ENG vs IND, 1st ODI: ரோஹித் - தவான் ஜோடி சாதனை!

இங்கிலாந்து அணிக்கு எதிரான முதல் ஒருநாள் போட்டியில் ஷிகர் தவான் - ரோஹித் சர்மா ஜோடி பெரும் சாதனையை படைத்துள்ளார்.

ENG vs IND: Dhawan, Rohit complete 5,000 opening partnership runs (Image Source: Google)

இங்கிலாந்து - இந்திய அணிகளுக்கு இடையேயான முதல் ஒருநாள் போட்டி இன்று லண்டன் ஓவல் மைதானத்தில் தொடங்கியது. இப்போட்டியில் முதலில் பேட்டிங் செய்த இங்கிலாந்து அணி 110 ரன்களுக்கு ஆல் அவுட்டானது.

ஜஸ்பிரித் பும்ராவின் வேகத்தில் சிக்கி மிகவும் மோசமான இலக்கை மட்டுமே இங்கிலாந்து அணி நிர்ணயித்தது. ஓவல் பிட்ச்-ல் மிகவும் ஸ்விங் இருந்ததால் களமிறங்கிய இந்திய அணியும் அடுத்தடுத்து விக்கெட்களை இழந்து தடுமாறுமோ என்ற பதற்றம் நிலவியது. 

ஆனால் அதனை பொய்யாக்கினர் ரோஹித் - தவான் ஜோடி. நீண்ட நாட்களுக்கு பின் சேர்ந்த அவர்கள் சீரான வேகத்தில் ரன் குவித்தனர். இதன்மூலம் 18.4 ஓவர்களில் இந்திய அணி இலக்கை எட்டி 10 விக்கெட் வித்தியாசத்தில் அபார வெற்றியைப் பெற்றது. 

இப்போட்டியில் ரோஹித் சர்மா - ஷிகர் தவான் இணை இறுதிவரை ஆட்டமிழக்காமல் இருந்ததுடன், 114 ரன்களை பார்ட்னர்ஷிப்பும் அமைத்தனர். இந்நிலையில் இந்த ரன்கள் மூலம் புதிய சாதனையை அவர்கள் படைத்துள்ளனர். 

சர்வதேச ஒருநாள் போட்டியில் அதிக பார்ட்னர்ஷிப் அமைத்த பட்டியலில் 4ஆவது ஜோடியாக இணைந்துள்ளனர். இவர்கள் 5000 ரன்களை கடந்து பார்ட்னர்ஷிப் அமைத்து அசத்தியுள்ளனர்.

 

Rohit Sharma and Shikhar Dhawan!#ENGvIND #Indiancricket #teamindia #rohitsharma #shikhardhawan pic.twitter.com/QbXRnSLN1v

— CRICKETNMORE (@cricketnmore) July 12, 2022

இந்த பட்டியலில் முதல் இடத்தில் சச்சின், கங்குலி ஜோடி 176 முறை இணைந்து 6,609 ரன்களை அடித்துள்ளனர். அதன்பின்னர் கில் கிறிஸ்ட் - ஹெய்டன் ஜோடி 5,372 ரன்களும், ஹெய்னஸ் - க்ரீனிட்ஜ் ஜோடி 5,150 ரன்களை பார்ட்னர்ஷிப் அமைத்தனர். இதில் தற்போது ரோஹித் - தவான் ஜோடி இணைந்துள்ளனர்.