சர்வதேச ஒருநாள் கிரிக்கெட்டில் சாதனைகளை குவித்த ஜோ ரூட்!
வெஸ்ட் இண்டீஸுக்கு எதிரான இரண்டாவது ஒருநாள் போட்டியில் ஜோ ரூட் சதமடித்ததன் மூலம் சில சாதனைகளையும் படைத்துள்ளார்.
அதன்படி களமிறங்கிய வெஸ்ட் இண்டீஸ் அணியில் அபார ஆட்டத்தை வெளிப்படுத்திய கேசி கார்டி சதமடித்து அசத்தியதுடன் 103 ரன்களையும், அவருடன் இணைந்து விளையாடிய கேப்டன் ஷாய் ஹோப் 78 ரன்களையும், பிராண்டன் கிங் 59 ரன்களையும் சேர்த்ததை தவிர்த்து மற்ற வீரர்கள் அனைவரும் சொற்ப ரன்களில் விக்கெட்டுகளை இழந்தனர். இதனால் வெஸ்ட் இண்டீஸ் அணி 47.4 ஓவர்களில் அனைத்து விக்கெட்டுகளையும் இழந்து 308 ரன்களுக்கு ஆல் அவுட்டாந்து.
இங்கிலாந்து தரப்பில் ஆதில் ரஷித் 4 விக்கெட்டுகளையும், சாகிப் மஹ்மூத் 3 விக்கெட்டுகளையும் வீழ்த்தினர். அதன்பின் இலக்கை நோக்கி விளையாடிய இங்கிலாந்து அணியில் சிறப்பான ஆட்டத்தை வெளிப்படுத்தி சதமடித்து அசத்திய ஜோ ரூட் இறுதிவரை ஆட்டமிழக்காமல் 21 பவுண்டரிகள், 2 சிக்ஸர்கள் என 166 ரன்களைக் குவித்து அணிக்கு வெற்றியைத் தேடிக்கொடுத்தார். இதன்மூலம் இங்கிலாந்து அணி 48.5 ஓவர்களில் இலக்கை எட்டியதுடன் 3 விக்கெட் வித்தியாசத்தில் வெஸ்ட் இண்டீஸை வீழ்த்தியது.
இங்கிலாந்து அணிக்காக அதிக ரன்கள்
இந்நிலையில் இப்போட்டியில் சதமடித்து அசத்தியதன் மூலம் ஜோ ரூட் சர்வ்தேச ஒருநாள் கிரிக்கெட்டில் சில சாதனைகளையும் படைத்து அசத்தியுள்ளார். அதன்படி இப்போட்டியில் ஜோ ரூட் 42 ரன்களைச் சேர்த்ததன் மூலம் சர்வதேச ஒருநாள் கிரிக்கெட்டில் அதிக ரன்களை எடுத்த இங்கிலாந்த் வீரர் எனும் சாதனையை படைத்துள்ளார். இதற்கு முன் முன்னாள் வீரர் ஈயன் மோர்கன் 6957 ரன்களை எடுத்ததே சாதனையாக இருந்த நிலையில் அதனைத் தற்சமயம் ஜோ ரூட் முறியடித்துள்ளார்.
இங்கிலாந்து அணிக்காக ஒருநாள் கிரிக்கெட்டில் அதிக ரன்கள் எடுத்த வீரர்கள்
- 7082* - ஜோ ரூட்
- 6957 - இயோன் மோர்கன்
- 5416 - இயன் பெல்
- 5233 - ஜோஸ் பட்லர்
- 5092 - பால் கோலிங்வுட்
7ஆயிரம் ரன்கள்
இதுதவிர்த்து இப்போட்டியில் ஜோ ரூட் 84 ரன்களை கடந்ததன் மூலம் ஒருநாள் கிரிக்கெட்டில் 7000 ரன்களை பூர்த்தி செய்தார். இதன்மூலம் இங்கிலாந்து அணிக்காக சர்வதேச ஒருநாள் கிரிக்கெட்டில் இந்த மைல் கல்லை எட்டிய முதல் வீரர் எனும் சாதனையையும் படைத்தார். மேற்கொண்டு சர்வதேச கிரிக்கெட்டில் அதிவேகமாக 7ஆயிரம் ரன்களைக் கடந்த வீரர்கள் வரிசையில் முன்னாள் வீரர் சௌரவ் கங்குலியின் சாதனையையும் ஜோ ரூட் முறியடித்து அசத்தியுள்ளார்.
சேஸிங்கில் அதிக சதங்கள்
மேற்கொண்டு ஜோ ரூட் இப்போட்டியில் சதமடித்தன் மூலம் இங்கிலாந்து அணிக்காக ஒருநாள் போட்டிகளில் சேஸிங்கின் போது அதிக சதங்கள் அடித்த வீரர் எனும் சாதனையையும் படைத்துள்ளார். முன்னதாக ஜேசன் ராய் 8 முறை சதமடித்ததே சாதனையாக இருந்த நிலையில் தற்போது ஜோ ரூட் 9 சதங்களை விளாசி முதலிடத்தைப் பிடித்துள்ளார். இது தவிர, இங்கிலாந்தில் அதிக ஒருநாள் சதங்கள் அடித்த வீரர் என்ற பெருமையையும் அவர் பெற்றுள்ளார்.
இங்கிலாந்தில் ஒருநாள் போட்டிகளில் அதிக சதங்கள்
- 9 - ஜோ ரூட்*
- 8 - மார்கஸ் ட்ரெஸ்கோதிக்
- 7 - ஜானி பேர்ஸ்டோவ்
- 7 - ரோஹித் சர்மா
பிரையன் லாரா சாதனை முறியடித்தார்
Also Read: LIVE Cricket Score
இதுதவிர்த்து சர்வதேச கிரிக்கெட்டில் அதிக சதங்கள் அடித்த வீரர்களின் பட்டியலில் வெஸ்ட் இண்டீஸின் முன்னாள் ஜாம்பவான் பிரையன் லாராவின் சாதனையும் ஜோ ரூட் முறியடித்துள்ளார். முன்னதாக பிரையன் லாரா மூன்று வடிவங்களிலும் சேர்த்து 53 சதங்களை விளாசி 7ஆம் இடத்தில் இருந்த நிலையில் தற்போது ஜோ ரூட் மூன்று வடிவங்களிலும் சேர்த்து 54 சதங்களை விளாசி 7ஆம் இடத்திற்கு முன்னேறிவுள்ளார்.
Win Big, Make Your Cricket Tales Now
