சர்வதேச டி20 கிரிக்கெட்டில் புதிய சாதனைப்படைத்த ஹர்மன்ப்ரீத் கவுர்!

சர்வதேச டி20 கிரிக்கெட்டில் அதிக போட்டிகளில் விளையாடிய முதல் நபர் எனும் வரலாற்று சாதனையை இந்திய அணி கேப்டன் ஹர்மன்ப்ரித் கவுர் படைத்துள்ளார்.

Harmanpreet Kaur becomes the first cricketer to play 150 T20I matches (Image Source: Google)

தென் ஆப்பிரிக்காவில் நடைபெற்று வரும் எட்டாவது சீசன் மகளிர் டி20 உலகக்கோப்பை கிரிக்கெட் தொடர் விறுவிறுப்பாக நடைபெற்று வருகிறது. இதில் இன்று நடைபெற்ற போட்டியில் இந்திய மகளிர் அணி, அயர்லாந்து மகளிர் அணியை எதிர்கொண்டது. 

அதன்படி இப்போட்டியில் டாஸ் வென்று முதலில் பேட்டிங் செய்த இந்திய அணி 6 விக்கெட் இழப்பிற்கு 155 ரன்களைச் சேர்த்தது. இதையடுத்து இலக்கை நோக்கி களமிறங்கிய அயர்லாந்து அணி 8.2 ஓவரில் 2 விக்கெட் இழப்பிற்கு 54 ரன்களைச் சேர்த்த நிலையில் மழைக்குறுக்கிட்டதால் ஆட்டம் பாதிக்கப்பட்டது. தொடர்ந்து மழை நீடித்த காரணத்தினால் டக்வொர்த் லூயிஸ் முறைப்படி இந்திய மகளிர் அணி 5 ரன்கள் வித்தியாசத்தில் வெற்றிபெற்றதாக அறிவிக்கப்பட்டது. 

இந்த வெற்றியின் மூலம் மகளிர் டி20 உலகக்கோப்பை தொடரின் அரையிறுதிச்சுற்றுக்கு இந்திய மகளிர் அணி முன்னேறி அசத்தியுள்ளது. அரையிறுதிச்சுற்றில் ஆஸ்திரேலியாவை எதிர்த்து இந்திய அணி விளையாடவுள்ளது குறிப்பிடத்தக்கது. 

இந்நிலையில் இந்தப் போடியின் மூலம் ஹர்மன்ப்ரீத் புதிய சாதனையை படைத்துள்ளார். அதாவது, சர்வதேச டி20 கிரிக்கெட் போட்டியில் அதிக போட்டிகளில் (150) விளையாடியவர் என்ற சாதனையை படைத்துள்ளார். இந்திய ஆடவர் அணியின் கேப்டன் ரோஹித் சர்மாவின் சாதனையையும் தாண்டியுள்ளார் என்பது குறிப்பிடத்தக்கது. 

ஸ்மிருதி மந்தனா 115 டி20 போட்டிகளில்  விளையாடியுள்ளார். டாஸ் நிகழ்வின் போது இது குறித்து ஹர்மன்ப்ரீத், “இது மிகப் பெரியதாக உணர்கிறேன். எனது அணியில் இருந்து உணர்ச்சிகரமான வாழ்த்துகளை பெற்றேன். பிசிசிஐ, ஐசிசிக்கு நன்றியை தெரிவித்துக் கொள்கிறேன். நாங்கள் இன்னும் அதிகமான போட்டிகள் விளையாட உள்ளோம்” என்று தெரிவித்தார்.

சர்வதேச டி20 கிரிக்கெட்டில் அதிக போட்டிகளில் விளையாடியவர்கள்: 

• ஹர்மன்ப்ரீத் - 150 போட்டிகள் 
• ரோஹித் சர்மா- 148 போட்டிகள் 
• சுசி பேட்ஸ் - 143 போட்டிகள் 
   

Win Big, Make Your Cricket Tales Now