ENG vs IND: இங்கிலாந்து சென்றடைந்த இந்திய அணி; வைரலாகும் காணொளி
இங்கிலாந்துக்கு எதிரான ஐந்து போட்டிகள் கொண்ட டெஸ்ட் தொடரில் விளையாடும் இந்திய அணி இன்றைய தினம் இங்கிலாந்து சென்றடைந்துள்ளது.
இந்த தொடருக்கான ஷுப்மன் கில் தலைமையிலான இந்திய அணியையும் பிசிசிஐ சமீபத்தில் அறிவித்திருந்தது. இதில் ரிஷப் பந்த் அணியின் துணைக்கேப்டனாக நியமிக்கப்பட்டுள்ள நிலையில், உள்ளூர் போட்டிகளில் தொடர்ந்து சிறப்பாக செயல்பட்டு வரும் அறிமுக வீரர் சாய் சுதர்ஷன், அணியின் மூத்த வீரர் கருண் நாயர் மற்றும் பந்துவீச்சு ஆல் ரவுண்டர் ஷர்தூல் தாக்கூர் உள்ளிட்டோருக்கு அணியில் வாய்ப்பு வழங்கப்பட்டுள்ளது.
அதேசமயம் இத்தொடரில் பெரிதும் எதிர்பார்க்கப்பட்ட ஸ்ரேயாஸ் ஐயர், சர்ஃப்ராஸ் கான், முகமது ஷமி, அக்ஸர் படேல் மற்றும் இஷான் கிஷான் உள்ளிட்டோருக்கு இந்த அணியில் வாய்ப்பு வழங்கப்படவில்லை என்பதும் குறிப்பிடத்தக்கது. இந்நிலையில் இந்த தொடருக்கான இந்திய அணி தற்சமயம் இங்கிலாந்து சென்றடைந்துள்ளது. மேலும் வீரர்கள் இங்கிலாந்து சென்றடைந்த காணொளியை பிசிசிஐ தங்கள் சமூக வலைதளப் பக்கங்களில் வெளியிட்டுள்ளது.
முன்னதாக இந்த தொடருக்கு முன் இந்திய அணியின் நட்சத்திர வீரர்கள் விராட் கோலி மற்றும் ரோஹித் சர்மா ஆகியோர் டெஸ்ட் கிரிக்கெட்டில் இருந்து ஓய்வு அறிவித்தனர். இது இந்திய அணிக்கு பெரும் பின்னடைவாக பார்க்கப்படும் நிலையில், ஷுப்மன் கில் - கௌதம் கம்பீர் கூட்டணி இங்கிலாந்து அணியின் சவாலை எவ்வாறு சமாளிக்கும் என்ற எதிர்பார்ப்புகள் ரசிகர்கள் மத்தியில் அதிகரித்துள்ளன.
Touchdown #TeamIndia have arrived for the five-match Test series against England #ENGvIND pic.twitter.com/QK5MMk9Liw
— BCCI (@BCCI) June 7, 2025இந்திய டெஸ்ட் அணி: ஷுப்மன் கில் (கேப்டன்), ரிஷப் பந்த் (துணைக்கேப்டன்), யஷஸ்வி ஜெய்ஸ்வால், கேஎல் ராகுல், சாய் சுதர்ஷன், அபிமன்யு ஈஸ்வரன், கருண் நாயர், நிதிஷ் குமார் ரெட்டி, ரவீந்திர ஜடேஜா, துருவ் ஜூரல், வாஷிங்டன் சுந்தர், ஷர்துல் தாக்கூர், ஜஸ்பிரித் பும்ரா, முகமது சிராஜ், பிரசித் கிருஷ்ணா, ஆகாஷ் தீப், அர்ஷ்தீப் சிங், குல்தீப் யாதவ்.
Also Read: LIVE Cricket Score
இங்கிலந்து அணி (முதல் டெஸ்ட்): பென் ஸ்டோக்ஸ் (கேப்டன்), ஷோயப் பஷீர், ஜேக்கப் பெத்தேல், ஹாரி புரூக், பிரைடன் கார்ஸ், சாம் குக், ஸாக் கிரௌலி, பென் டக்கெட், ஜேமி ஓவர்டன், ஓல்லி போப், ஜோ ரூட், ஜேமி ஸ்மித், ஜோஷ் டோங், கிறிஸ் வோக்ஸ்
Win Big, Make Your Cricket Tales Now
