முத்தரப்பு டி20 தொடர்: அயர்லாந்து அணியில் ஃபின் ஹேண்ட் சேர்ப்பு!
நெதர்லாந்து, ஸ்காட்லாந்து அணிகளுக்கு எதிரான முத்தரப்பு டி20 தொடரில் விளையாடும் அயர்லாந்து அணியில் ஃபின் ஹேண்ட் சேர்க்கப்பட்டுள்ளார்.
அயர்லாந்து அணி சமீபத்தில் பாகிஸ்தான் அணிக்கு எதிரான மூன்று போட்டிகள் கொண்ட டி20 தொடரில் விளையாடியது. இத்தொடரின் முதல் போட்டியில் அபார வெற்றியைப் பதிவுசெய்த அயர்லாந்து அணி, அடுத்தடுத்து போட்டிகளில் வெற்றிக்கு அருகில் சென்று தோல்வியைச் சந்தித்தது. இதனால் மூன்று போட்டிகள் கொண்ட டி20 தொடரை அயர்லாந்து அணி 1-2 என்ற கணக்கில் பாகிஸ்தான் அணியிடம் தோல்வியைத் தழுவியது.
இதையடுத்து அயர்லாந்து அணி ஸ்காட்லாந்து மற்றும் நெதர்லாந்து அணிகளுக்கு எதிரான முத்தரப்பு டி20 தொடரில் விளையாடவுள்ளது. அதன்படி இந்த முத்தரப்பு தொடரானது மே 18ஆம் தேதி தொடங்கி மே 28ஆம் தேதி வரை நடைபெறவுள்ளது. இதற்காக அயர்லாந்து அணி நெதர்லாந்திற்கு செல்லவுள்ளது. இந்நிலையில் அயர்லாந்து அணி வீரர் கிரஹாம் ஹூம் விசா பிரச்சனை காரணமாக இத்தொடரில் பங்கேற்க முடியாத நிலையில் உள்ளார்.
Trending
அவருக்கு நெதர்லாந்து விசா கிடைப்பதில் ஏற்பட்ட தாமதம் காரணமாக அவர் இந்த முத்தரப்பு டி20 தொடரிலிருந்து விலகியுள்ளார். மேலும் அவருக்கு மாற்றாக ஆல் ரவுண்டர் ஃபின் ஹேண்ட் அயர்லாந்து அணியில் சேர்க்கப்பட்டுள்ளார். வேகப்பந்துவீச்சு ஆல் ரவுண்டரான ஃபின் ஹேண்ட் அயர்லாந்து அணிக்காக ஒரு டெஸ்ட் மற்றும் 10 டி20 போட்டிகளில் விளையாடியுள்ளார் என்பது குறிப்பிடத்தக்கது.
முத்தரப்பு தொடர் அட்டவணை:
- மே 19: அயர்லாந்து v நெதர்லாந்து (வூர்பர்க்)
- மே 20: அயர்லாந்து v ஸ்காட்லாந்து (வூர்பர்க்)
- மே 23: அயர்லாந்து v ஸ்காட்லாந்து (வூர்பர்க்)
- மே 24: அயர்லாந்து v நெதர்லாந்து (வூர்பர்க்)
முத்தரப்பு தொடருக்கான அயர்லாந்து அணி: பால் ஸ்டிர்லிங் (கேப்டன்), மார்க் அடேர், ரோஸ் அடேர், ஆண்ட்ரூ பால்பிர்னி, கர்டிஸ் கேம்பர், கரேத் டெலானி, ஜார்ஜ் டோக்ரெல், ஃபின் ஹேண்ட், பேரி மெக்கார்த்தி, நீல் ராக், ஹாரி டெக்டர், லோர்கன் டக்கர், பென் ஒயிட், கிரேக் யங்.
டி20 உலகக் கோப்பை தொடருக்கான அயர்லாந்து அணி: பால் ஸ்டிர்லிங் (கேப்டன்), மார்க் அடேர், ரோஸ் அடேர், ஆண்ட்ரூ பால்பிர்னி, கர்டிஸ் கேம்பர், கரேத் டெலானி, ஜார்ஜ் டோக்ரெல், கிரஹாம் ஹியூம், ஜோஷுவா லிட்டில், பேரி மெக்கார்த்தி, நீல் ராக், ஹாரி டெக்டர், லோர்கன் டக்கர், பென் ஒயிட், கிரேக் யங்.
Win Big, Make Your Cricket Tales Now
