ஐசிசி மகளிர் ஒருநாள் தரவரிசை: மீண்டும் டாப் 10 இடத்தை பிடித்த ஹர்மன்பிரீத் கவுர்!
ஐசிசி மகளிர் ஒருநாள் பேட்டர்களுக்கான தரவரிசைப் பட்டியலில் இந்திய அணி கேப்டன் ஹர்மன்பிரீத் கவுர் மீண்டும் டாப் 10 இடத்திற்குள் நுழைந்துள்ளார்.
இந்நிலையில் சர்வதேச கிரிக்கெட் கவுன்சில் மகளிர் ஒருநாள் கிரிக்கெட் வீராங்கனைகளுக்கான தரவரிசைப் பட்டியலை இன்று வெளியிட்டுள்ளது. இதில் பேட்டர்களுக்கான பட்டியலில் இங்கிலாந்தின் நாட் ஸ்கைவர் பிரண்ட் முதலிடத்திலும், தென் ஆப்பிரிக்காவின் லாரா வோல்வார்ட் இரண்டாம் இடத்திலும், இலங்கை அணியின் சமாரி அத்தபத்து 3ஆம் இடத்திலும், இந்திய அணியின் ஸ்மிருதி மந்தனா 4ஆம் இடத்திலும் தொடர்கின்றனர்.
Trending
மேற்கொண்டு நியூசிலாந்து தொடரில் சிறப்பான ஆட்டத்தை வெளிப்படுத்திய இந்திய மகளிர் அணி கேப்டன் ஹர்மன்பிரீத் கவுர் மூன்று இடங்கள் முன்னேறி மீண்டும் 10ஆம் இடத்திற்குள் நுழைந்துள்ளார். மேற்கொண்டு தீப்தி சர்மா ஒரு இடம் முன்னேறி 20ஆம் இடத்தையும், நியூசிலாந்தின் புரூக் ஹாலிடே 12 இடங்கள் முன்னேறி 24ஆம் இடத்தையும், இந்திய அணியின் யஷ்திகா பாட்டியா 3 இடங்கள் முன்னேறி 45ஆவது இடத்தையும் பிடித்துள்ளது குறிப்பிடத்தக்கது.
இதுதவிர்த்து பந்துவீச்சாளர்களுக்கான தரவரிசைப் பட்டியலில் பெரிதளவில் எந்த மாற்றமும் நிகழவில்லை. அதன்படி இங்கிலாந்து அணியின் சோஃபி எக்லெஸ்டோன் முதலிடத்திலும், இந்திய அணியின் தீப்தி சர்மா இரண்டாம் இடத்திலும், இங்கிலாந்தின் கேட் கிராஸ் மூன்றாம் இடத்தையும் பிடித்துள்ளனர். அதேசமயம் இந்திய அணியின் வேகப்பந்து வீச்சாளர் ரேனுகா சிங் தாக்கூர் 4 இடங்கள் முன்னேறி 32ஆம் இடத்திற்கு முன்னேறியுள்ளார்.
Also Read: Funding To Save Test Cricket
மேற்கொண்டு மகளிர் ஒருநாள் ஆல் ரவுண்டர்களுக்கான தரவரிசை பட்டியலின் டாப் 10 இடங்களில் எந்த மாற்றமும் இல்லை. அதன்படி தென் ஆப்பிரிக்க அணியின் மரிஸான் கேப் முதலிடத்திலும், வெஸ்ட் இண்டீஸ் அணியின் ஹெய்லி மேத்யூஸ் இரண்டாம் இடத்திலும், இங்கிலாந்தின் நாட் ஸ்கைவர் பிரண்ட் மூன்றாம் இடத்திலும், இந்திய வீராங்கனை தீப்தி சர்மா 4ஆம் இடத்தையும் பிடித்துள்ளனர் என்பது குறிப்பிடத்தக்கது.
Win Big, Make Your Cricket Tales Now
