுடன் கைக்கோர்த்த ஸாக் கிரௌலி நிதான ஆட்டத்தை வெளிப்படுத்த தொடங்கினார்.

அதன்பின் முகமது சிராஜ், ஸாக் கிரௌலியின் விக்கெட்டை வீழ்த்தி அசத்தினார். 2ஆவது விக்கெட்டுக்கு இந்த இணை 42 ரன்கள் சேர்த்தது.

அடுத்து களமிறங்கிய கேப்டன் ரூட் ஆரம்பத்திலேயே சிராஜ் பந்தில் 3 பவுண்டரிகளை விளாசினார். இதன்மூலம் முதல்நாள் உணவு இடைவேளையில் இங்கிலாந்து அணி 2 விக்கெட்டுகள் இழப்புக்கு 61 ரன்கள் எடுத்துள்ளது. இந்தியத் தரப்பில் பூம்ரா மற்றும் சிராஜ் தலா 1 விக்கெட்டை வீழ்த்தியுள்ளனர்.